កាលពីថ្ងៃទី៦ ខែមីនា ឆ្នាំ២០២៤ បឹងកេត បានចាញ់ ព្រះខ័នរាជស្វាយរៀង ក្នុងជើងទី១ លទ្ធផល ៣-១ នៅពហុកីឡដ្ឋានជាតិអូឡាំពិក។ បឹងកេត មានសម្ពាធកាន់តែខ្លាំង ដោយចាញ់គ្រាប់បាល់ជើងទី១ផង ប្រកួតនៅក្រៅដី ដែលមានអ្នកគាំទ្រព្រះខ័នរាជស្វាយរៀងច្រើនអ្នកផង។ 
 

ដោយឡែក ក្នុងរដូវកាលនេះ ទាំងក្របខ័ណ្ឌលីគកំពូល និងពានសម្ដេច ហ៊ុន សែន ព្រះខ័នរាជស្វាយរៀង គឺជាក្រុម ដែលកំពុងសមប្រកបជាងគេ។ តើបឹងកេត អាចវាយបក ឬអាចទម្លាក់ព្រះខ័នរាជស្វាយរៀង ត្រឹមវគ្គពាក់កណ្ដាលផ្ដាច់ព្រ័ត្រ ដែរឬបានទេ?
 

ក្នុងពេលជាមួយគ្នានេះ ភ្នំពេញក្រោន ត្រូវស្វាគមន៍ វិសាខា នៅកីឡដ្ឋាន Smart RSN។ ប្រកួតជើងទី១ នៅកីឡដ្ឋានព្រីនស៍របស់ក្លិបវិសាខា លទ្ធផលស្មើគ្នា ២-២។ តើភ្នំពេញក្រោន ឬ វិសាខា ទទួលបានកៅអីវគ្គផ្តាច់ព្រ័ត្រ?