សេចក្តីសម្រេចរបស់ក្រសួងមហាផ្ទៃ ដែលចុះហត្ថលេខាដោយសម្ដេច ស ខេង ចុះថ្ងៃទី៥ មករា បានសង្កត់ធ្ងន់ថា ការដកតំណែងលោក ហួត សីហា នេះ ក៏ត្រូវបានបន្ថយឋានន្តរស័ក្តិ ពីវរសេនីយ៍ត្រីយ៍ ឲ្យមកត្រឹមអនុសេនីយ៍ឯកវិញដែរ។
 

ការសម្រេចដកតំណែងលោក ហួត សីហា ពីនាយប៉ុស្តិ៍នគរបាលរដ្ឋបាលសំរោងធំនេះ ធ្វើឡើងក្រោយពេលលោក ឈឿន សុចិត្ត ស្នងការនគរបាលខេត្តកណ្តាល បានបញ្ជាឱ្យការិយាល័យបុគ្គលិកចុះស្រាវជ្រាវលើករណីផ្សព្វផ្សាយព័ត៌មានថា លោក ហួត សីហា បានចាប់យុវជន៣នាក់ ពាក់ព័ន្ធករណីគ្រឿងញៀនហើយ ជំរិតទារប្រាក់ពីពួកគេ ចំនួន៣៥០០ដុល្លារ ជាថ្នូរនឹងការដោះលែងវិញ កាលពីអំឡុងខែកញ្ញា ឆ្នាំ២០២១កន្លងមក ។