ជាតិ
នយោបាយជាតិ
គ.ជ.ប៖ ការឃោសនាបោះឆ្នោតក្រុមប្រឹក្សារាជធានី-ខេត្ត មានសណ្តាប់ធ្នាប់ល្អជាងសព្វដង
(កណ្តាល) លោក សោម សូរីដា សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) ដឹកនាំប្រជុំសរុបលទ្ធផលដំណើរការឃោសនាបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ នៅទីស្ដីការ គ.ជ.ប នារសៀលថ្ងៃទី២៤ឧសភា ។
×![]()
យុទ្ធនាការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ត្រូវបានបិទបញ្ចប់ ដោយរលូននាថ្ងៃទី២៤ឧសភានេះ។ លោក ហង្ស ពុទ្ធា ដែលជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានចាត់ទុកសកម្មភាពឃោសនាបោះឆ្នោតរបស់គណបក្សនីមួយៗ គឺមានសណ្តាប់ល្អជាងសកម្មភាពឃោសនាសព្វដង។
ការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ក្នុងរយៈពេល១សប្តាហ៍មកនេះ ពោលចាប់ពីថ្ងៃទី១៧ឧសភា បានដំណើរការយ៉ាងរលូនប្រកបដោយតម្លាភាព មានសណ្តាប់ធ្នាប់ល្អហើយគ្មានអំពើហិង្សា ជាពិសេស គឺភាពយោគយល់គ្នារវាងគណបក្សនយោបាយនីមួយៗ។ លោក ហង្ស ពុទ្ធា បានរៀបរាប់បែបនេះមកកាន់សារព័ត៌មានថ្មីៗ(ThmeyThmey) ដោយបានបញ្ជាក់ថា៖ « បើធៀបនឹងការឃោសនាបោះឆ្នោតមុនៗ! នេះជាសកម្មភាពឃោសនាបោះឆ្នោតមួយដែលល្អជាងគេ»។
នេះជាសកម្មភាពឃោសនាបោះឆ្នោតតាមបែបអសកលអាណត្តិទី៤ នៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក និងក្រុមប្រឹក្សាខណ្ឌ ដែលមានអង្គបោះឆ្នោតត្រឹម១១,៦២២នាក់ប៉ុណ្ណោះ។ ការណ៍នេះទើបធ្វើឱ្យសកម្មភាពឃោសនាបោះឆ្នោតនៅទាំង២៥រាជធានី-ខេត្ត សភាពស្ងប់ស្ងាត់គួរឱ្យសម្គាល់។
តែយ៉ាងណាមិញ, អ្នកនាំពាក្យ គ.ជ.ប បាននិយាយថា ភាពស្ងប់ស្ងាត់នៃការឃោសនាបោះឆ្នោតបានបង្ហាញឱ្យឃើញពីកិច្ចសហការគ្នាយ៉ាងល្អរវាងអាជ្ញាធរដែនដីដែលតំណាងឱ្យរដ្ឋាភិបាលថ្នាក់ក្រោមជាតិ ជាមួយនឹងគណបក្សនយោបាយនានា។ បើតាមលោក ហង្ស ពុទ្ធា ក្នុងយុទ្ធនាការឃោសនាបោះឆ្នោតនេះ គណបក្សមួយចំនួន បានជួយពិភាក្សាការងារជាមួយអាជ្ញាធរដែនដីក្នុងការរៀបចំសន្តិសុខសណ្តាប់ធ្នាប់សង្គម និងជួបប្រជុំគ្នាដើម្បីលើបញ្ហាមិនប្រក្រតីមួយចំនួន ផងដែរ។
« ការប្រជុំជាមួយភាគីពាក់ព័ន្ធនេះ គឺជាលំហរឱកាសសម្រាប់គ្រប់គណបក្សនយោបាយដែលមាននិន្នាការខុសគ្នាហ្នឹងអាចនិយាយជាមួយគ្នា ហើយសួរដេញដោល ឬក៏សហការជាមួយគ្នាបាន»។ នេះជាការលើកឡើងរបស់លោក ហង្ស ពុទ្ធា។
គួរជម្រាបថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នឹងប្រព្រឹត្តិឡើងនៅថ្ងៃទី២៦ឧសភា ឆ្នាំ២០២៤។សម្រាប់រាជធានីភ្នំពេញ គឺមាន១២មណ្ឌលនៃខណ្ឌនីមួយៗ ដោយមានចំនួនអ្នកបោះឆ្នោត ៨៩៩នាក់៕
ការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ក្នុងរយៈពេល១សប្តាហ៍មកនេះ ពោលចាប់ពីថ្ងៃទី១៧ឧសភា បានដំណើរការយ៉ាងរលូនប្រកបដោយតម្លាភាព មានសណ្តាប់ធ្នាប់ល្អហើយគ្មានអំពើហិង្សា ជាពិសេស គឺភាពយោគយល់គ្នារវាងគណបក្សនយោបាយនីមួយៗ។ លោក ហង្ស ពុទ្ធា បានរៀបរាប់បែបនេះមកកាន់សារព័ត៌មានថ្មីៗ(ThmeyThmey) ដោយបានបញ្ជាក់ថា៖ « បើធៀបនឹងការឃោសនាបោះឆ្នោតមុនៗ! នេះជាសកម្មភាពឃោសនាបោះឆ្នោតមួយដែលល្អជាងគេ»។
នេះជាសកម្មភាពឃោសនាបោះឆ្នោតតាមបែបអសកលអាណត្តិទី៤ នៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក និងក្រុមប្រឹក្សាខណ្ឌ ដែលមានអង្គបោះឆ្នោតត្រឹម១១,៦២២នាក់ប៉ុណ្ណោះ។ ការណ៍នេះទើបធ្វើឱ្យសកម្មភាពឃោសនាបោះឆ្នោតនៅទាំង២៥រាជធានី-ខេត្ត សភាពស្ងប់ស្ងាត់គួរឱ្យសម្គាល់។
លោក ហង្ស ពុទ្ធា អ្នកនាំពាក្យ គ.ជ.ប។ រូបភាពបានពីទំព័រហ្វេសប៊ុកអ្នកនាំពាក្យ គ.ជ.ប
តែយ៉ាងណាមិញ, អ្នកនាំពាក្យ គ.ជ.ប បាននិយាយថា ភាពស្ងប់ស្ងាត់នៃការឃោសនាបោះឆ្នោតបានបង្ហាញឱ្យឃើញពីកិច្ចសហការគ្នាយ៉ាងល្អរវាងអាជ្ញាធរដែនដីដែលតំណាងឱ្យរដ្ឋាភិបាលថ្នាក់ក្រោមជាតិ ជាមួយនឹងគណបក្សនយោបាយនានា។ បើតាមលោក ហង្ស ពុទ្ធា ក្នុងយុទ្ធនាការឃោសនាបោះឆ្នោតនេះ គណបក្សមួយចំនួន បានជួយពិភាក្សាការងារជាមួយអាជ្ញាធរដែនដីក្នុងការរៀបចំសន្តិសុខសណ្តាប់ធ្នាប់សង្គម និងជួបប្រជុំគ្នាដើម្បីលើបញ្ហាមិនប្រក្រតីមួយចំនួន ផងដែរ។
« ការប្រជុំជាមួយភាគីពាក់ព័ន្ធនេះ គឺជាលំហរឱកាសសម្រាប់គ្រប់គណបក្សនយោបាយដែលមាននិន្នាការខុសគ្នាហ្នឹងអាចនិយាយជាមួយគ្នា ហើយសួរដេញដោល ឬក៏សហការជាមួយគ្នាបាន»។ នេះជាការលើកឡើងរបស់លោក ហង្ស ពុទ្ធា។
គួរជម្រាបថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នឹងប្រព្រឹត្តិឡើងនៅថ្ងៃទី២៦ឧសភា ឆ្នាំ២០២៤។សម្រាប់រាជធានីភ្នំពេញ គឺមាន១២មណ្ឌលនៃខណ្ឌនីមួយៗ ដោយមានចំនួនអ្នកបោះឆ្នោត ៨៩៩នាក់៕
© រក្សាសិទ្ធិដោយ thmeythmey.com
