ជាតិ
ខេត្តមណ្ឌលគិរី រតនគិរី ព្រះវិហារ ឧត្តរមានជ័យ នឹងចុះត្រជាក់ដល់១៧អង្សា ៣ថ្ងៃ ![ខេត្តមណ្ឌលគិរី រតនគិរី ព្រះវិហារ ឧត្តរមានជ័យ នឹងចុះត្រជាក់ចាប់ពីថ្ងៃទី២ ដល់៨វិច្ឆិកា.](https://image.thmeythmey.com/pictures/2022/11/01/g.jpg)
ខេត្តមណ្ឌលគិរី រតនគិរី ព្រះវិហារ ឧត្តរមានជ័យ នឹងចុះត្រជាក់ចាប់ពីថ្ងៃទី២ ដល់៨វិច្ឆិកា.
×![]()
ភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា ចាប់ពីថ្ងៃទី២-៨ ខែវិច្ឆិកា កម្ពុជានឹងទទួលឥទ្ធិពលពីទ្រនុងសម្ពាធខ្ពស់ពីប្រទេសចិន និងខ្យល់បក់មកពីទិសឦសាន។ ស្ថានភាពបែបនេះ អាចធ្វើឱ្យអាកាសធាតុចុះត្រជាក់អប្បរមាពី១៧ ដល់១៨អង្សាសេ។
ការព្យាករអាកាសធាតុរបស់ក្រសួងធនធានទឹក និងឧតុនិយម បង្ហាញថារយៈពេលមួយសប្ដាហ៍នេះ កម្ពុជានឹងទទួលរងឥទ្ធិពលពីទ្រនុងសម្ពាធខ្ពស់ពីប្រទេសចិន និងខ្យល់បក់ពីទិសឦសានអាចធ្វើឱ្យតំបន់ទំនាបកណ្ដាល មិនមានភ្លៀង។ ករណីមានភ្លៀងក៏ក្នុងកម្រិតតិចតួចប៉ុណ្ណោះ។
ចំណែកតំបន់ខ្ពង់រាប អាចមិនមានភ្លៀងធ្លាក់នោះទេ។ ប៉ុន្ដែជំនួសមកវិញនូវអាកាសធាតុចុះត្រជាក់នៅពេលព្រឹក នៅបណ្ដាខេត្តចំនួន៤គឺ មណ្ឌលគិរី រតនគិរី ព្រះវិហារ និងខេត្តឧត្តរមានជ័យ ដោយសីតុណ្ហភាពអប្បបរមាពី១៧ ទៅ ១៨អង្សាសេ។
ចំពោះតំបន់មាត់សមុទ្រ មិនមានភ្លៀងធ្លាក់ ប៉ុន្ដែបើមានក៏ក្នុងកម្រិតតិចតួច។ ក្រសួងធនធានទឹក ក៏បានអំពាវនាវដល់ប្រជាពលរដ្ឋប្រុងប្រយ័ត្នចំពោះស្ថានភាពចុះត្រជាក់នេះ៕
© រក្សាសិទ្ធិដោយ thmeythmey.com