បើតាមសហស្ថាបនិកបុណ្យភូមិដដែល ការណ៍ដែល«ឡេឡេបុណ្យភូមិ»បន្តកើនឡើងដូច្នេះ ក៏ព្រោះបុណ្យភូមិ ជាសហគមន៍ដែលអាចឱ្យយុវជនស្វែង យល់ពីទំនៀមទម្លាប់ ប្រពៃណីខ្មែរ ដូចជាសិល្បៈ,ល្បែងកម្សាន្ត,សម្លៀកបំពាក់,ម្ហូបអាហារ និងសម្ភារប្រពៃណីខ្មែរនានា ដែលមានក្នុងកម្មវិធីបុណ្យភូមិ។ «ឡេឡេបុណ្យភូមិ ភាគច្រើនជាសិស្សមកពីសាលាផ្សេងៗ។ អ៊ីចឹងវា(បុណ្យភូមិ) បានក្លាយជាកន្លែងមួយសម្រាប់អ្នកមានទឹកចិត្ត ស្រឡាញ់សិល្បៈ គាត់មកអនុវត្តរយៈពេល៣-៤ខែជាមួយយើង ហើយគាត់បាន បញ្ចេញ ស្នាដៃរបស់គាត់ ហើយស្គាល់មិត្តភក្ដិថ្មី ហើយវាបានក្លាយជាសហគមន៍ច្នៃប្រឌិតមួយ សម្រាប់យុវជនសម័យថ្មី ដែលគាត់អាចធ្វើអ្វីដែលគាត់ ចង់ធ្វើ»។ 
 

សូមបញ្ជាក់ថា «បុណ្យភូមិ» ឆ្នាំ២០២៤ ត្រូវបានរៀបចំឡើង ពីថ្ងៃទី៥-៧ ខែមេសា នៅបរិវេណវត្តព្រែកថ្លឹង ដែលស្ថិតក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ។ កម្មវិធីបុណ្យភូមិ ត្រូវបានរៀបចំឡើងជាលើកដំបូង នៅក្នុងឆ្នាំ២០១៣ ហើយពីមួយឆ្នាំទៅមួយឆ្នាំមហោស្រពសិល្បៈ មួយនេះ បន្តទាក់ទាញអ្នកចូលរួមកម្សាន្តពិសេស កាន់តែច្រើនឡើងៗ៕