អត្ថបទពាណិជ្ជកម្ម
ឡែម ជាព្រំដែនអន្តរជាតិមានសក្តានុពល សម្រាប់វិនិយោគលំនៅដ្ឋាន ![](https://image.thmeythmey.com/pictures/2021/02/01/1220211645front.jpg)
×![]()
ទោះបីកូវីដ-១៩ មិនទាន់មានវ៉ាក់សាំងចាក់ការពារយ៉ាងណាក៏ដោយ ប៉ុន្តែព្រំដែនអន្តរជាតិធំទី២ឡែម នៅតែជាតំបន់មានសក្តានុពល សម្រាប់វិនិយោគអចលនទ្រព្យ ពិសេសលំនៅដ្ឋាន។ អភិបាលស្រុកកំរៀង បានអះអាងថា ព្រំដែនអន្តរជាតិឡែម មានស្ថានភាពសេដ្ឋកិច្ចល្អប្រសើរ មិនចាញ់ក្រុងប៉ោយប៉ែតឡើយ។
សំណង់អគារថ្មីៗ សណ្ឋាគារ ធនាគារ និងក្រុមហ៊ុនធំៗមួយចំនួន ត្រូវបានសាងសង់តម្រង់ជួរគ្នាយ៉ាងត្រៀមត្រា នៅតាមបណ្តោយផ្លូវជាតិ៥៩។ ការរីកចម្រើនលូតលាត់ នៃវិស័យទាំងនេះ ជាសូចនាករបង្ហាញថា សេដ្ឋកិច្ច និង ការវិនិយោគនៅព្រំដែនអន្តរជាតិដូង (ឡែម) មានភាពអំណោយផលច្រើន មិនចាញ់ក្រុងប៉ោយប៉ែតនោះឡើយ។ ហើយហេដ្ឋារចនាសម្ព័ន្ធផ្លូវកៅស៊ូថ្មីមានគុណភាពល្អ ជាច្រើនបានដាក់ឱ្យពលរដ្ឋប្រើប្រាស់។
ជុំវិញសំទុះសេដ្ឋកិច្ច និងការអភិវឌ្ឍន៍នេះ អភិបាលស្រុកកំរៀង លោក សុក គឹមខុន មានប្រសាសន៍ថា ព្រំដែនឡែម មានលក្ខណៈពិសេស ជាងព្រំដែនផ្សេងទៀតត្រង់ថា នៅទីនេះ មានឱកាសវិនិយោគច្រើន ហើយអាជ្ញាធរស្វាគមន៍ជានិច្ច ចំពោះវិនិយោគិនថ្មីៗ។ លោកអភិបាលស្រុកបន្តថា៖« ស្រុកកំរៀង មានច្រកអន្តរជាតិឡែមដូចមានដុំពេជ្រ និងមានដំណាំកសិឧស្សាហកម្ម សម្រាប់កែច្នៃ។ ហើយពលរដ្ឋ៧០ភាគរយជាកសិករ និង៣០ភាគរយជាអាជីវករ»។
ដោយសារឱកាសល្អនេះ លោក ឈួន សិរីវិចិត្រ អគ្គនាយកក្រុមហ៊ុន បុរី រតនសម្បត្តិ លើកឡើងថា លោកបានសម្រេចចិត្តបោះទុនវិនិយោគវិស័យលំនៅដ្ឋាន នៅឡែម ដោយភាពជឿជាក់ និងមានមោទកភាព ចំពោះការវិនិយោគនេះ។ លោកបន្តថា បុរី រតនសម្បត្តិ មានគោលការណ៍៥ចំណុច ទី១ បុរីមានគុណភាពល្អ, សំណងរឹងមាំ, មានប្លង់រឹង, មានសុវត្ថិភាព ទី៥និរន្តរភាព និងប្រណិតភាព។ លោកលើកទឹកចិត្ត ឱ្យពលរដ្ឋខ្មែរទាំងអស់ មិនគួរមើលរំលងលំនៅដ្ឋាន នៅព្រំដែនអន្តរជាតិឡែម។ ហើយគម្រោងបុរី រតនសម្បត្តិ តម្លៃសមរម្យ ដែលអាចឆ្លើយតបជាមួយតម្រូវការជាក់ស្តែងរបស់អតិថិជន។
ពលរដ្ឋដែលរស់នៅក្បែរផ្សារកំរៀង និងជិតបុរី រតនសម្បត្តិ លោកស្រី រឿន សម្ផស្ស និយាយថា លោកស្រីពិតជារីករាយ ដែលឃើញអ្នករកស៊ី ចាប់ផ្តើមសម្លឹងនិងយល់ថា “ឡែមជាប៉ោយប៉ែតទី២។ ហើយលោកស្រីបានបង់រំលោះផ្ទះជាមួយ បុរី រតនសម្បត្តិមួយខ្នងរួចហើយ។ ពលរដ្ឋអ្នកលក់កាហ្វេម្នាក់ផ្សេងទៀត កញ្ញា គឹម សៀក និយាយថា នៅច្រកអន្តរជាតិឡែមមានប្រពលរដ្ឋច្រើន មិនចាញ់ប៉ោយប៉ែតនោះទេ។ នៅទីនេះ នារយពេលចុងក្រោយ គឺមានលំហូរប្រជាជនចេញចូលច្រើន។ កញ្ញាបន្ថែមថា៖ “ខ្ញុំមករស់នៅទីនេះ ១០ឆ្នាំហើយ។ តម្លៃដី និងផ្ទះ ថ្លៃជាងមុនឆ្ងាយណាស់។ ហើយពិសេសពលរដ្ឋនៅទីនេះ ចាប់ផ្តើមយល់ថា លំនៅដ្ឋានមានតម្លៃសម្រាប់គ្រួសាររបស់ពួកគាត់”។
ព្រំដែនអន្តរជាតិដូង ឬព្រំដែនអន្តរជាតិឡែម ស្ថិតនៅក្នុងស្រុកកំរៀង ខេត្តបាត់ដំបង និងជាប់ព្រំដែនស្រុកសាលាក្រៅ ខេត្តប៉ៃលិន។ កំរៀងមានពលរដ្ឋប្រមាណជាង៦ម៉ឺននាក់។ នៅព្រំដែនអន្តរជាតិឡែម ជាច្រកនាំផ្លែឈើធំជាងគេ និងច្រកអន្តរជាតិធំទី២ បន្ទាប់ពីក្រុងប៉ោយប៉ែត ដោយមានលំហូរពលរដ្ឋចេញចូល ជាង១លាននាក់ក្នុងមួយឆ្នាំ។ សម្រាប់ពលរដ្ឋដែលកំពុងរកឱកាសថ្មី ក្នុងវិស័យអចលទ្រព្យនិងលំនៅដ្ឋាន មិនគួរមើលរំលង ច្រកព្រំដែនអន្តរជាតិបានឡែមនោះឡើយ៕
![](https://image.thmeythmey.com/pictures/2021/02/01/thumb2/5.jpg)
![](https://image.thmeythmey.com/pictures/2021/02/01/thumb2/6.jpg)
![](https://image.thmeythmey.com/pictures/2021/02/01/thumb2/7.jpg)
![](https://image.thmeythmey.com/pictures/2021/02/01/thumb2/8.jpg)
![](https://image.thmeythmey.com/pictures/2021/02/01/thumb2/10.jpg)
![](https://image.thmeythmey.com/pictures/2021/02/01/thumb2/11.jpg)
![](https://image.thmeythmey.com/pictures/2021/02/01/thumb2/122021175912.jpg)
![](https://image.thmeythmey.com/pictures/2021/02/01/thumb2/13.jpg)
![](https://image.thmeythmey.com/pictures/2021/02/01/thumb2/14.png)
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com