ជាតិ
នយោបាយជាតិ
លោក អ៊ុច បូរិទ្ធ រដ្ឋលេខាធិការនៃក្រសួងការបរទេស បានផ្តល់បទសម្ភាសដល់ក្រុមអ្នកសារព័ត៌មាន ក្រោយពីបញ្ចប់ជំនួបជាមួយលោក Igor Morgulo អនុរដ្ឋមន្ត្រីក្រសួងការបរទេសរុស្ស៊ី នៅរសៀល ថ្ងៃទី៣០ ខែមីនា ឆ្នាំ២០១៧នេះ។
×![]()
ភ្នំពេញ៖ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ លោក អ៊ុច បូរិទ្ធ បានឲ្យដឹងថា រដ្ឋាភិបាលរុស្ស៊ីបានឯកភាពផ្តល់អាហារូបករណ៍ដល់និស្សិតខ្មែរលើវិស័យថាមពលនុយក្លេអ៊ែរ។
ថ្លែងក្រោយជំនួបពិភាក្សាជាមួយលោក Igor Morgulo អនុរដ្ឋមន្ត្រីក្រសួងការបរទេសរុស្ស៊ី នៅរសៀល ថ្ងៃទី៣០ ខែមីនានេះ លោក អ៊ុច បូរិទ្ធ បានបញ្ជាក់ថា ជំនួបរវាងលោក និងអនុរដ្ឋមន្ត្រីការបរទេសរុស្ស៊ី គឺជាកិច្ចពិគ្រោះនយោបាយក្នុងក្របខណ្ឌអនុស្សារណៈយោគយល់ចំនួន២៣ ដែលរដ្ឋាភិបាលទាំងពីរបាន ឯកភាពគ្នា ក្នុងឆ្នាំ២០១៥ និង២០១៦កន្លងទៅ។ ត្រង់ចំណុចនេះ លោកបានបង្ហើបពីកិច្ចសហប្រតិបត្តិការលើវិស័យថាមពលនុយក្លេអ៊ែរ ដោយលោកបានប្រាប់ថា លោកបានស្នើរុស្ស៊ីផ្តល់អាហារូបករណ៍ដល់និស្សិតខ្មែរ។
ជាការឆ្លើយតប រុស្ស៊ីបានឯកភាពនឹងសំណើរបស់កម្ពុជា។ នេះបើតាមរដ្ឋលេខាធិការក្រសួងការបរទេស បញ្ជាក់នាទីស្តីក្រសួងការបរទេស។ បន្ថែមពីនេះ លោកបានបន្តប្រាប់អ្នកសារព័ត៌មានថា លោកបានស្នើរុស្ស៊ីជួយសង់មជ្ឈមណ្ឌលសិក្សាស្រាវជ្រាវព័ត៌មានអំពី ថាមពលនុយក្លេអ៊ែរផងដែរ ដើម្បីឆ្លើយតបនឹងតម្រូវវិស័យថាមពលអគ្គិសនីរបស់កម្ពុជា នៅថ្ងៃអនាគត។
នៅពេលអ្នកសារព័ត៌មានសួរថា តើរុស្ស៊ីនឹងចាប់ផ្តើមសង់រោងចក្រផលិតថាមពលអគ្គិសនីដើរដោយថាមពលនុយក្លេអ៊ែរនៅពេលណា? លោក បូរិទ្ធ ពុំអាចបញ្ជាក់បាននោះទេ។ លោកគ្រាន់តែឆ្លើយតបថា ពួកគេត្រូវការពេលវេលាសិក្សាយូរអង្វែងថែមទៀត។ «បច្ចុប្បន្ននេះ យើងត្រូវការបណ្តុះបណ្តាលធនធានមនុស្ស សម្រាប់អភិវឌ្ឍវិស័យនេះនៅកម្ពុជាសិន ពិសេសគឺ វិស័យអគ្គិសនី មុនពេលសង់រោងចក្រ។ ប្រសិនបើរុស្ស៊ីជួយសង់រោងចក្រនុយក្លេអ៊ែរពេលនេះ យើងប្រាកដជាមិនអាចទាន់ចេះគ្រប់គ្រងទេ។ មិត្តរុស្ស៊ីបានសន្យាថា ត្រៀមជួយកម្ពុជាគ្រប់កាលៈទេសៈទាំងអស់»។ រដ្ឋលេខាធិការក្រសួងការបរទេសបញ្ជាក់ ដូច្នេះ មុននឹងបន្ថែមថា រុស្ស៊ី បានចាត់ទុកកម្ពុជា ជាមិត្តដ៏ទុកចិត្តបំផុតក្នុងតំបន់នេះ។
តម្លៃថាមពលអគ្គិសនីនៅកម្ពុជាមានកម្រិតខ្ពស់ជាងគេ បើប្រៀបធៀបជាមួយបណ្តាប្រទេសនានាក្នុងតំបន់អាស៊ីអាគ្នេយ៍ ព្រោះកម្ពុជាពឹងផ្អែកការនាំចូលអគ្គីសនីពីប្រទេសជិតខាងដូចជា ឡាវ វៀតណាម និងថៃជាសំខាន់។ ត្រង់ចំណុចនេះ លោក បូរិទ្ធ បានបន្តសង្កត់ធ្ងន់ថា ប្រទេសកំពុងអភិវឌ្ឍដូចកម្ពុជា ប្រឈមនឹងការខ្វះខាតថាមពលអគី្គសនី ដែលមានតម្លៃថោក មានគុណភាព និងមានប្រភពត្រឹមត្រូវ។ ហេតុនេះ លោកចាត់ទុកថា វាប្រាកដជាប្រយោជន៍សំខាន់ ព្រោះបច្ចុប្បន្ន កម្ពុជាត្រូវការថាមពលដែលមានតម្លៃថោក ដើម្បីជំរុញលំហូរចូលនៃទុនវិនិយោគបរទេស និងបំពេញតម្រូវការថាមពលក្នុងស្រុកផង។ លោករំពឹងថា កិច្ចព្រមព្រៀងទាំងនេះ នឹងជំរុញកំណើនអ្នកវិនិយោគ និងភ្ញៀវទេសចររុស្ស៊ីមកកម្ពុជាថែមទៀត។
បន្ថែមលើសពីនេះ ក្រៅពីបង្ហើបពីកិច្ចសហប្រតិបត្តិលើវិស័យថាមពល លោកបន្តបង្ហើបឲ្យដឹងដែរថា កម្ពុជា និងរុស្ស៊ី ត្រៀមចុះហត្ថលេខាលើកិច្ចព្រមព្រៀងចំនួន ៧បន្ថែមទៀត ក្នុងកិច្ចប្រជុំគណៈកម្មការអន្តររដ្ឋាភិបាលកម្ពុជា-រុស្ស៊ី លើកទី១០ ដែលនឹងប្រព្រឹត្តឡើងក្នុងអំឡុងខែកក្កដា ឬសីហា ខាងមុខ នៅក្រុងម៊ូស្កូ ប្រទេសរុស្ស៊ី។
តាមប្រសាសន៍លោក អ៊ុច បូរិទ្ធ កិច្ចព្រមព្រៀងដែលរដ្ឋមន្ត្រីការបរទេសទាំងពីរគ្រោងចុះហត្ថលេខានោះ រួមមាន អនុស្សារណៈស្តីពី កិច្ចសហប្រតិបត្តិការប្រយុទ្ធប្រឆាំងគ្រឿងញៀន, ពិធីសារអនុម័តអនុសាសន៍ស្តីពី ការត្រួតពិនិត្យគ្រឿងញៀនប្រភេទខុសគ្នា, អនុស្សារណៈយោគយល់ស្តីពី វិស័យយុវជន ការការពារបរិស្ថាន និងធនធានធម្មជាតិ, កិច្ចសហប្រតិបត្តិការប្រើប្រាស់ថាមពលអាតូមិចក្នុងទិសដៅសន្តិភាព, កិច្ចព្រមព្រៀងលើការសហប្រតិបត្តិការផ្នែកយោធា និងការការពារកម្មសិទ្ធិបញ្ញា រួមទាំងកិច្ចសហប្រតិបត្តិការការទូតរវាងក្រសួងការបរទេសទ្វេភាគី និងឯកសារមួយចំនួនទៀតដែលស្ថិតកំពុងការពិភាក្សាគ្នា។
គួរកត់សម្គាល់ថា បច្ចុប្បន្នប្រទេសជាច្រើននៅអាស៊ីអាគ្នេយ៍ កំពុងផ្តោតលើការស្រាវជ្រាវ និងដាក់ផែនការជំរុញការសាងសង់រោងចក្រនុយក្លេអ៊ែរនេះដែរ រួមមាន ប្រទេសវៀតណាម និងហ្វីលីពីន ជាដើម។ សម្រាប់វៀតណាមកន្លងមក គេក៏ពឹងរុស្ស៊ីឲ្យជួយសាងសង់រោងចក្រថាមពលនុយក្លេអ៊ែរនេះដែរ៕
ថ្លែងក្រោយជំនួបពិភាក្សាជាមួយលោក Igor Morgulo អនុរដ្ឋមន្ត្រីក្រសួងការបរទេសរុស្ស៊ី នៅរសៀល ថ្ងៃទី៣០ ខែមីនានេះ លោក អ៊ុច បូរិទ្ធ បានបញ្ជាក់ថា ជំនួបរវាងលោក និងអនុរដ្ឋមន្ត្រីការបរទេសរុស្ស៊ី គឺជាកិច្ចពិគ្រោះនយោបាយក្នុងក្របខណ្ឌអនុស្សារណៈយោគយល់ចំនួន២៣ ដែលរដ្ឋាភិបាលទាំងពីរបាន ឯកភាពគ្នា ក្នុងឆ្នាំ២០១៥ និង២០១៦កន្លងទៅ។ ត្រង់ចំណុចនេះ លោកបានបង្ហើបពីកិច្ចសហប្រតិបត្តិការលើវិស័យថាមពលនុយក្លេអ៊ែរ ដោយលោកបានប្រាប់ថា លោកបានស្នើរុស្ស៊ីផ្តល់អាហារូបករណ៍ដល់និស្សិតខ្មែរ។
ជាការឆ្លើយតប រុស្ស៊ីបានឯកភាពនឹងសំណើរបស់កម្ពុជា។ នេះបើតាមរដ្ឋលេខាធិការក្រសួងការបរទេស បញ្ជាក់នាទីស្តីក្រសួងការបរទេស។ បន្ថែមពីនេះ លោកបានបន្តប្រាប់អ្នកសារព័ត៌មានថា លោកបានស្នើរុស្ស៊ីជួយសង់មជ្ឈមណ្ឌលសិក្សាស្រាវជ្រាវព័ត៌មានអំពី ថាមពលនុយក្លេអ៊ែរផងដែរ ដើម្បីឆ្លើយតបនឹងតម្រូវវិស័យថាមពលអគ្គិសនីរបស់កម្ពុជា នៅថ្ងៃអនាគត។
នៅពេលអ្នកសារព័ត៌មានសួរថា តើរុស្ស៊ីនឹងចាប់ផ្តើមសង់រោងចក្រផលិតថាមពលអគ្គិសនីដើរដោយថាមពលនុយក្លេអ៊ែរនៅពេលណា? លោក បូរិទ្ធ ពុំអាចបញ្ជាក់បាននោះទេ។ លោកគ្រាន់តែឆ្លើយតបថា ពួកគេត្រូវការពេលវេលាសិក្សាយូរអង្វែងថែមទៀត។ «បច្ចុប្បន្ននេះ យើងត្រូវការបណ្តុះបណ្តាលធនធានមនុស្ស សម្រាប់អភិវឌ្ឍវិស័យនេះនៅកម្ពុជាសិន ពិសេសគឺ វិស័យអគ្គិសនី មុនពេលសង់រោងចក្រ។ ប្រសិនបើរុស្ស៊ីជួយសង់រោងចក្រនុយក្លេអ៊ែរពេលនេះ យើងប្រាកដជាមិនអាចទាន់ចេះគ្រប់គ្រងទេ។ មិត្តរុស្ស៊ីបានសន្យាថា ត្រៀមជួយកម្ពុជាគ្រប់កាលៈទេសៈទាំងអស់»។ រដ្ឋលេខាធិការក្រសួងការបរទេសបញ្ជាក់ ដូច្នេះ មុននឹងបន្ថែមថា រុស្ស៊ី បានចាត់ទុកកម្ពុជា ជាមិត្តដ៏ទុកចិត្តបំផុតក្នុងតំបន់នេះ។
តម្លៃថាមពលអគ្គិសនីនៅកម្ពុជាមានកម្រិតខ្ពស់ជាងគេ បើប្រៀបធៀបជាមួយបណ្តាប្រទេសនានាក្នុងតំបន់អាស៊ីអាគ្នេយ៍ ព្រោះកម្ពុជាពឹងផ្អែកការនាំចូលអគ្គីសនីពីប្រទេសជិតខាងដូចជា ឡាវ វៀតណាម និងថៃជាសំខាន់។ ត្រង់ចំណុចនេះ លោក បូរិទ្ធ បានបន្តសង្កត់ធ្ងន់ថា ប្រទេសកំពុងអភិវឌ្ឍដូចកម្ពុជា ប្រឈមនឹងការខ្វះខាតថាមពលអគី្គសនី ដែលមានតម្លៃថោក មានគុណភាព និងមានប្រភពត្រឹមត្រូវ។ ហេតុនេះ លោកចាត់ទុកថា វាប្រាកដជាប្រយោជន៍សំខាន់ ព្រោះបច្ចុប្បន្ន កម្ពុជាត្រូវការថាមពលដែលមានតម្លៃថោក ដើម្បីជំរុញលំហូរចូលនៃទុនវិនិយោគបរទេស និងបំពេញតម្រូវការថាមពលក្នុងស្រុកផង។ លោករំពឹងថា កិច្ចព្រមព្រៀងទាំងនេះ នឹងជំរុញកំណើនអ្នកវិនិយោគ និងភ្ញៀវទេសចររុស្ស៊ីមកកម្ពុជាថែមទៀត។
បន្ថែមលើសពីនេះ ក្រៅពីបង្ហើបពីកិច្ចសហប្រតិបត្តិលើវិស័យថាមពល លោកបន្តបង្ហើបឲ្យដឹងដែរថា កម្ពុជា និងរុស្ស៊ី ត្រៀមចុះហត្ថលេខាលើកិច្ចព្រមព្រៀងចំនួន ៧បន្ថែមទៀត ក្នុងកិច្ចប្រជុំគណៈកម្មការអន្តររដ្ឋាភិបាលកម្ពុជា-រុស្ស៊ី លើកទី១០ ដែលនឹងប្រព្រឹត្តឡើងក្នុងអំឡុងខែកក្កដា ឬសីហា ខាងមុខ នៅក្រុងម៊ូស្កូ ប្រទេសរុស្ស៊ី។
តាមប្រសាសន៍លោក អ៊ុច បូរិទ្ធ កិច្ចព្រមព្រៀងដែលរដ្ឋមន្ត្រីការបរទេសទាំងពីរគ្រោងចុះហត្ថលេខានោះ រួមមាន អនុស្សារណៈស្តីពី កិច្ចសហប្រតិបត្តិការប្រយុទ្ធប្រឆាំងគ្រឿងញៀន, ពិធីសារអនុម័តអនុសាសន៍ស្តីពី ការត្រួតពិនិត្យគ្រឿងញៀនប្រភេទខុសគ្នា, អនុស្សារណៈយោគយល់ស្តីពី វិស័យយុវជន ការការពារបរិស្ថាន និងធនធានធម្មជាតិ, កិច្ចសហប្រតិបត្តិការប្រើប្រាស់ថាមពលអាតូមិចក្នុងទិសដៅសន្តិភាព, កិច្ចព្រមព្រៀងលើការសហប្រតិបត្តិការផ្នែកយោធា និងការការពារកម្មសិទ្ធិបញ្ញា រួមទាំងកិច្ចសហប្រតិបត្តិការការទូតរវាងក្រសួងការបរទេសទ្វេភាគី និងឯកសារមួយចំនួនទៀតដែលស្ថិតកំពុងការពិភាក្សាគ្នា។
គួរកត់សម្គាល់ថា បច្ចុប្បន្នប្រទេសជាច្រើននៅអាស៊ីអាគ្នេយ៍ កំពុងផ្តោតលើការស្រាវជ្រាវ និងដាក់ផែនការជំរុញការសាងសង់រោងចក្រនុយក្លេអ៊ែរនេះដែរ រួមមាន ប្រទេសវៀតណាម និងហ្វីលីពីន ជាដើម។ សម្រាប់វៀតណាមកន្លងមក គេក៏ពឹងរុស្ស៊ីឲ្យជួយសាងសង់រោងចក្រថាមពលនុយក្លេអ៊ែរនេះដែរ៕
Tag:
អ៊ុច បូរិទ្ធ
នុយក្លេអ៊ែរ
Igor Morgulo
រុស្សី
ការបរទេស
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
