យោងតាមការផ្សាយលើហ្វេសប៊ុករបស់សហព័ន្ធកីឡាហុកគីកម្ពុជា កាលពីថ្ងៃទី១៤ ខែសីហា កន្លងទៅ ការរកបានពិន្ទុក្នុងការប្រកួតIndoor Hockey Cup 2022 នៅទីក្រុងបាងកក និងការឈ្នះលើប្រទេសសិង្ហបុរី ក្នុងលទ្ធផល៣-០ក្នុងវគ្គចែកពូល គឺជាសិទ្ធផលថ្មី។

ផ្អែកលើសិទ្ធផលវិជ្ជមាននៃការប្រកួតអន្ដរជាតិផ្សេងៗ គណៈកម្មាធិការជាតិរៀបចំកីឡាអាស៊ីអាគ្នេយ៍ឆ្នាំ២០២៣(CAMSOC)និងគណៈកម្មធិការជាតិអូឡាំពិកកម្ពុជា (NOCC) បានដាក់វិញ្ញាសាកីឡានេះក្នុងការប្រកួតស៊ីហ្គេម នាឆ្នាំ២០២៣។ដោយឡែក សម្រាប់ការប្រកួត ដណ្ដើមយកលេខ៥កម្ពុជា  ក្រោយចាញ់ ឆាយនីសតៃប៉ិ ៣-២ កាលពីថ្ងៃទី១៣ និងចាញ់ សិង្ហបុរីក្នុងវគ្គដណ្ដើម៧ ក្នុងលទ្ធផល២-០ កាលពីថ្ងៃទី១៤ ខែសីហា។
  

គួរបញ្ជាក់ផងដែរថា ព្រឹត្តិការណ៍ Indoor Hockey Cup 2022 វិញ្ញាសានារីមាន៩ប្រទេសចូលរួម ក្នុងមាន កម្ពុជា, ឆាយនីសតៃប៉ិ, ឥណ្ឌូណេស៊ី អឺរ៉ង, កាហ្សាក់ស្ថាន, ម៉ាឡេស៊ី, ប៉ាគីស្ថាន, សិង្ហបុរីនិងម្ចាស់ផ្ទះ ថៃ។ កម្ពុជា ទទួលបានលេខ៨ ដោយតាមពីក្រោយដោយ ប៉ាគីស្ថាន និងលេខ៧ក្រុមនារីរបស់សិង្ហបុរី។ ដោយឡែក ចំណាត់ថ្នាក់ផ្សេងទៀតគឺត្រូវរងចាំលទ្ធផលពីការប្រកួតនៅរសៀលថ្ងៃទី១៥ ខែសីហា។ សម្រាប់វិញ្ញាសាបុរស កម្ពុជាពុំបានចូលរួមទេ៕