ទោះជាយ៉ាងណា ការវិវឌ្ឍ​សង្គមបានធ្វើជនជាតិខ្មែរ ប្រែទៅជាធុរកិច្ចជនកាន់តែច្រើនដែរ នាពេលបច្ចុប្បន្ន។ ពុំមានការស្រាវជ្រាវច្បាស់លាស់ឡើយ ប៉ុន្តែលោក គិន ភា សន្និដ្ឋានថា មូលហេតុដែលនាំឱ្យជនជាតិចិន ចូលចិត្តធ្វើជំនួញ ដោយសារតែពួកគេជាជន​ចំណាក​ស្រុក ពុំមានដីធ្វើស្រែចម្ការ។ «ជនជាតិចិន គាត់ចំណាកស្រុក គាត់មិនមានស្រែ ហើយ គាត់មានគំនិតធ្វើជំនួញខ្លះ។ ដូច្នេះមានតែការរកស៊ីនេះហើយ ព្រោះគាត់ទៅតែខ្លួន។ ប្រជា​ជនកម្ពុជាក៏ចំណាកស្រុកដែរ ប៉ុន្តែទៅធ្វើការងារមានច្រើន អាចថានេះគឺជាផ្នត់គំនិតខ្មែរ តាំងពីដើមដែរ ហើយអាចសារនៅប្រទេសគេ មានអ្នកធ្វើជំនួញខ្លាំងៗរួចហើយ​»។