បន្ទាប់ពីចាកចេញពីរដ្ឋធានី លីឡុងវ៉េ យន្តហោះកម្លាំងការពារដឹកអនុប្រធានាធិបតីម៉ាឡាវី លោក Saulos Chilima, អតីតស្រ្តីទីមួយ និងមនុស្សផ្សេងទៀត បានបាត់ពីរ៉ាដា នៅព្រឹកថ្ងៃទី១០ ខែមិថុនា។ ដំបូងឡើយ យន្តហោះមួយនេះ ត្រូវបានរំពឹងថា នឹងចុះចតនៅអាកាសយានដ្ឋានអន្តរជាតិ Mzuzu។ 

 

បន្ទាប់ពីអនុប្រធានាធិបតីបាត់ខ្លួន លោកប្រធានាធិបតី Lazarus Chakwera បានបញ្ចាឱ្យកម្លាំងជួយសង្រ្គោះចេញប្រតិបត្តិការរុករកយន្តហោះបាត់នោះ នៅតំបន់ភ្នំ និងព្រៃមួយ នៅភាគខាងជើងម៉ាឡាវី។ 

 

«ទាហាន នៅតែបំពេញប្រតិបត្តិការ ដើម្បីរុករក ហើយខ្ញុំបញ្ចាឱ្យមានប្រតិបត្តិការម៉ត់ចត់មួយរហូតទាល់តែយន្តហោះត្រូវបានរកឃើញ»។ លោកប្រធានាធិបតីបានសង្កត់ធ្ងន់បែបនេះ នៅក្នុងសុន្ទរកថាមួយ នៅថ្ងៃទី១០ ខែមិថុនា។ 

 

មកទល់ពេលនេះ អាជ្ញាធរម៉ាឡាវី ដែលស្ថិតនៅតំបន់អាហ្រ្វិកខាងកើត មិនទាន់ដឹងពីមូលហេតុ ដែលយន្តហោះធ្លាក់ឡើយ ខណៈទាហានកំពុងបង្កើនកិច្ចខិតខំរបស់ខ្លួន ក្នុងការុករក៕