ជាតិ
សុខភាព
មន្រ្តីដុតកម្ទេចចោលទំនិញម្ហូបអាហារខូចគុណភាពប្រមាណ៣តោននៅខេត្តកណ្ដាល
× ទំនិញម្ហូបអាហារខូចគុណភាពប្រមាណ ៣តោនត្រូវដុតកម្ទេចចោលកាលពីថ្ងៃទី១១ធ្នូ នៅខេត្តកណ្ដាល។ នេះបើតាមរបាយការណ៍របស់ អគ្គការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប.)នៅថ្ងៃទី១២ធ្នូ។
អគ្គការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បញ្ជាក់ថា កន្លងទៅមន្រ្តីរបស់ខ្លួនប្រចាំខេត្តកណ្ដាលបានរកឃើញ និងដកហូតទំនិញខូចគុណភាពបានសរុបចំនួន ៣តោនពីទីផ្សារ និងសិប្បកម្មនានាក្នុងខេត្តកណ្ដាល។ ទំនិញទាំងនោះ ត្រូវបានព្រះរាជអាជ្ញាអមសាលាដំបូងខេត្តកណ្ដាល និងមន្ត្រីពាក់ព័ន្ធ ឯភាពគ្នាធ្វើការដុតកម្ទេចចោលកាលពីថ្ងៃទី១១ធ្នូ នៅទីលានបាល់ទាត់ក្រុងតាខ្មៅ។
រូបភាពពី អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ
មន្ត្រីនៃអគ្គការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ តែងតែធ្វើការចុះត្រួតពិនិត្យអនុលោមភាពលើគុណភាព និងសំបកវេចខ្ចប់ទំនិញតាមផ្សារនានាទូទាំងប្រទេសជាបន្តបន្ទាប ដើម្បីទប់ស្កាត់ការចរាចរណ៍ទំនិញក្លែងក្លាយ ទំនិញខូចគុណភាព និងទំនិញដែលមានសំបកវេចខ្ចប់មិនត្រឹមត្រូវ៕
រូបភាពពី អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ
© រក្សាសិទ្ធិដោយ thmeythmey.com