ក្នុងកិច្ចប្រជុំសម្របសម្រួលជាតិសម្រាប់ផែនការសកម្មភាពជាតិលើដំណាំប្រេងដូងប្រកបដោយចីរភាពឆ្នាំ២០១៩ដល់ ២០២៤ នៅថ្ងៃទី២៨ ខែមីនា លោក Airlangga Hartarto រដ្ឋមន្រ្តីសម្របសម្រួលកិច្ចការសេដ្ឋកិច្ច បានអះអាងថា ឥណ្ឌូណេស៊ី កំពុងនាំមុខលើការនាំចេញប្រេងដូងសកល ដោយមានផលិតកម្មទំហំ ៥៦លានតោន និងការនាំចេញ ២៦,៣៣លានតោន នៅក្នុងឆ្នាំ២០២៣។ 

 

«ឥណ្ឌូណេស៊ីជាប្រទេសផលិតប្រេងដូងដ៏ធំបំផុតលើពិភពលោក»។ លោក Airlangga Hartarto បានបញ្ជាក់បែបនេះ ដោយបន្តថា ការនាំចេញប្រេងដូងរបស់ឥណ្ឌូណេស៊ី គឺស្មើនឹង ៥៤ភាគនៃការនាំចេញរបស់ពិភពលោក នៅក្នុងឆ្នាំ២០២៣។ 

 

ក្នុងឆ្នាំ២០២៣ ឥណ្ឌូណេស៊ី អាចរកចំណូលបានពីការនាំចេញប្រេងដូងប្រមាណ ១,៣លានដុល្លារ ឬស្មើនឹង ១២ភាគរយនៃការនាំចេញហ្គាស និងមិនមែនប្រេងរបស់ឥណ្ឌូណេស៊ី

 

ទន្ទឹមនឹងការកាត់បន្ថយភាពក្រីក្រនៅតំបន់ជនបទ រដ្ឋមន្រ្តីរូបនេះ បានអះអាង ដំណាំប្រេងដូង បានជួយឱ្យមនុស្សមានការងារធ្វើចំនួន ១៦,២លាននាក់ ក្នុងប្រទេស៕