កីឡាអន្តរជាតិ
អន្តរជាតិ
Zouma រងពិន័យពីក្លិបជុំវិញការប្រើហិង្សាលើសត្វឆ្មារបស់ខ្លួន រូបភាព៖ New York Post
× ក្លិប West Ham United បានបញ្ជាក់ថា កីឡាករ Kurt Zouma ត្រូវរងពិន័យជាប្រាក់ជុំវិញការប្រើហិង្សាលើឆ្មារបស់ខ្លួន។ ក្លិបមួយនេះ ក៏សហការជាមួយអង្គការសប្បុរសធម៌សុខុមាលភាពសត្វអង់គ្លេស (RSPCA) ក្នុងការស៊ើបអង្កេតលើករណីទះ និងទាត់ឆ្មា ក្នុងវីដេអូបានបង្ហោះលើបណ្តាញសង្គម។
តាមរយៈវីដេអូដែលបង្ហោះនៅថ្ងៃទី៧ ខែកុម្ភៈ ខ្សែការពារ Kurt Zouma បានយកដៃទះ និងជើងទាត់លើសត្វឆ្មាមួយក្បាល។ ក្រោយមួយថ្ងៃខ្សែការពារសញ្ជាតិបារាំង ក៏បានចេញសេចក្តីប្រកាស សុំទោសជាសាធារណៈ។
ថ្ងៃទី៩ខែកុម្ភៈ ក្លិប West Ham United ក៏បានចេញសេចក្តីថ្លែងការណ៍ បញ្ជាក់ថា ក្លិបរួមជាមួយ Zouma បានសហការយ៉ាងជិតស្និទ្ធ ចំពោះការស៊ើបអង្កេតករណីនេះ ពីសំណាក់អង្គការសប្បុរសធម៌សុខុមាលភាពសត្វអង់គ្លេស (RSPCA)។
«រឿងនេះ ពិតជាកំពុងតែបន្តពិតមែន ហើយក្លិបក៏កំពុងតែដោះស្រាយចំពោះបញ្ហានេះ។» លោក David Moyes បានបញ្ជាក់ប្រាប់អ្នកកាសែតបែបនេះ។
RSPCA បញ្ជាក់ថា សត្វឆ្មាពីរក្បាលនោះ ត្រូវបានយកទៅមើលថែ ខណៈ Zouma ត្រូវរងពិន័យ។ បើតាមសេចក្តីរាយការណ៍នានា Zouma ត្រូវរងពិន័យប្រមាណជា ៣៤០ ០០០ ដុល្លារដែលនឹងត្រូវបរិច្ចាគឱ្យអង្គការ RSPCA តែម្ដង៕
Tag:
Kurt Zouma
West Ham United
© រក្សាសិទ្ធិដោយ thmeythmey.com