ជាតិ
×![]()
អង្គការសមាគមអភិរក្សសត្វព្រៃ (WCS) បានរកឃើញ សត្វពពូលទឹក ជាលើកដំបូងនៅខេត្តព្រះវិហារ សម្រាប់រយៈពេល៤ឆ្នាំចុងក្រោយនេះ។ សត្វពពូលទឹកនេះ ស្ថិតនៅក្នុងបញ្ជីក្រហមរបស់អង្គការ IUCN ដែលជាប្រភេទសត្វរងគ្រោះជិតផុតពូជនៅលើសាកលលោក។
សំបុកពងកូនសត្វពពូលទឹក ត្រូវបានក្រុមអ្នកអភិរក្សក្រសួងបរិស្ថាន និងអង្គការសមាគមអភិរក្សសត្វព្រៃ (WCS) និងប្រជាសហគមន៍ បានរកឃើញ នៅតាមដងស្ទឹងមេម៉ាយ ស្ថិតនៅក្នុងដែនជម្រកសត្វព្រៃគូលែន ព្រហ្មទេពខេត្តព្រះវិហារ ដែលជាទីតាំងពងកូនតែមួយគត់ នៅក្នុងប្រទេសកម្ពុជា។
សត្វពពូលទឹកនេះ មានវត្តមាននៅក្នុងប្រទេសកម្ពុជា បង់ក្លាដេស ឥណ្ឌា ឥណ្ឌូនេស៊ី ឡាវ ម៉ាឡេស៊ី មីយ៉ានម៉ា សិង្ហបូរី ថៃ និងវៀតណាម ជាដើម។ សត្វស្លាបកម្រប្រភេទនេះ មានចំនួន១០០០ក្បាលប៉ុណ្ណោះ នៅលើសកលលោក ។ ហើយសត្វស្លាបនេះ វាមានចំនួនតិចតួចបំផុតនៅក្នុងប្រទេសកម្ពុជា។ នេះបើតាមសេចក្ដីប្រកាសព័ត៌មានអង្គការសមាគមអភិរក្សសត្វព្រៃ WCS នៅថ្ងៃទី២០ កក្កដា។
ទីប្រឹក្សាបច្ចេកទេសប្រចាំតំបន់ខ្ពង់រាបភាគខាងជើងរបស់អង្គការ WCS លោក Alistair Moul បានបញ្ជាក់ដូច្នេះថា៖«សត្វពពូលទឹក គឺជាប្រភេទរងគ្រោះជិតផុតពូជ នៅលើសកលលោក និងជាប្រភេទដ៏កម្រនៅក្នុងប្រទេសកម្ពុជា។ ការការពារទីជម្រកនៅតាមមាត់ទន្លេ និងតាមប្រភពទឹក ដូចជានៅស្ទឹងមេម៉ាយជាដើម ពិតជាចាំបាច់ខ្លាំងណាស់ ដើម្បីធានាដល់ការរស់រាន នៃចំនួនសេសសល់របស់វានៅកម្ពុជា»។
សេចក្ដីប្រកាសព័ត៌មានដដែលបន្តថា តំបន់ភាគខាងជើងប្រទេសកម្ពុជា រួមទាំងដែនជម្រកសត្វព្រៃគូលែន ព្រហ្មពេទ ដែនជម្រកសត្វព្រៃរកា និង ដែនជម្រកសត្វព្រៃឆែប គឺជាកន្លែងរស់នៅរបស់សត្វស្លាបប្រភេទរងគ្រោះជាច្រើនប្រភេទ។ សត្វស្លាបទាំងនោះរួមមាន ត្រយ៉ងយក្យ ត្រយ៉ងចង្កំកស និងសត្វត្មាតបីប្រភេទ សត្វទាព្រៃស្លាបស និងសត្វពពូលទឹក សត្វទាំងអស់នេះសុទ្ធតែជាប្រភេទរងគ្រោះជិតផុតពូជនៅលើសកលលោក៕
សំបុកពងកូនសត្វពពូលទឹក ត្រូវបានក្រុមអ្នកអភិរក្សក្រសួងបរិស្ថាន និងអង្គការសមាគមអភិរក្សសត្វព្រៃ (WCS) និងប្រជាសហគមន៍ បានរកឃើញ នៅតាមដងស្ទឹងមេម៉ាយ ស្ថិតនៅក្នុងដែនជម្រកសត្វព្រៃគូលែន ព្រហ្មទេពខេត្តព្រះវិហារ ដែលជាទីតាំងពងកូនតែមួយគត់ នៅក្នុងប្រទេសកម្ពុជា។
សត្វពពូលទឹកនេះ មានវត្តមាននៅក្នុងប្រទេសកម្ពុជា បង់ក្លាដេស ឥណ្ឌា ឥណ្ឌូនេស៊ី ឡាវ ម៉ាឡេស៊ី មីយ៉ានម៉ា សិង្ហបូរី ថៃ និងវៀតណាម ជាដើម។ សត្វស្លាបកម្រប្រភេទនេះ មានចំនួន១០០០ក្បាលប៉ុណ្ណោះ នៅលើសកលលោក ។ ហើយសត្វស្លាបនេះ វាមានចំនួនតិចតួចបំផុតនៅក្នុងប្រទេសកម្ពុជា។ នេះបើតាមសេចក្ដីប្រកាសព័ត៌មានអង្គការសមាគមអភិរក្សសត្វព្រៃ WCS នៅថ្ងៃទី២០ កក្កដា។
ទីប្រឹក្សាបច្ចេកទេសប្រចាំតំបន់ខ្ពង់រាបភាគខាងជើងរបស់អង្គការ WCS លោក Alistair Moul បានបញ្ជាក់ដូច្នេះថា៖«សត្វពពូលទឹក គឺជាប្រភេទរងគ្រោះជិតផុតពូជ នៅលើសកលលោក និងជាប្រភេទដ៏កម្រនៅក្នុងប្រទេសកម្ពុជា។ ការការពារទីជម្រកនៅតាមមាត់ទន្លេ និងតាមប្រភពទឹក ដូចជានៅស្ទឹងមេម៉ាយជាដើម ពិតជាចាំបាច់ខ្លាំងណាស់ ដើម្បីធានាដល់ការរស់រាន នៃចំនួនសេសសល់របស់វានៅកម្ពុជា»។
សេចក្ដីប្រកាសព័ត៌មានដដែលបន្តថា តំបន់ភាគខាងជើងប្រទេសកម្ពុជា រួមទាំងដែនជម្រកសត្វព្រៃគូលែន ព្រហ្មពេទ ដែនជម្រកសត្វព្រៃរកា និង ដែនជម្រកសត្វព្រៃឆែប គឺជាកន្លែងរស់នៅរបស់សត្វស្លាបប្រភេទរងគ្រោះជាច្រើនប្រភេទ។ សត្វស្លាបទាំងនោះរួមមាន ត្រយ៉ងយក្យ ត្រយ៉ងចង្កំកស និងសត្វត្មាតបីប្រភេទ សត្វទាព្រៃស្លាបស និងសត្វពពូលទឹក សត្វទាំងអស់នេះសុទ្ធតែជាប្រភេទរងគ្រោះជិតផុតពូជនៅលើសកលលោក៕
Tag:
WCS
សត្វពពូលទឹក
ខេត្តព្រះវិហារ
© រក្សាសិទ្ធិដោយ thmeythmey.com
