អន្តរជាតិ
THAAD៖ ចិនប្រាប់អាមេរិកថា ពេលគិតពីបញ្ហាសន្តិសុខខ្លួនឯង ក៏ត្រូវគោរពសន្តិសុខគេផង
អ្នកនាំពាក្យក្រសួងការបរទេសចិន Lu Kang (រូបភាព Xinhua)
×![]()
ដោយ: តន ចាន់រិទ្ធារ៉ា
ពីដំបូង ការពង្រាយប្រព័ន្ធការពាមីស៊ីលអាកាស (THAAD) នៅកូរ៉េខាងត្បូងពីសំណាក់អាមេរិក គឺដើម្បីការគំរាមកំហែងពីការវាយប្រហារដោយមីស៊ីលរបសកូរ៉េខាងជើង។ ក្រៅពីការការពារខ្លួន ចិន និងរុស្ស៊ី បែរជាមើលឃើញការពង្រាយនេះ ជាការពង្រឹងប្រព័ន្ធការពារមីស៊ីលជុំវិញពិភពលោករបស់អាមេរិកដើម្បីការពារសន្តិសុខរបស់ខ្លួនដែរ។ ឯចិនវិញ គឺជំទាស់ដាច់ខាតការពង្រាយនេះ ព្រោះប៉ះពាល់ប្រយោជន៍សន្តិសុខខ្លួន ហើយជារឿយៗក៏ប្រាប់ឲ្យអាមេរិកបញ្ឈប់គម្រោងពង្រាយនេះទៅ។
តាំងពីដើមទីមក ចិន និងរុស្ស៊ី មិនពេញចិត្តទាល់សោះការពង្រាយប្រព័ន្ធការពារមីស៊ីលរបស់អាមេរិកនៅកូរ៉េខាងត្បូង ដែលជាការពង្រឹងប្រព័ន្ធការពារអាកាសលើពិភពលោក។ នេះក៏ព្រោះតែ អាមេរិកមិនត្រឹមតែប្រឹងពង្រឹងសមត្ថភាពការពារមីស៊ីលនៅឧបទ្វីបកូរ៉េឡើយ តែក៏បានពង្រាយប្រព័ន្ធការពារមីស៊ីលនៅតាមទីតាំងដទៃទៀត ក្នុងគោលដៅការពារសន្តិសុខខ្លួនឯង បើទោះជាគេឯងមិនពេញចិត្តក៏ដោយចុះ។
ទាក់ទងបញ្ហានេះ អ្នកនាំពាក្យក្រសួងការបរទេសចិន Lu Kang និយាយថា ការដោះស្រាយបញ្ហាមីស៊ីលនេះ ត្រូវធ្វើដោយប្រយ័ត្នប្រយែង ដ្បិតជាប់ពាក់ព័ន្ធស្ថិរភាពពិភពលោក និងការជឿទុកចិត្តគ្នាទៅវិញទៅមក។ តាមពិតទៅ ទាំងក្រុងវ៉ាស៊ីនតោន ទាំងក្រុងសេអ៊ូល សុទ្ធតែប្រាប់មូលហេតុដែលនាំដល់ការពង្រាយប្រព័ន្ធការពារមីស៊ីល THAAD នេះ គឺអ្វីៗបណ្ដាលមកពីសកម្មភាពព្រហើនរបស់ក្រុងព្យុងយ៉ាងទាំងអស់។ ប៉ុន្តែក្រុងប៉េកាំង នៅតែចាត់ទុក THAAD ជាគ្រោះថ្នាក់ដល់ផលប្រយោជន៍ខ្លួន។
ដោយមិននិយាយចំឈ្មោះអាមេរិក មន្ត្រីនាំពាក្យដដែលនេះ បានរិះគន់ថា ប្រទេសណាដែលការពារផលប្រយោជន៍សន្តិសុខរបស់ខ្លួន ក៏គួរគិតដល់ផលប្រយោជន៍សន្តិសុខរបស់ប្រទេសផ្សេងដែរ។ ប្រទេសនោះ ក៏គួរអនុវត្តគោលការណ៍រក្សាស្ថិររភាពពិភពលោក និងរួមគ្នាជាមួយប្រទេសដទៃទៀត ដើម្បីរក្សាសន្តិសុខអន្តរជាតិ ការទុកចិត្តគ្នាទៅវិញទៅមក ជាពិសេសចូលរួមកិច្ចសហប្រតិបត្តិការដែលគ្រប់ភាគីទាំងអស់ឈ្នះ។
ចិន ក៏ព្រមានថា ទង្វើឯកតោភាគីរបស់អាមេរិកដែលប្រឹងពង្រឹងប្រព័ន្ធការពារមីស៊ីលមិនខ្វល់ពីគេឯង នឹងប៉ះពាល់ដល់ការដំណើរការរំសាយអាវុធនុយក្លេអ៊ែរ ហើយអាចឈានដល់ការកកើតឡើងវិញសម័យកាលនៃការប្រណាំងប្រជែងសព្វាវុធ និងការបំផ្លាញតុល្យភាពតំបន់ទៀតផង។ ចិន ក៏ប្រឆាំងដាច់ខាតការពង្រាយប្រព័ន្ធការពារ THAAD នៅក្នុងតំបន់ដែរ ហើយក៏ស្នើឲ្យភាគីពាក់ព័ន្ធមានកូរ៉េខាងត្បូងជាដើម ស្ដាប់ការព្រួយបារម្ភរបស់ខ្លូន និងបញ្ឈប់ការពង្រាយ THAAD បន្ទាន់។
យ៉ាងណាក្ដី បើទោះជាមានការជំទាស់ក្ដី គ្រឿងបង្គុំដំបូងរបស់ប្រព័ន្ធការពារអាកាសនេះ បានទៅដល់ទឹកដីកូរ៉េខាងត្បូងរួចស្រេចហើយ និងរង់ចាំសម្ភារមួយចំនួនទៀត មុននឹងដំឡើងតែម្ដង។ កូរ៉េខាងត្បូងក៏ប្រាប់ចិនរួចដែរថា ខ្លួននឹងបន្តគម្រោងពង្រាយនេះដដែលដើម្បីការពារខ្លួន មិនមែនគំរាមប្រទេសផ្សេងឡើយ។ នេះក៏ព្រោះតែកូរ៉េខាងជើង ចេះតែធ្វើសកម្មភាពបង្កហេតុជាញឹកញាប់ និងមិនចុះញ៉មសម្ពាធអន្តរជាតិអ្វីទាំងអស់៕
តាំងពីដើមទីមក ចិន និងរុស្ស៊ី មិនពេញចិត្តទាល់សោះការពង្រាយប្រព័ន្ធការពារមីស៊ីលរបស់អាមេរិកនៅកូរ៉េខាងត្បូង ដែលជាការពង្រឹងប្រព័ន្ធការពារអាកាសលើពិភពលោក។ នេះក៏ព្រោះតែ អាមេរិកមិនត្រឹមតែប្រឹងពង្រឹងសមត្ថភាពការពារមីស៊ីលនៅឧបទ្វីបកូរ៉េឡើយ តែក៏បានពង្រាយប្រព័ន្ធការពារមីស៊ីលនៅតាមទីតាំងដទៃទៀត ក្នុងគោលដៅការពារសន្តិសុខខ្លួនឯង បើទោះជាគេឯងមិនពេញចិត្តក៏ដោយចុះ។
ទាក់ទងបញ្ហានេះ អ្នកនាំពាក្យក្រសួងការបរទេសចិន Lu Kang និយាយថា ការដោះស្រាយបញ្ហាមីស៊ីលនេះ ត្រូវធ្វើដោយប្រយ័ត្នប្រយែង ដ្បិតជាប់ពាក់ព័ន្ធស្ថិរភាពពិភពលោក និងការជឿទុកចិត្តគ្នាទៅវិញទៅមក។ តាមពិតទៅ ទាំងក្រុងវ៉ាស៊ីនតោន ទាំងក្រុងសេអ៊ូល សុទ្ធតែប្រាប់មូលហេតុដែលនាំដល់ការពង្រាយប្រព័ន្ធការពារមីស៊ីល THAAD នេះ គឺអ្វីៗបណ្ដាលមកពីសកម្មភាពព្រហើនរបស់ក្រុងព្យុងយ៉ាងទាំងអស់។ ប៉ុន្តែក្រុងប៉េកាំង នៅតែចាត់ទុក THAAD ជាគ្រោះថ្នាក់ដល់ផលប្រយោជន៍ខ្លួន។
ដោយមិននិយាយចំឈ្មោះអាមេរិក មន្ត្រីនាំពាក្យដដែលនេះ បានរិះគន់ថា ប្រទេសណាដែលការពារផលប្រយោជន៍សន្តិសុខរបស់ខ្លួន ក៏គួរគិតដល់ផលប្រយោជន៍សន្តិសុខរបស់ប្រទេសផ្សេងដែរ។ ប្រទេសនោះ ក៏គួរអនុវត្តគោលការណ៍រក្សាស្ថិររភាពពិភពលោក និងរួមគ្នាជាមួយប្រទេសដទៃទៀត ដើម្បីរក្សាសន្តិសុខអន្តរជាតិ ការទុកចិត្តគ្នាទៅវិញទៅមក ជាពិសេសចូលរួមកិច្ចសហប្រតិបត្តិការដែលគ្រប់ភាគីទាំងអស់ឈ្នះ។
ចិន ក៏ព្រមានថា ទង្វើឯកតោភាគីរបស់អាមេរិកដែលប្រឹងពង្រឹងប្រព័ន្ធការពារមីស៊ីលមិនខ្វល់ពីគេឯង នឹងប៉ះពាល់ដល់ការដំណើរការរំសាយអាវុធនុយក្លេអ៊ែរ ហើយអាចឈានដល់ការកកើតឡើងវិញសម័យកាលនៃការប្រណាំងប្រជែងសព្វាវុធ និងការបំផ្លាញតុល្យភាពតំបន់ទៀតផង។ ចិន ក៏ប្រឆាំងដាច់ខាតការពង្រាយប្រព័ន្ធការពារ THAAD នៅក្នុងតំបន់ដែរ ហើយក៏ស្នើឲ្យភាគីពាក់ព័ន្ធមានកូរ៉េខាងត្បូងជាដើម ស្ដាប់ការព្រួយបារម្ភរបស់ខ្លូន និងបញ្ឈប់ការពង្រាយ THAAD បន្ទាន់។
យ៉ាងណាក្ដី បើទោះជាមានការជំទាស់ក្ដី គ្រឿងបង្គុំដំបូងរបស់ប្រព័ន្ធការពារអាកាសនេះ បានទៅដល់ទឹកដីកូរ៉េខាងត្បូងរួចស្រេចហើយ និងរង់ចាំសម្ភារមួយចំនួនទៀត មុននឹងដំឡើងតែម្ដង។ កូរ៉េខាងត្បូងក៏ប្រាប់ចិនរួចដែរថា ខ្លួននឹងបន្តគម្រោងពង្រាយនេះដដែលដើម្បីការពារខ្លួន មិនមែនគំរាមប្រទេសផ្សេងឡើយ។ នេះក៏ព្រោះតែកូរ៉េខាងជើង ចេះតែធ្វើសកម្មភាពបង្កហេតុជាញឹកញាប់ និងមិនចុះញ៉មសម្ពាធអន្តរជាតិអ្វីទាំងអស់៕
Tag:
ចិន
អាមេរិក
កូរ៉េខាងត្បូង
THAAD
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
