ជារឿងដ៏ភ្ញាក់ផ្អើលសម្រាប់ប៉ូលិសនៅតំបន់ប្រជុំជន Bulwell ក្រុង Nottingham នៅពេលដែលឃាត់ខ្លួនអ្នកបើកបរចំណាស់ម្នាក់ ហើយគាត់ឆ្លើយមិនដែលមានលិខិតស្នាមអ្វីទាល់តែសោះ តាំងពីចេះបើកបរអាយុ១២ឆ្នាំ។

 

ប៉ូលិសមូលដ្ឋាន Bulwell, Rise Park និង Highbury Vale បានបញ្ជាក់នៅក្នុងហ្វេសប៊ុករបស់ខ្លួនថា បុរសឈ្មោះ Taquin បានចាប់ផ្តើមបើកបរតាំងពីអាយុ១២ឆ្នាំមកម្ល៉េះ ហើយគាត់មិនត្រូវបានប៉ូលិសត្រួតពិនិត្យនោះឡើយ។

 

«អ្វីដែលគួរឲ្យកត់សម្គាល់នោះ  គាត់មិនដែលបង្កគ្រោះថ្នាក់ចរាចរណ៍ មិនដែលធ្វើឲ្យមនុស្សរងរបួស និងមិនដែលខាតបង់ប្រាក់កាសទៅអ្នកណាម្នាក់នោះឡើយ»។ នេះជាការបញ្ជាក់របស់ប៉ូលិស។

 

គាត់ត្រូវបានឃាត់ខ្លួនជាមួយរថយន្ត Mini One ពណ៌ខៀវ, ប៉ូលិសមិនបានបញ្ជាក់បន្ថែមទាក់ទងនឹងការពិន័យនោះឡើយ ប៉ុន្តែបានអំពាវនាវដល់ពលរដ្ឋនាំគ្នាគោរពច្បាប់ចរាចរណ៍ ជាពិសេសនៅក្នុងក្រុង Nottingham ដែលមានបំពាក់កាមេរ៉ាសុវត្ថិភាពតាមដាន ដោយសរសេរថា៖ «ត្រូវដាក់ឯកសារតាមខ្លួនជានិច្ច ពីព្រោះនៅថ្ងៃណាមួយ លោកអ្នកច្បាស់ជាត្រូវគេសួររក»៕