កូរ៉ូណាវីរុស៖ កូរ៉េខាងត្បូងឡើងដល់១១នាក់ និងអាល្លឺម៉ង់ឡើងដល់៥នាក់

អន្តរជាតិ

កូរ៉ូណាវីរុស៖ កូរ៉េខាងត្បូងឡើងដល់១១នាក់ និងអាល្លឺម៉ង់ឡើងដល់៥នាក់

31, Jan 2020 , 5:38 pm

រូបភាព

ដោយ:

នាល្ងាចថ្ងៃសុក្រនេះ កូរ៉េខាងត្បូង និងអាល្លឺម៉ង់ បានឡើងតួលេខអ្នកជំងឺរលាកសួតបង្កដោយមេរោគកូរ៉ូណាប្រភេទថ្មី។ កូរ៉េខាងត្បូងឡើងដល់១១ករណី រីឯអាល្លឺម៉ង់ឡើងដល់៥ករណី បន្ទាប់ពីថៃ បានឡើងដល់ទៅ១៩ករណី។

កូរ៉េខាងត្បូង បានរកឃើញករណីឆ្លងណូវែលកូរ៉ូណាវីរុសចំនួន ៤ ថ្មីទៀត ដែលធ្វើឲ្យតួលេខសរុបឡើងដល់ ១១នាក់ហើយ នេះបើតាមសេចក្តីថ្លែងការណ៍របស់មជ្ឈមណ្ឌលកូរ៉េសម្រាប់គ្រប់គ្រងនិងបង្កាជំងឺ (KCDC) ។ ២នាក់ក្នុងចំណោមអ្នកជំងឺ៤នាក់ថ្មីនេះ ត្រូវបានបញ្ជាក់ថាជាសមាជិកគ្រួសាររបស់អ្នកជំងឺទី៦ ដែលខ្លួនលោកផ្ទាល់គឺជាករណីឆ្លងវីរុសទី១ពីមនុស្សទៅមនុស្ស ក្នុងប្រទេសកូរ៉េខាងត្បូង។

ចំណែកអាល្លឺម៉ង់ឯណោះ បានរកឃើញពីករណីឆ្លងណូវែលកូរ៉ូណាវីរុសទី៥របស់ខ្លួន ដែលស្ថិតក្នុងរដ្ឋ Bavaria ភាគខាងត្បូងនៃប្រទេសនេះ។ បុរសជាអ្នកជំងឺនេះ គឺជាបុគ្គលិកម្នាក់បម្រើការនៅកន្លែងធ្វើការតែមួយដូចគ្នា ទៅនឹងមនុស្ស៤នាក់ទៀត ដែលបានប៉ះពាល់ដោយផ្ទាល់ជាមួយសហការីម្នាក់ដែលមកពីប្រទេសចិន៕