បើតាមការព្យាករណ៍ ព្យុះ Haikui នឹងបោកបក់​ចំ​តំបន់​ភ្នំ​ដែល​មាន​ប្រជាជន​តិច​តួច​នៅ​ភាគ​អាគ្នេយ៍​នៃ​កោះ​តៃវ៉ាន់​នៅ​រសៀល​ថ្ងៃ​ទី៣ ខែកញ្ញា។ បណ្ដា​ស្រុក​និង​ទីក្រុង​នៅ​ភាគ​ខាង​កើត​ និង​ខាង​ត្បូង ​បាន​លុប​ចោល​ថ្នាក់​រៀន និង​ប្រកាស​ឈប់​សម្រាក​មួយ​ថ្ងៃ​សម្រាប់​កម្មករ។

 

ជាមួយគ្នានេះ អាជ្ញាធក៏ជម្លៀសមនុស្សជិត៣ពាន់នាក់ទៅកាន់ទីសុវត្ថិភាព ហើយក្រុមហ៊ុនអាកាសចរណ៍ក្នុងស្រុកសំខាន់ពីររបស់តៃវ៉ាន់មាន UNI Air និង Mandarin Airlines បានលុបចោលជើងហោះហើរទាំងអស់ថ្ងៃអាទិត្យដែរ ខណៈដែលសេវាស្រឡាងទៅកាន់កោះនានាក៏ត្រូវបានលុបចោលដូចគ្នា។ជើងហោះហើរខាងក្រៅ មាន​ការ​រំខាន​តិច​ជាង​ជើង​ហោះ​ហើរ​អន្តរជាតិប្រមាណ២៥ត្រូវបានលុបចោលដែរនៅថ្ងៃ​ដដែល។

 

ប្រធានាធិបតី Tsai Ing-wen បានប្រាប់មន្រ្តីតៃវ៉ាន់ក្នុងកិច្ចប្រជុំគ្រប់គ្រងគ្រោះមហន្តរាយថា Haikui  ក្លាយជាព្យុះទីហ្វុងដំបូងដែលបានបោកបក់កាត់តំបន់ជួរភ្នំភាគកណ្តាលតៃវ៉ាន់ក្នុងរយៈពេល៤ឆ្នាំ។ ក្នុងសេចក្ដីការណ៍របស់ការិយាល័យប្រធានាធិបតីតៃវ៉ាន់ លោកស្រី Tsai ប្រាប់ឱ្យប្រជាជនជៀសវាងការចេញទៅក្រៅ កុំឡើងភ្នំ ទៅឆ្នេរសមុទ្រ នេសាទ ឬលេងកីឡាផ្សេងក្នុងទឹក។

 

ទោះជាយ៉ាងណា ព្យុះ Haikui មានកម្លាំងខ្សោយជាងព្យុះទីហ្វុង Saola ដែលវាយប្រហារទីក្រុងហុងកុង និងខេត្តគ័ងតុងរបស់នៅថ្ងៃទី២ ខែកញ្ញា។ ព្យុះនេះ ស្ថិតនៅប្រភេទ១ឬ២ នៅពេលដែលបោកបក់លើកោះតៃវ៉ាន់។

 

បន្ទាប់ពីឆ្លងកាត់ភាគខាងត្បូងកោះតៃវ៉ាន់ ព្យុះ Haikui ត្រូវបានព្យាករណ៍ថានឹងឆ្លងកាត់ច្រកសមុទ្រតៃវ៉ាន់ចូលទៅទឹកដីចិន៕