ប្រកាសចេញថ្ងៃទី២១កុម្ភៈ មាន១៤ប្រការ ។ ក្នុងនោះប្រការ៤ បានចែងថា

ក្រៅពីត្រូវបង់ប្រាក់តម្កល់អប្បបរមា៥ភាគរយ មុនពេលនាំចេញហើយ អ្នកនាំចេញក៏ត្រូវបង់ប្រាក់ធានាកាត់កង សម្រាប់ការកាត់កងកាតព្វកិច្ចហិរញ្ញវត្ថុមិនមែនសារពើពន្ធ តាមការនាំចេញជាក់ស្ដែងដែរ។ 

 

ការកំណត់បែបបទ និងនីតិវិធីនៃការបង់កាតព្វកិច្ចហិរញ្ញវត្ថុមិនមែនសារពើពន្ធ សម្រាប់ការនាំចេញផលិតផលរ៉ែ រៀបចំឡើង ដើម្បីធានាការប្រមូលចំណូលប្រកបដោយតម្លាភាព ប្រសិទ្ធភាព បញ្ចៀស ការកើតមានបំណុលជាយថាហេតុ និងជួយសម្រួលលំហូរសាច់ប្រាក់របស់អ្នកនាំចេញផលិតផលរ៉ែ។ 

 

ប្រកាសដដែល បានបញ្ជាក់ថា អ្នកនាំចេញរ៉ែ អាចដាក់ពាក្យស្នើសុំទៅក្រសួងរ៉ែ ដើម្បីដកប្រាក់ តម្កល់អប្បបរមា ក្រោយបញ្ចប់ការនាំចេញជាស្ថាពរ និងក្នុងលក្ខខណ្ឌ ដែលនាំចេញផលិតរ៉ែ បានបំពេញកាតព្វកិច្ចត្រឹមត្រូវហើយ។ ក្រោយទទួលបានពាក្យស្នើសុំនេះ ក្រសួងនឹងស្នើទៅក្រសួងសេដ្ឋកិច្ច ដើម្បីបង្វែរប្រាក់តម្កល់អប្បបរមាទៅអ្នកនាំចេញវិញ។ 

 

ក្នុងករណីអ្នកនាំចេញរ៉ែ មិនបំពេញកាតព្វកិច្ចហិរញ្ញវត្ថុមិនមែនសារពើពន្ធ ឬកាតព្វកិច្ចផ្សេងទៀត,  រងការបិទបញ្ចប់ការនាំចេញជាអចិន្ត្រៃយពីក្រសួងរ៉ែ ក្នុងករណីល្មើសច្បាប់, គោលការណ៍កំណត់កូតាអនុញ្ញាតឱ្យនាំចេញរ៉ែ បានដកហូត និងអាជ្ញាបណ្ណធនធានរ៉ែ ត្រូវដកហូតនោះ ប្រាក់តម្កល់អប្បបរមារបស់អ្នកនាំចេញរ៉ែ នឹងត្រូវរឹបអូសទុកជាប្រយោជន៍ជាតិ។ 

 

ចំណែក ប្រាក់ធានាកាត់កងវិញ អ្នកនាំចេញពុំមានសិទ្ធិដកប្រាក់ ដែលនៅសល់ឡើយ។ ប្រាក់ធានាកាត់កង ដែលនៅសល់នោះ ក្រសួងនឹងបូកយោង សម្រាប់យកទូទាត់ជាមួយនឹងកាតព្វកិច្ចហិរញ្ញវត្ថុ មិនមែន​សារពើពន្ធ តាមបរិមាណនៃគោលការណ៍កំណត់កូតាអនុញ្ញាត

ឱ្យនាំចេញផលិតផលរ៉ែបន្ទាប់៕