ជាតិ
សម្តេច ហ៊ុន សែន៖ គ្រប់កម្មវិធី ត្រូវរៀបចំអាសនៈព្រះសង្ឃ ឲ្យខ្ពស់ជាងគ្រហស្ថ
× ភ្នំពេញ៖ សម្តេច ហ៊ុន សែន នាយករដ្ឋមន្ត្រីកម្ពុជា បានណែនាំថា នៅគ្រប់ពិធី ដែលមានព្រះសង្ឃចូលរួម ត្រូវរៀបចំអាសនៈសម្រាប់ព្រះអង្គគង់ ឲ្យខ្ពស់ជាងគ្រហស្ថ។ ការណែនាំបែបនេះរបស់ប្រមុខរដ្ឋាភិបាល ធ្វើឡើងក្នុងកិច្ចប្រជុំគណៈរដ្ឋមន្ត្រី នៅព្រឹកថ្ងៃទី២ ខែកុម្ភៈ ឆ្នាំ២0១៨។
បើតាមសេចក្តីប្រកាសព័ត៌មានស្តីពី លទ្ធផលនៃកិច្ចប្រជុំគណៈរដ្ឋមន្ត្រី សម្តេច ហ៊ុន សែន បានសំដៅទៅកាន់ក្រសួងធម្មការនិងសាសនាខ្លាំងគេ ដោយប្រាប់ថា ក្រសួងមួយនេះ ត្រូវណែនាំបន្តពីកិច្ចការខាងលើ ឲ្យជ្រួតជ្រាបនិងទូលំទូលាយ។ សេចក្តីប្រកាសព័ត៌មាន បានបញ្ជាក់យ៉ាងដូច្នេះថា៖«ដើម្បីលើកតម្កើងព្រះពុទ្ធសាសនា សម្តេច ហ៊ុន សែន បានសម្រេចឲ្យ រៀបចំអាសនៈសម្រាប់ព្រះសង្ឃ ឲ្យខ្ពស់ជាងឧបាសក ឧបាសិកា ឬគ្រហស្ថធម្មតា»៕
Tag:
ហ៊ុន សែន
ព្រះសង្ឃ
© រក្សាសិទ្ធិដោយ thmeythmey.com