សង្គមអន្តរជាតិ
អន្តរជាតិ
ចិនប្រាប់តារាល្បីៗឲ្យឈប់សម្ញែងទ្រព្យ និងសកម្មភាពភ្លើតភ្លើនហួសហេតុតាមបណ្តាញសង្គម
×![]()
ដោយ: ធីតា
តារាល្បីៗនៅក្នុងប្រទេសចិន នឹងមិនអាចបង្ហោះខ្លឹមសារដែលអសីលធម៌នៅលើបណ្តាញសង្គមនោះឡើយ។ នេះជាការព្រមានរបស់រដ្ឋបាលទទួលបន្ទុកគ្រប់គ្រងលំហរអ៊ីនធ័រណិតចិន ដោយហាមឃាត់ការអួតសម្ញែងទ្រព្យសម្បត្តិ និងសកម្មភាពសប្បាយភ្លើតភ្លើនហួសហេតុ។ 
តារាល្បីៗ ក៏ដូចជាគណនីបណ្តាញសង្គមដែលគាំទ្រ (fan-club accounts) ត្រូវតែគោរពសណ្តាប់ធ្នាប់សាធារណៈ និងទំនៀមទម្លាប់ល្អ ប្រកាន់ខ្ជាប់នូវការកែតម្រូវ តម្រង់ទិសមតិសាធារណៈ និងការលើកកម្ពស់គុណតម្លៃសង្គម។ សេចក្តីប្រកាសរបស់ស្ថាប័នគ្រប់គ្រងអ៊ីនធីរណិត ធ្វើឡើងក្រោយពេលដែលបក្សកុម្មុយនីស្តចិន បើកយុទ្ធនាការប្រឆាំងនឹងការរីករាលដាលឧស្សាហកម្មកម្សាន្ត ជាពិសេសករណីរឿងអាស្រូវរបស់តារាល្បីៗ និងក្រុមអ្នកគាំទ្ររបស់ពួកគេតាមអនឡាញ។
យោងតាមការផ្សាយរបស់ Business Insider អាជ្ញាធរចិនក៏បានហាមប្រាមតារាល្បីៗកុំឲ្យមានការចែករំលែកព័ត៌មានចចាមអារ៉ាម ការបង្ហោះព័ត៌មានមិនពិត ព័ត៌មានឯកជន ការជំរុញឲ្យក្រុមអ្នកគាំទ្រវាយប្រហារដោយសារសម្តីគ្នាទៅវិញទៅមក ក៏ដូចជាការបំផុសបំផុលឲ្យអ្នកគាំទ្ររៃអង្គាសថវិកាដោយខុសច្បាប់ ឬការវិនិយោគមិនសមហេតុផលណាមួយ។
ជាមួយគ្នានេះដែរ សមាគមសិល្បៈចិន បានហាមឃាត់មនុស្ស៨៨នាក់ពីការផ្សាយផ្ទាល់ (Livestreaming) នៅលើបណ្តាញសង្គម ក្នុងនោះមានតារាចម្រៀងចិន-កាណាដា Kris Wu ដែលរងការចោទប្រកាន់ពាក់ព័ន្ធរំលោភផ្លូវភេទផងដែរ។ សមាគមសិល្បៈចិន បានជំរុញបន្ថែមឲ្យមានការពង្រឹងវិន័យផ្ទាល់ខ្លួនរបស់តារាគ្រប់រូបក្នុងឧស្សាហកម្មសិល្បៈ ដើម្បីរួមគ្នាលុបបំបាត់ក្រុមសិល្បករអសីលធម៌។
កាលពីខែសីហា កន្លងមក ចិនបានលុបវត្តមានរបស់តារាសម្តែងដ៏ល្បី Zhao Wei ចេញពីរាល់បណ្តាញសង្គម ហើយអាជ្ញាធរក៏មិនបានបង្ហាញពីហេតុផលណាមួយនោះដែរ ខណៈបណ្តាញព័ត៌មានរដ្ឋ បានលើកឡើងថា តារារូបនេះពាក់ព័ន្ធរឿងអាស្រូវជាច្រើន ជាពិសេសសំណុំរឿងវិនិយោគដែលមានទឹកប្រាក់៧,៤៥លានដុល្លារអាមេរិក។
នៅចិន បណ្តាញសង្គមដូចជា Twitter, Facebook និង YouTube ជាដើម ត្រូវបានបិទ ខណៈការប្រើប្រាស់ Weibo, Renren និង Youku ត្រូវបានរឹតត្បិតផងដែរ៕
តារាល្បីៗ ក៏ដូចជាគណនីបណ្តាញសង្គមដែលគាំទ្រ (fan-club accounts) ត្រូវតែគោរពសណ្តាប់ធ្នាប់សាធារណៈ និងទំនៀមទម្លាប់ល្អ ប្រកាន់ខ្ជាប់នូវការកែតម្រូវ តម្រង់ទិសមតិសាធារណៈ និងការលើកកម្ពស់គុណតម្លៃសង្គម។ សេចក្តីប្រកាសរបស់ស្ថាប័នគ្រប់គ្រងអ៊ីនធីរណិត ធ្វើឡើងក្រោយពេលដែលបក្សកុម្មុយនីស្តចិន បើកយុទ្ធនាការប្រឆាំងនឹងការរីករាលដាលឧស្សាហកម្មកម្សាន្ត ជាពិសេសករណីរឿងអាស្រូវរបស់តារាល្បីៗ និងក្រុមអ្នកគាំទ្ររបស់ពួកគេតាមអនឡាញ។
យោងតាមការផ្សាយរបស់ Business Insider អាជ្ញាធរចិនក៏បានហាមប្រាមតារាល្បីៗកុំឲ្យមានការចែករំលែកព័ត៌មានចចាមអារ៉ាម ការបង្ហោះព័ត៌មានមិនពិត ព័ត៌មានឯកជន ការជំរុញឲ្យក្រុមអ្នកគាំទ្រវាយប្រហារដោយសារសម្តីគ្នាទៅវិញទៅមក ក៏ដូចជាការបំផុសបំផុលឲ្យអ្នកគាំទ្ររៃអង្គាសថវិកាដោយខុសច្បាប់ ឬការវិនិយោគមិនសមហេតុផលណាមួយ។
ជាមួយគ្នានេះដែរ សមាគមសិល្បៈចិន បានហាមឃាត់មនុស្ស៨៨នាក់ពីការផ្សាយផ្ទាល់ (Livestreaming) នៅលើបណ្តាញសង្គម ក្នុងនោះមានតារាចម្រៀងចិន-កាណាដា Kris Wu ដែលរងការចោទប្រកាន់ពាក់ព័ន្ធរំលោភផ្លូវភេទផងដែរ។ សមាគមសិល្បៈចិន បានជំរុញបន្ថែមឲ្យមានការពង្រឹងវិន័យផ្ទាល់ខ្លួនរបស់តារាគ្រប់រូបក្នុងឧស្សាហកម្មសិល្បៈ ដើម្បីរួមគ្នាលុបបំបាត់ក្រុមសិល្បករអសីលធម៌។
កាលពីខែសីហា កន្លងមក ចិនបានលុបវត្តមានរបស់តារាសម្តែងដ៏ល្បី Zhao Wei ចេញពីរាល់បណ្តាញសង្គម ហើយអាជ្ញាធរក៏មិនបានបង្ហាញពីហេតុផលណាមួយនោះដែរ ខណៈបណ្តាញព័ត៌មានរដ្ឋ បានលើកឡើងថា តារារូបនេះពាក់ព័ន្ធរឿងអាស្រូវជាច្រើន ជាពិសេសសំណុំរឿងវិនិយោគដែលមានទឹកប្រាក់៧,៤៥លានដុល្លារអាមេរិក។
នៅចិន បណ្តាញសង្គមដូចជា Twitter, Facebook និង YouTube ជាដើម ត្រូវបានបិទ ខណៈការប្រើប្រាស់ Weibo, Renren និង Youku ត្រូវបានរឹតត្បិតផងដែរ៕
© រក្សាសិទ្ធិដោយ thmeythmey.com
