ជាតិ
សង្គមជាតិ
×![]()
ទំនាស់ដីធ្លីដ៏រ៉ាំរ៉ៃអស់រយៈពេល១២ឆ្នាំ រវាងពលរដ្ឋ៣១៧គ្រួសារក្នុងខេត្តកោះកុង ជាមួយក្រុមហ៊ុនឯកជន ដែលលោក ជា សុផារ៉ា ធ្លាប់បានដោះស្រាយរួចម្តងមកហើយនោះ បានផ្ទុះការតវ៉ាសាជាថ្មី នៅមុខក្រសួងដែនដី នាថ្ងៃទី២៨ ខែមិថុនា ឆ្នាំ២០១៨នេះ។
នេះជាលើកទី២ហើយ ដែលប្រជាពលរដ្ឋទាំង៣១៧គ្រួសារ ក្នុងស្រុកបុទុមសាគរ និងស្រុកស្រែអំបិល ខេត្តកោះកុង បានឡើងមកតវ៉ាពីបញ្ហាដីធ្លី នៅមុខក្រសួងដែនដី នគរូបនីយកម្ម និងសំណង់ ក្នុងរាជធានីភ្នំពេញ។ ការផ្ទុះការតវ៉ាជាថ្មីនេះ គឺដោយសារតែពួកគេ មិនសុខចិត្តដែល លោក ជា សុផារ៉ា រដ្ឋមន្ត្រីក្រសួងដែនដី ធ្លាប់បានសន្យាថានឹងវាស់វែងពុះកាត់ដីឡូតិ៍ ដែលពួកគេ ចង់បាន បែរជាប្តូរទៅទីតាំងផ្សេងទៅវិញ។ ហើយមិនត្រឹមតែប៉ុណ្ណោះ ដីដែលជាទីតាំងថ្មីនោះជា ប្រភេទដីព្រៃតំបន់អភិរក្ស ដូច្នេះពួកគេមិនអាចទទួលយកបានទេ។
ប្រជាពលរដ្ឋ ដែលបានមកតវ៉ា បាននិយាយថា ពួកគាត់បានរង់ចាំក្រុមការងាររបស់ក្រសួងមកវាស់វែងដីឡូតិ៍ជូនពូកគាត់ តាំងពីពេលដែលលោក ជា សុផារ៉ា បានសន្យា ប៉ុន្តែការរង់ចាំរហូតមិនឃើញដល់ថ្ងៃទី២៦ ខែមិថុនា ទើបនាំគ្នាឡើងមកភ្នំពេញ ដើម្បីសួរបញ្ជាក់ពីរដ្ឋមន្ត្រីក្រសួងដែនរូបនេះ ថាជាការពិត ឬក៏មានការផ្លាស់ប្តូរទៅទីតាំងផ្សេង។
ក្រុមប្រជាពលរដ្ឋ បានបន្ថែមថា បើមិនទាន់មានដំណោះស្រាយណាមួយទេ ពួកគេ នៅតែបន្តតវ៉ា ទោះបីជាដល់ថ្ងៃបោះឆ្នោតក៏ដោយចុះ។ ប៉ុន្តែ ពួកគេ នៅតែសង្ឃឹមថា រដ្ឋាភិបាលនឹងជួយដោះស្រាយបញ្ហាដីធ្លីនេះ ជូនក្រុមប្រជាពលរដ្ឋទាំង៣១៧គ្រួសារ ដែលមានជីវភាពក្រីក្រ និងលំបាក។
សំឡេងតំណាងប្រជាពលរដ្ឋ ដែលតវ៉ានៅក្រសួងដែនដី៖
សូមបញ្ជាក់ថា លោក ជា សុផារ៉ា បានដោះស្រាយបញ្ចប់ម្តងរួចមកហើយ ចំពោះការតវ៉ារបស់ប្រជាពលរដ្ឋ៣១៧គ្រួសារខាងលើ កាលពីថ្ងៃទី៥ ខែមិថុនា ឆ្នាំ២០១៨ ដោយក្នុងមួយគ្រួសារ ទទួលបានដី ២ហិកតា និងលុយ៣ពាន់ដុល្លារ។ ទំនាស់ដីធ្លីដ៏រ៉ាំរ៉ៃនេះ កើតឡើងតាំងពីឆ្នាំ២០០៦ មក រវាងក្រុមហ៊ុន Koh Kong Plantation Co., Ltd និងក្រុមហ៊ុន Koh Kong Sugar Industry Co.,Ltd ជាមួយនឹងប្រជាពលរដ្ឋទាំង៣១៧គ្រួសារ៕
នេះជាលើកទី២ហើយ ដែលប្រជាពលរដ្ឋទាំង៣១៧គ្រួសារ ក្នុងស្រុកបុទុមសាគរ និងស្រុកស្រែអំបិល ខេត្តកោះកុង បានឡើងមកតវ៉ាពីបញ្ហាដីធ្លី នៅមុខក្រសួងដែនដី នគរូបនីយកម្ម និងសំណង់ ក្នុងរាជធានីភ្នំពេញ។ ការផ្ទុះការតវ៉ាជាថ្មីនេះ គឺដោយសារតែពួកគេ មិនសុខចិត្តដែល លោក ជា សុផារ៉ា រដ្ឋមន្ត្រីក្រសួងដែនដី ធ្លាប់បានសន្យាថានឹងវាស់វែងពុះកាត់ដីឡូតិ៍ ដែលពួកគេ ចង់បាន បែរជាប្តូរទៅទីតាំងផ្សេងទៅវិញ។ ហើយមិនត្រឹមតែប៉ុណ្ណោះ ដីដែលជាទីតាំងថ្មីនោះជា ប្រភេទដីព្រៃតំបន់អភិរក្ស ដូច្នេះពួកគេមិនអាចទទួលយកបានទេ។
ប្រជាពលរដ្ឋ ដែលបានមកតវ៉ា បាននិយាយថា ពួកគាត់បានរង់ចាំក្រុមការងាររបស់ក្រសួងមកវាស់វែងដីឡូតិ៍ជូនពូកគាត់ តាំងពីពេលដែលលោក ជា សុផារ៉ា បានសន្យា ប៉ុន្តែការរង់ចាំរហូតមិនឃើញដល់ថ្ងៃទី២៦ ខែមិថុនា ទើបនាំគ្នាឡើងមកភ្នំពេញ ដើម្បីសួរបញ្ជាក់ពីរដ្ឋមន្ត្រីក្រសួងដែនរូបនេះ ថាជាការពិត ឬក៏មានការផ្លាស់ប្តូរទៅទីតាំងផ្សេង។
ក្រុមប្រជាពលរដ្ឋ បានបន្ថែមថា បើមិនទាន់មានដំណោះស្រាយណាមួយទេ ពួកគេ នៅតែបន្តតវ៉ា ទោះបីជាដល់ថ្ងៃបោះឆ្នោតក៏ដោយចុះ។ ប៉ុន្តែ ពួកគេ នៅតែសង្ឃឹមថា រដ្ឋាភិបាលនឹងជួយដោះស្រាយបញ្ហាដីធ្លីនេះ ជូនក្រុមប្រជាពលរដ្ឋទាំង៣១៧គ្រួសារ ដែលមានជីវភាពក្រីក្រ និងលំបាក។
សំឡេងតំណាងប្រជាពលរដ្ឋ ដែលតវ៉ានៅក្រសួងដែនដី៖
សូមបញ្ជាក់ថា លោក ជា សុផារ៉ា បានដោះស្រាយបញ្ចប់ម្តងរួចមកហើយ ចំពោះការតវ៉ារបស់ប្រជាពលរដ្ឋ៣១៧គ្រួសារខាងលើ កាលពីថ្ងៃទី៥ ខែមិថុនា ឆ្នាំ២០១៨ ដោយក្នុងមួយគ្រួសារ ទទួលបានដី ២ហិកតា និងលុយ៣ពាន់ដុល្លារ។ ទំនាស់ដីធ្លីដ៏រ៉ាំរ៉ៃនេះ កើតឡើងតាំងពីឆ្នាំ២០០៦ មក រវាងក្រុមហ៊ុន Koh Kong Plantation Co., Ltd និងក្រុមហ៊ុន Koh Kong Sugar Industry Co.,Ltd ជាមួយនឹងប្រជាពលរដ្ឋទាំង៣១៧គ្រួសារ៕
អត្ថបទទាក់ទង
Tag:
ទំនាស់ដីធ្លី
ប្រជាពលរដ្ឋ
ជា សុផារ៉ា
© រក្សាសិទ្ធិដោយ thmeythmey.com
