ជាតិ
ក្រសួងវប្បធម៌ នឹងរៀបចំព្រឹត្តិការណ៍រាត្រីសមោសរសប្បុរសធម៌នៅសៀមរាប ដើម្បីជួយគន្ធបុប្ផា ![](https://image.thmeythmey.com/pictures/2022/11/26/261120221438front_.jpg)
×![]()
ក្រសួងវប្បធម៌ និងវិចិត្រសិល្បៈ សហការជាមួយអាជ្ញាធរជាតិអប្សរា នឹងរៀបចំព្រឹត្តិការណ៍រាត្រីសមោសរសប្បុរសធម៌ នៅថ្ងៃទី១៦ ខែធ្នូ ឆ្នាំ២០២២ នៅបរិវេណប្រាសាទបាយ័ន ខេត្តសៀមរាប។ព្រឹត្តិការណ៍នេះ ធ្វើឡើងដើម្បីអបអរសាទរខួប៣០ឆ្នាំ នៃការដាក់បញ្ចូលរមណីដ្ឋានអង្គរ ក្នុងបញ្ជីបេតិភណ្ឌពិភពលោករបស់អង្គការយូណេស្កូ។
ព្រឹត្តិការណ៍នេះ មានកម្មវិធីសម្ដែង ដូចជា របាំផ្សាយព្រហ្មវិហារធម៌ , របាំអប្សរា, សូឡូឧបករណ៍, របាំទន្សោង, ព្រៃប្រសិទ្ធិ, សែនស្រឡាញ់, របាំក្ងោកសិល្ប៍, របាំកិន្នរ, ការសម្ដែងឧបករណ៍តន្រ្តីខ្មែរ,របាំគ្រុឌ , ការប្រគំព្យាណូទោលជាមួយរបាំ និងរបាំរឿង ព្រះបាទជ័យវរ្ម័នទី៧។
បើតាមក្រសួងវប្បធម៌ អ្នកចូលរួមនឹងអាចយកអារម្មណ៍ដ៏អស្ចារ្យ ដោយពិសាអាហារ ជាមួយនឹងការទស្សនាសិល្បៈវប្បធម៌បុរាណខ្មែរ ក្រោមបរិយាកាសបែបធម្មជាតិ ចាប់ពីម៉ោង៦៖៣០នាទីល្ងាចថ្ងៃទី ១៦ ខែធ្នូ។
![](https://image.thmeythmey.com/pictures/2022/11/26/2611202214391.jpg)
សំបុត្រ ចូលរួមមានតម្លៃ ៥០០ដុល្លារក្នុងមួយនាក់ និង៣០០០ដុល្លារក្នុងមួយ១តុ មាន ៨នាក់។ ជាមួយគ្នានេះ ថវិកាដែលប្រមូលក្នុងព្រឹត្តិការណ៍នេះ នឹងត្រូវបានយកទៅជួយដល់មន្ទីពេទ្យគន្ធបុប្ផា៕
Tag:
ក្រសួងវប្បធម៌
មន្ទីរពេទ្យគន្ធាបុប្ផា
© រក្សាសិទ្ធិដោយ thmeythmey.com