សហព័ន្ធកីឡាគុនចម្រុះកម្ពុជា បានត្រៀមសមាសភាពកីឡាករ-កីឡាការិនី ២០រូបប្រកួតក្នុងព្រឹត្តិការណ៍ជើងឯកអាស៊ី លើកទី២ (The 2nd Asian Mixed Martial Arts Championship 2024)។ លោក ជឹម ធារ៉ា មិនបានបញ្ជាក់ពីសមាសភាពរបស់កីឡាករទាំង២០រូបនោះអស់ទេ ដោយគ្រាន់តែប្រាប់៩នាក់ប៉ុណ្ណោះ។ 
 

ក្នុងចំណោម ៩នាក់នោះ ចាន់ រតនា, នៅ ស្រីពៅ, អ៊ុំ ថារ័ត្ន គឺជាអត្ដពលិក ដែលមានបទពិសោធន៍ច្រើនលើគុនចម្រុះ។ រីឯ សំ សុវណ្ណកេសា គឺជាកីឡាករខ្មែរ-អាមេរិក ដែលឆ្លងកាត់ប្រកួតអន្ដរជាតិជាច្រើនលើក។ 
 

ចំណែក ម៉ឺន មេឃា ក៏ធ្លាប់ប្រកួតសង្វៀន MMA ដែរ ប៉ុន្ដែដោយអំឡុងវិបត្តិកូវីដ-១៩ កីឡាកររូបនេះ ក៏ប្រកួតតែលើសង្វៀនគុនខ្មែរវិញ។
 

ដោយឡែក ឈឿង ល្វៃ កីឡាករប្រដាល់គុនខ្មែររូបនេះ មិនធ្លាប់មានបទពិសោធនប្រកួតយុទ្ធគុនចម្រុះទេ។
 

ក្រៅពីនេះ សុទ្ធតែជាកីឡា ដែលមានបទពិសោធន៍ប្រកួតលើគុនល្បុក្កតោខ្លះ និងគុនខ្មែរខ្លះ៕