អត្ថបទពាណិជ្ជកម្ម
លោក Arnaud Dufresne អគ្គនាយកផ្សារទំនើប ជីប ម៉ុងណូរ៉ូម៉ល សរសើររសជាតិឆ្ងាញ់របស់នំខេកជប៉ុន FUWARI ក្នុងពិធីសម្ពោធសាខាទី៤
×![]()
ដោយ: សារព័ត៌មានថ្មីៗ
ភ្នំពេញ ថ្ងៃទី១៨ ខែវិច្ឆិកា ឆ្នាំ២០២០ - ហាងលក់នំខេកជប៉ុន ហ្វ៊ូវ៉ារី (FUWARI) បានបើកសម្ពោធសាខាទី៤ របស់ខ្លួន នៅក្នុងផ្សារទំនើប ជីប ម៉ុង ណូរ៉ូម៉ល បន្ទាប់ពីទទួលបានការគាំទ្រច្រើន ពីអតិថិជនកម្ពុជា ជាពិសេសយុវវ័យ ដែលនិយមញាំនំខេក ជាអាហារសម្រន់ និង ពិធីខួបកំណើតផ្សេងៗ។
កញ្ញា អាក់ គីមបួយ ប្រធានគ្រប់គ្រងទូរទៅប្រែននំខេកដ៏ល្បីនេះ បានបញ្ជាក់ពីមូលហេតុដែល ហ្វ៊ូវ៉ារី ជ្រើសរើសពង្រីកសាខាមកផ្សារទំនើបជីប ម៉ុង ណូរ៉ូម៉ល យ៉ាងដូច្នេះថា៖ «ដោយសារទីតាំងផ្សារទំនើបមួយនេះ ហ៊ុមព័ទ្ធទៅដោយអាគារខន់ដូ និងការិយាល័យជាច្រើន ។ ម្យ៉ាងវិញទៀត ទីតាំងនេះ នៅចំកណ្តាលក្រុងតែម្តង ដោយមានអ្នកដំណើរឆ្លងកាត់ ទាំងថ្មើរជើង ម៉ូតូ និងរថយន្តជាហូរហែ ចរាចរណ៍មមាញឹកជាប្រចាំ។ កត្តាទាំងអស់នេះ ធ្វើឲ្យខ្ញុំជឿជាក់ថាចរាចរណ៍ភ្ញៀវនៅក្នុងផ្សារទំនើបនេះ នឹងជួយឲ្យការលក់នំរបស់ខ្ញុំបានចំនួនកាន់តែច្រើន»។
ទន្ទឹមនឹងនេះ កញ្ញា ក៏បានថ្លែងអំណរគុណ ដល់អតិថិជនក្នុងរាជធានីភ្នំពេញកន្លងមក ដែលបានគាំទ្រយ៉ាងពេញទំហឹង នូវរសជាតិនំខេក ហ្វ៊ូវ៉ារី FUWARI ។
លើសពីនេះ កញ្ញា អាក់ គីមបួយ ក៏ជឿជាក់ដែរថា ផ្សារទំនើបរបស់ក្រុមហ៊ុន ជីប ម៉ុង នឹងទទួលបានជោគជ័យ ដូចមុខជំនួញផ្សេងទៀត ដែលជាបុត្រសម្ព័ន្ធរបស់ក្រុមហ៊ុន ជីប ម៉ុង គ្រុប ផងដែរ។
លោក Arnaud Dufresne អគ្គនាយកថ្មីផ្សារទំនើប ជីប ម៉ុង បានចូលរួមអបអរសាទរ ជាមួយការសម្ពោធសាខាហាងនំខេកថ្មីនេះ ហើយថ្លែងអំណរគុណ ដល់ទំនុកចិត្តហាងនំ ហ្វ៊ូវ៉ារី FUWARI ចំពោះផ្សារទំនើបជីប ម៉ុង។ លោក Arnaud ជឿជាក់ រសជាតិនំខេកដ៏ឆ្ងាញ់របស់ ហ្វ៊ូវ៉ារី FUWARI និងតម្លៃដ៏សមរម្យបំផុតនេះ នឹងទទួលបានជោគជ័យ និងការគាំទ្រកាន់តែច្រើនពីអតិថិជន ដែលនិយមមកផ្សារទំនើបជីប ម៉ុង ៕
(អត្ថបទពាណិជ្ជកម្ម)
Tag:
Khmer Beverages
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
