ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោក ហ៊ុន ម៉ានី ធានាថាការប្រឡងរើសគ្រូអប់រំកាយ នឹងប្រព្រឹត្តទៅដោយការទទួលខុសត្រូវខ្ពស់
26, Jan 2024 ,
7:31 pm
រូបភាព
លោក ហ៊ុន ម៉ានី រដ្ឋមន្រ្តីក្រសួងមុខងារសាធារណៈ
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ អះអាងថា ការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា នឹងប្រព្រឹត្តទៅដោយរលូន និងមានការទទួលខុសត្រូវខ្ពស់។ លោករដ្ឋមន្ត្រីមុខងារសាធារណៈ មានប្រសាសន៍បែបនេះ នៅក្នុងសន្និសីទសារព័ត៌មានស្ដីពីការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា នាថ្ងៃទី២៦ មករា។
នៅថ្ងៃទី២៨ មករាខាងមុខ ក្រសួងមុខងារសាធារណៈ និងក្រសួងអប់រំ យុវជន និងកីឡា នឹងរៀបចំការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា ក្របខណ្ឌឆ្នាំ២០២៣។ ការប្រឡងនេះ មានការបែងចែកជា២វិញ្ញាសា គឺវិញ្ញាសាសរសេរ និងវិញ្ញាសាអនុវត្តកីឡា។ ចំពោះលទ្ធផលនៃការប្រឡង ជ្រើសរើសគ្រូបង្រៀនអប់រំកាយចំនួន ១០០នាក់ប៉ុណ្ណោះ សម្រាប់២១ខេត្ត។
នេះជាលើកទី២ហើយ ដែលក្រសួងមុខងារសាធារណៈ ដឹកនាំរៀបចំការប្រឡងជ្រើសរើសមន្ត្រីកសិកម្មឃុំ និងគ្រូបង្រៀនឯកទេសអប់រំកាយ និងកីឡា នៅដើមអាណត្តិទី៧។ ទាក់ទងនឹងការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡាខាងមុខ ឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន ប្រសិទ្ធភាព និងអាចទទួលយកបាន។ ការប្រឡងនេះ ក៏មានការចូលរួមសង្កេតការណ៍ពីអង្គភាពប្រឆាំងអំពើពុករលួយផងដែរ។
ក្នុងសន្និសីទសារព័ត៌មានស្ដីពីការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា នាថ្ងៃទី២៦ មករានេះ លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ លើកឡើងថា ការប្រឡងនេះ នឹងប្រព្រឹត្តទៅដោយរលូន ដើម្បីធ្វើយ៉ាងណាឱ្យបេក្ខជនជាប់ដោយមោទនៈ និងធ្លាក់ដោយអស់ចិត្ត។ ជាមួយគ្នានេះ លោក ហ៊ុន ម៉ានី ក៏សង្កត់ធ្ងន់លើការទទួលខុសត្រូវខ្ពស់ចំពោះការប្រឡងនេះផងដែរ។
«ខ្ញុំសូមបញ្ជាក់ថា គណៈកម្មការរៀបចំការប្រឡង និងអនុគណៈកម្មការទាំងអស់ ដែលចូលរួមពាក់ព័ន្ធ គ្រប់មន្ត្រីរាជការ និងអ្នកដែលចូលរួមចំណែក គឺមានភាពទទួលខុសត្រូវខ្ពស់ ចំពោះអ្វីដែលជាបេសកកម្មរបស់យើង»។ នេះជាការបញ្ជាក់របស់លោក ហ៊ុន ម៉ានី ដោយបន្តរំឭកប្រសាសន៍សម្ដេច ហ៊ុន ម៉ាណែត ដែលផ្ដល់ជំនឿទុកចិត្តដល់ក្រសួងមុខងារសាធារណៈ អនុវត្តនូវយន្តការនេះ។
បើតាមលោក ម៉ានី កិច្ចការប្រឡងនេះ នឹងធ្វើដោយម៉ត់ចត់ និងយកចិត្តទុកដាក់។ តាមរយៈប្រឡងនេះ នឹងដកយកបទពិសោធនៃភាពជោគជ័យក្នុងការរៀបចំការប្រឡងជ្រើសរើសមន្ត្រីកសិកម្មឃុំ កាលពីចុងឆ្នាំ២០២៣កន្លងទៅ។ រដ្ឋមន្ត្រីមុខងារសាធារណៈ បន្ថែមថា៖«យើងចង់ធ្វើឱ្យរលូន ជោគជ័យ និងទទួលយកបានទាំងអស់គ្នា ជាពិសេសធានានូវតម្លាភាព»។
ក្រោយប្រឡងជាប់បេក្ខជនទាំងអស់ ត្រូវចូលរួមបណ្ដុះបណ្ដាលរយៈពេល ២ឆ្នាំ សម្រាប់កម្រិត១២+២ និងរយៈពេល៤ឆ្នាំ សម្រាប់កម្រិត១២+៤។ ក្នុងករណីបេក្ខជនបោះបង់នៅអំឡុងពេលបណ្ដុះបណ្ដាល គណៈកម្មការរៀបចំការប្រឡង នឹងផ្ដល់ឱកាសដល់បេក្ខជនជាប់បម្រុង។
បន្ទាប់ពីបណ្ដុះបណ្ដាលរួច គ្រូបង្រៀនឯកទេសអប់រំកាយ និងកីឡាទាំង១០០នាក់ នឹងចេញទៅបង្រៀននៅតាមអនុវិទ្យាល័យ និងវិទ្យាល័យ ដែលបានជ្រើសរើស។ សូមបញ្ជាក់ថា ការប្រឡងនេះ មានបេក្ខជនចូលរួមជិត ២០០០នាក់ ដោយបែងចែកជាពីរកម្រិត គឺការបណ្ដុះបណ្ដាលគ្រូបង្រៀនកម្រិតមូលដ្ឋាន១២+២ ចំនួន ១៤៤៥នាក់ និងកម្រិតមូលដ្ឋាន ១២+៤ ចំនួន ៤៤៧នាក់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
«មជ្ឈការ»មានន័យខុសពី«វិមជ្ឈការ»ដូចម្តេច?
7 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
«គូលី»មានន័យច្បាស់លាស់ដូចម្តេច?
6 ថ្ងៃ
អត្ថបទពេញនិយមបន្ថែម