កីឡាជាតិ
ជាតិ
កម្ពុជាគ្រោងបញ្ជូនគ្រូបង្វឹកកីឡាអុកចត្រង្គទៅបណ្តុះបណ្តាលដល់បណ្តាប្រទេសនៅតំបន់អាស៊ាន
លោក វ៉ាត់ ចំរើន អគ្គលេខាធិការ NOCC
×![]()
ដើម្បីទាក់ទាញប្រទេសនៅក្នុងតំបន់អាស៊ានឲ្យចូលរួមប្រកួតកីឡាអុកចត្រង្គក្នុងព្រឹត្តិការណ៍ស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ថ្នាក់ដឹកនាំកីឡាកម្ពុជាគ្រោងបញ្ជូនគ្រូបង្វឹកទៅបណ្តុះបណ្តាលជំនាញបច្ចេកទេសនៃការលេងអុកដល់បណ្តាប្រទេសក្នុងតំបន់អាស៊ានដែលមិនចេះលេងកីឡាមួយនេះ។ ឬម្យ៉ាងទៀតហៅបណ្តាប្រទេសទាំងនោះមកហ្វឹកហាត់នៅកម្ពុជា។
អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) លោក វ៉ាត់ ចំរើន បានបញ្ជាក់ថា កម្ពុជាគ្រោងនឹងបញ្ជូនអ្នកជំនាញខាងផ្នែកកីឡាអុកចត្រង្គឲ្យទៅបណ្តុះបណ្តាលជំនាញបច្ចេកទេសនៃការលេងកីឡាអុកចត្រង្គដល់បណ្តាប្រទេសនៅក្នុងតំបន់អាស៊ាន ដែលមិនចេះលេងកីឡាមួយនេះ។
លោកបានបន្តទៀតថា បច្ចុប្បន្នមានប្រទេសមួយចំនួនហើយដែលចេះលេងកីឡាអុកចត្រង្គ តែក៏នៅមានប្រទេសមិនទាន់ចេះលេងផងដែរ ដូចជាវៀតណាម, ហ្វីលីពីន, ម៉ាឡេស៊ី និងសិង្ហបុរី ជាដើម។ ដូច្នេះប្រទេសទាំងនេះ ជាគោលដៅដំបូងរបស់កម្ពុជាដែលត្រូវធ្វើការបណ្តុះបណ្តាល គឺតាមរយៈការបញ្ជូនគ្រូបង្វឹកកម្ពុជាទៅកាន់ប្រទេសទាំងនោះ ឬបើកវគ្គបណ្តុះបណ្តាលដោយហៅប្រទេសទាំងនោះឲ្យចូលរួម។
ថ្លែងនៅក្នុងពិធីបិទការប្រកួតកីឡាអុកចត្រង្គអង្គរសង្ក្រាន្តឆ្នាំ២០១៧ វគ្គជម្រុះដំណាក់កាលទី១ កាលពីព្រឹកថ្ងៃទី៣០ ខែមីនា លោក វ៉ាត់ ចំរើន ដែលបានកោតសរសើរពីការរៀបចំការប្រកួតលើកដំបូងរបស់សហព័ន្ធកីឡាអុកចត្រកម្ពុជាបានបញ្ជាក់ថា៖«ឆ្នាំនេះយើងពង្រឹងផ្នែកបច្ចេកទេសផ្ទៃក្នុងឲ្យបានល្អ នៅឆ្នាំក្រោយអាចបញ្ជូនគ្រូយើងទៅធ្វើការបង្រៀននៅតាមប្រទេសនានាដែលជាសមាជិកអាស៊ានរបស់យើង ដើម្បីឲ្យពួកគេត្រៀមចូលរួមប្រកួតកីឡាស៊ីហ្គេមឆ្នាំ២០២៣ ដែលយើងធ្វើជាម្ចាស់ផ្ទះ»។
លោកបន្ថែមថា៖«មានប្រទេសខ្លះដូចជាមីយ៉ាន់ម៉ា ឡាវ និងថៃ ជាដើមមានរបៀបលេងស្រដៀងយើងអស់ហើយ ប៉ុន្តែនៅមានវៀតណាម ហ្វីលីពីន សិង្ហបុរី និងប្រទេសមួយចំនួនទៀត ដែលគេអត់ដែលលេងកីឡាអុករបស់យើង ហេតុនេះយើងត្រូវទៅបង្ហាត់គេពីបច្ចេកទេស ឬក៏ហៅគេមកបណ្តុះបណ្តាលនៅទីនេះ អ៊ីចឹងសូមត្រៀមខ្លួន ដើម្បីគោលដៅទៅស៊ីហ្គេម ឆ្នាំ២០២៣របស់យើង»។
ជាមួយគ្នានេះ លោក វ៉ាត់ ចំរើន បានជំរុញឲ្យថ្នាក់ដឹកនាំសហព័ន្ធកីឡាអុកចត្រង្គកម្ពុជារៀបចំចងក្រងឯកសារប្រវត្តិដែលពាក់ព័ន្ធកីឡានេះដាក់ក្រសួងវប្បធម៌ និងវិចត្រសិល្បៈត្រួតពិនិត្យ ដើម្បីកែប្រែនូវរាល់ចំណុចខ្វះខាតសម្រាប់រក្សាទុកជាឯកសារ ព្រោះ កម្ពុជា គ្រោងយកីឡានេះចុះក្នុងបញ្ជីបេតិកភណ្ឌអរូបិយនៃមនុស្សជាតិរបស់អង្គយូនីស្កូ។ លោក រំពឹងថា កីឡាអុកចត្រង្គនឹងក្លាយជាកីឡាសក្តានុពលមួយរបស់កម្ពុជាទៅថ្ងៃអនាគត ព្រោះវាកីឡាបែបវប្បធម៌ ប្រពៃណីរបស់កម្ពុជា៕
អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) លោក វ៉ាត់ ចំរើន បានបញ្ជាក់ថា កម្ពុជាគ្រោងនឹងបញ្ជូនអ្នកជំនាញខាងផ្នែកកីឡាអុកចត្រង្គឲ្យទៅបណ្តុះបណ្តាលជំនាញបច្ចេកទេសនៃការលេងកីឡាអុកចត្រង្គដល់បណ្តាប្រទេសនៅក្នុងតំបន់អាស៊ាន ដែលមិនចេះលេងកីឡាមួយនេះ។
លោកបានបន្តទៀតថា បច្ចុប្បន្នមានប្រទេសមួយចំនួនហើយដែលចេះលេងកីឡាអុកចត្រង្គ តែក៏នៅមានប្រទេសមិនទាន់ចេះលេងផងដែរ ដូចជាវៀតណាម, ហ្វីលីពីន, ម៉ាឡេស៊ី និងសិង្ហបុរី ជាដើម។ ដូច្នេះប្រទេសទាំងនេះ ជាគោលដៅដំបូងរបស់កម្ពុជាដែលត្រូវធ្វើការបណ្តុះបណ្តាល គឺតាមរយៈការបញ្ជូនគ្រូបង្វឹកកម្ពុជាទៅកាន់ប្រទេសទាំងនោះ ឬបើកវគ្គបណ្តុះបណ្តាលដោយហៅប្រទេសទាំងនោះឲ្យចូលរួម។
ថ្លែងនៅក្នុងពិធីបិទការប្រកួតកីឡាអុកចត្រង្គអង្គរសង្ក្រាន្តឆ្នាំ២០១៧ វគ្គជម្រុះដំណាក់កាលទី១ កាលពីព្រឹកថ្ងៃទី៣០ ខែមីនា លោក វ៉ាត់ ចំរើន ដែលបានកោតសរសើរពីការរៀបចំការប្រកួតលើកដំបូងរបស់សហព័ន្ធកីឡាអុកចត្រកម្ពុជាបានបញ្ជាក់ថា៖«ឆ្នាំនេះយើងពង្រឹងផ្នែកបច្ចេកទេសផ្ទៃក្នុងឲ្យបានល្អ នៅឆ្នាំក្រោយអាចបញ្ជូនគ្រូយើងទៅធ្វើការបង្រៀននៅតាមប្រទេសនានាដែលជាសមាជិកអាស៊ានរបស់យើង ដើម្បីឲ្យពួកគេត្រៀមចូលរួមប្រកួតកីឡាស៊ីហ្គេមឆ្នាំ២០២៣ ដែលយើងធ្វើជាម្ចាស់ផ្ទះ»។
លោកបន្ថែមថា៖«មានប្រទេសខ្លះដូចជាមីយ៉ាន់ម៉ា ឡាវ និងថៃ ជាដើមមានរបៀបលេងស្រដៀងយើងអស់ហើយ ប៉ុន្តែនៅមានវៀតណាម ហ្វីលីពីន សិង្ហបុរី និងប្រទេសមួយចំនួនទៀត ដែលគេអត់ដែលលេងកីឡាអុករបស់យើង ហេតុនេះយើងត្រូវទៅបង្ហាត់គេពីបច្ចេកទេស ឬក៏ហៅគេមកបណ្តុះបណ្តាលនៅទីនេះ អ៊ីចឹងសូមត្រៀមខ្លួន ដើម្បីគោលដៅទៅស៊ីហ្គេម ឆ្នាំ២០២៣របស់យើង»។
ជាមួយគ្នានេះ លោក វ៉ាត់ ចំរើន បានជំរុញឲ្យថ្នាក់ដឹកនាំសហព័ន្ធកីឡាអុកចត្រង្គកម្ពុជារៀបចំចងក្រងឯកសារប្រវត្តិដែលពាក់ព័ន្ធកីឡានេះដាក់ក្រសួងវប្បធម៌ និងវិចត្រសិល្បៈត្រួតពិនិត្យ ដើម្បីកែប្រែនូវរាល់ចំណុចខ្វះខាតសម្រាប់រក្សាទុកជាឯកសារ ព្រោះ កម្ពុជា គ្រោងយកីឡានេះចុះក្នុងបញ្ជីបេតិកភណ្ឌអរូបិយនៃមនុស្សជាតិរបស់អង្គយូនីស្កូ។ លោក រំពឹងថា កីឡាអុកចត្រង្គនឹងក្លាយជាកីឡាសក្តានុពលមួយរបស់កម្ពុជាទៅថ្ងៃអនាគត ព្រោះវាកីឡាបែបវប្បធម៌ ប្រពៃណីរបស់កម្ពុជា៕
Tag:
អុកចត្រង្គ
វ៉ាត់ ចំរើន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
