កីឡាជាតិ
ជាតិ
Hun Sen Cup៖គ្រូ និងសិស្សដែលធ្លាប់លើកពានរួមគ្នានៅឆ្នាំ២០០៧ ប្រជែងគ្នាយកពាននៅថ្ងៃនេះ
×![]()
លោក លាស់ សាឡាក់ខាន់ និងលោក អ៊ុង កនយ៉ានិត ធ្លាប់ជាគ្រូ ហើយនឹងសិស្សដែលបានលើកពានបើកឆាកពានរង្វាន់សម្តេច ហ៊ុន សែន កាលពីឆ្នាំ២០០៧ ជាមួយក្រុមខេមរាកីឡា ប៉ុន្តែនៅវេលាម៉ោង៥ ល្ងាចថ្ងៃទី១៥ ខែមិនា នេះ ពួកលោកត្រូវប្រឈមមុខគ្នា ដោយត្រូវដឹកនាំក្រុមរៀងៗខ្លួនដណ្តើមយកពានប្រចាំឆ្នាំ២០១៤។ លោក លាស់ សាឡាក់ខាន់ ត្រូវដឹកនាំបៀលប្រាយយូណាយធីត រីឯអតីតកូនសិស្សជំនិតរបស់លោក ត្រូវដឹកនាំអគ្គស្នងការដ្ឋាននគរបាលជាតិ។
ព័ត៌មានជុំវិញក្រុម បៀលប្រាយ
លោក ចាន់ វាសនា ជំនួយការគ្រូបង្វឹកក្រុមបៀលប្រាយ បានប្រាប់អ្នកសារព័ត៌មានក្រោយក្រុមខ្លួនដណ្ដើមកៅអីវគ្គផ្ដាច់ព្រ័ត្រថា បៀលប្រាយមានឱកាសចន្លោះពី ៨០% ទៅ ៩០% ក្នុងការដណ្ដើមជើងឯកនៅឆ្នាំនេះ។
ចំពោះលោក លាស់ សាឡាស់ខាន់ គ្រូបង្វឹកក្រុមបៀលប្រាយ គឺជាគ្រូបង្វឹកដំបូងលើកពានរង្វាន់ Hun Sen Cup មុនគេបង្អស់គឺនៅឆ្នាំ ២០០៧ ដែលកាលនោះលោកដឹកនាំក្រុមខេមរាកីឡា។ ប៉ុន្មានប្រកួតចុងក្រោយក្នុងពានរង្វាន់នេះលោកដឹកនាំក្រុមបានល្អមែនទែនដោយ ប្រកួតស្មើក្រុមក្រសួងការពារជាតិ ១ ទល់ ១ នៅវគ្គជម្រុះតាមពូល ហើយទម្លាក់ក្រុមភ្នំពេញក្រោន នៅវគ្គ៨ ក្រុមចុងក្រោយ និង បន្តទម្លាក់ក្រុម ចម្ការកៅស៊ូបឹងកេត នៅវគ្គពាក់កណ្ដាលផ្ដាច់ព្រ័ត្រ។
ខ្សែប្រយុទ្ធ ចាន់ ឆាយ៉ា ទំនងជាសះស្បើយហើយត្រឡប់មកជួយក្រុមទាន់ពេលវេលា បន្ទាប់ពីរបួសជើងក្នុងជំនួបវគ្គ ៨ ក្រុមចុងក្រោយជាមួយភ្នំពេញក្រោន ខណៈអ្នកចាំទី ស៊ុះ ប្រុសហ៊ីម កំពុងឡើងទឹកដៃ ក្នុងការសង្គ្រោះបាល់ មួយរយៈចុងក្រោយ។ ចំណែកកីឡាករ រ៉ីង ប៊ុនហៀង និង ប្រធានក្រុមព្រំ ពុទ្ធសិទ្ធី ធ្លាប់នាំសំណាងឱ្យក្រុម ក្នុង ២ ប្រកួតកន្លងមកនេះ។
បៀលប្រាយ ធ្លាប់ឡើងមកវគ្គផ្ដាច់ព្រ័ត្រនេះម្ដងនៅឆ្នាំ ២០១១ តែកាលនោះចាញ់ក្រុមព្រះខ័នរាជ (ស្វាយរៀង) ២ ទល់ ០ ។
ព័ត៌មានជុំវិញក្រុមប៉ូលិស
លោក អ៊ុង កងយ៉ានិត គ្រូបង្គោលក្រុមប៉ូលិស ជាអតីតកូនសិស្សរបស់លោក លាស់ សាឡាស់ខាន់ ក្នុងអំឡុងប្រកបអាជីពនៅក្លិបខេមរាកីឡា ជាមួយគ្នា។ បើទោះជាធ្លាប់មានឈ្មោះជាសិស្ស និង គ្រូ មែន តែលោក យ៉ានិត ប្រាប់ថាមានវិធីសាស្ត្រគ្រប់គ្រាន់ក្នុងការដណ្ដើមជ័យជម្នះជាមួយបៀលប្រាយ។
លោក អ៊ុង កងយ៉ានិត គឺ ជាគ្រូបង្វឹកឆ្នើមម្នាក់ក្នុងពានរង្វាន់ Hun Sen Cup លើកទី៨ នេះដោយធ្លាប់ដឹកនាំក្រុមយកឈ្នះ ត្រាអាស៊ី ១ ទល់ ០ នៅវគ្គជម្រុះតាមពូល និងយកឈ្នះក្រុមក្រសួងការពារជាតិ ដែលអ្នកគាំទ្រគ្រប់គ្នាសង្ឃឹមថាជាបេក្ខភាពជើងឯកនៅឆ្នាំនេះ ដោយលទ្ធផល ២ ទល់ ១ នៅវគ្គ ៨ ក្រុមចុងក្រោយ និង ឈ្នះក្រុមណាហ្គាខប ១ ទល់ ០ នៅវគ្គពាក់កណ្ដាលផ្ដាច់ព្រ័ត្រ។
កីឡាករ ទិត្យ ឌីណា, នួន បូរី, ស្រី ឧត្តម, អ៊ុល រ៉ាវី, ស៊ុប រ៉ាវី, សាយ ពិសិដ្ឋ គឺសុទ្ធដែលជាតួរអង្គរសំខាន់សម្រាប់ប៉ូលិស នាពេលកន្លងមក។
បើងាកទៅមើល ៥ ប្រកួតចុងក្រោយ រវាងក្រុមខ្លាំងទាំង ២ នេះវិញ ប៉ូលិស មិនដែលឈ្នះបៀលប្រាយ នោះទេ ដោយ ប្រកួតស្មើគ្នា ២ លើក និង ៣ លើកទៀតបៀលប្រាយជាអ្នកឈ្នះ។
បន្ទាប់ពីខេមរាកីឡា ភ្នំពេញក្រោន ក្រសួងការពារជាតិ ស្វាយរៀង និងណាហ្គាខប តើបៀលប្រាយ ឬប៉ូលិស ដែលក្លាយក្លិបទី៦ដែលលើកពានរង្វាន់សម្តេច ហ៊ុន សែន?
ចំពោះប្រិយមិត្តនិយមកីឡាបាល់ទាត់ជាតិ ដែលរស់នៅតាមបណ្ដាខេត្ត ឬ នៅក្រៅប្រទេស អាចទស្សនាការប្រកួតវគ្គផ្ដាច់ព្រ័ត្រនេះបានតាមរយៈការផ្សាយផ្ទាល់របស់ទូរទស្សន៍ បាយ័នព័ត៌មាន (BTV)៕
ព័ត៌មានជុំវិញក្រុម បៀលប្រាយ
លោក ចាន់ វាសនា ជំនួយការគ្រូបង្វឹកក្រុមបៀលប្រាយ បានប្រាប់អ្នកសារព័ត៌មានក្រោយក្រុមខ្លួនដណ្ដើមកៅអីវគ្គផ្ដាច់ព្រ័ត្រថា បៀលប្រាយមានឱកាសចន្លោះពី ៨០% ទៅ ៩០% ក្នុងការដណ្ដើមជើងឯកនៅឆ្នាំនេះ។
ចំពោះលោក លាស់ សាឡាស់ខាន់ គ្រូបង្វឹកក្រុមបៀលប្រាយ គឺជាគ្រូបង្វឹកដំបូងលើកពានរង្វាន់ Hun Sen Cup មុនគេបង្អស់គឺនៅឆ្នាំ ២០០៧ ដែលកាលនោះលោកដឹកនាំក្រុមខេមរាកីឡា។ ប៉ុន្មានប្រកួតចុងក្រោយក្នុងពានរង្វាន់នេះលោកដឹកនាំក្រុមបានល្អមែនទែនដោយ ប្រកួតស្មើក្រុមក្រសួងការពារជាតិ ១ ទល់ ១ នៅវគ្គជម្រុះតាមពូល ហើយទម្លាក់ក្រុមភ្នំពេញក្រោន នៅវគ្គ៨ ក្រុមចុងក្រោយ និង បន្តទម្លាក់ក្រុម ចម្ការកៅស៊ូបឹងកេត នៅវគ្គពាក់កណ្ដាលផ្ដាច់ព្រ័ត្រ។
ខ្សែប្រយុទ្ធ ចាន់ ឆាយ៉ា ទំនងជាសះស្បើយហើយត្រឡប់មកជួយក្រុមទាន់ពេលវេលា បន្ទាប់ពីរបួសជើងក្នុងជំនួបវគ្គ ៨ ក្រុមចុងក្រោយជាមួយភ្នំពេញក្រោន ខណៈអ្នកចាំទី ស៊ុះ ប្រុសហ៊ីម កំពុងឡើងទឹកដៃ ក្នុងការសង្គ្រោះបាល់ មួយរយៈចុងក្រោយ។ ចំណែកកីឡាករ រ៉ីង ប៊ុនហៀង និង ប្រធានក្រុមព្រំ ពុទ្ធសិទ្ធី ធ្លាប់នាំសំណាងឱ្យក្រុម ក្នុង ២ ប្រកួតកន្លងមកនេះ។
បៀលប្រាយ ធ្លាប់ឡើងមកវគ្គផ្ដាច់ព្រ័ត្រនេះម្ដងនៅឆ្នាំ ២០១១ តែកាលនោះចាញ់ក្រុមព្រះខ័នរាជ (ស្វាយរៀង) ២ ទល់ ០ ។
ព័ត៌មានជុំវិញក្រុមប៉ូលិស
លោក អ៊ុង កងយ៉ានិត គ្រូបង្គោលក្រុមប៉ូលិស ជាអតីតកូនសិស្សរបស់លោក លាស់ សាឡាស់ខាន់ ក្នុងអំឡុងប្រកបអាជីពនៅក្លិបខេមរាកីឡា ជាមួយគ្នា។ បើទោះជាធ្លាប់មានឈ្មោះជាសិស្ស និង គ្រូ មែន តែលោក យ៉ានិត ប្រាប់ថាមានវិធីសាស្ត្រគ្រប់គ្រាន់ក្នុងការដណ្ដើមជ័យជម្នះជាមួយបៀលប្រាយ។
លោក អ៊ុង កងយ៉ានិត គឺ ជាគ្រូបង្វឹកឆ្នើមម្នាក់ក្នុងពានរង្វាន់ Hun Sen Cup លើកទី៨ នេះដោយធ្លាប់ដឹកនាំក្រុមយកឈ្នះ ត្រាអាស៊ី ១ ទល់ ០ នៅវគ្គជម្រុះតាមពូល និងយកឈ្នះក្រុមក្រសួងការពារជាតិ ដែលអ្នកគាំទ្រគ្រប់គ្នាសង្ឃឹមថាជាបេក្ខភាពជើងឯកនៅឆ្នាំនេះ ដោយលទ្ធផល ២ ទល់ ១ នៅវគ្គ ៨ ក្រុមចុងក្រោយ និង ឈ្នះក្រុមណាហ្គាខប ១ ទល់ ០ នៅវគ្គពាក់កណ្ដាលផ្ដាច់ព្រ័ត្រ។
កីឡាករ ទិត្យ ឌីណា, នួន បូរី, ស្រី ឧត្តម, អ៊ុល រ៉ាវី, ស៊ុប រ៉ាវី, សាយ ពិសិដ្ឋ គឺសុទ្ធដែលជាតួរអង្គរសំខាន់សម្រាប់ប៉ូលិស នាពេលកន្លងមក។
បើងាកទៅមើល ៥ ប្រកួតចុងក្រោយ រវាងក្រុមខ្លាំងទាំង ២ នេះវិញ ប៉ូលិស មិនដែលឈ្នះបៀលប្រាយ នោះទេ ដោយ ប្រកួតស្មើគ្នា ២ លើក និង ៣ លើកទៀតបៀលប្រាយជាអ្នកឈ្នះ។
បន្ទាប់ពីខេមរាកីឡា ភ្នំពេញក្រោន ក្រសួងការពារជាតិ ស្វាយរៀង និងណាហ្គាខប តើបៀលប្រាយ ឬប៉ូលិស ដែលក្លាយក្លិបទី៦ដែលលើកពានរង្វាន់សម្តេច ហ៊ុន សែន?
ចំពោះប្រិយមិត្តនិយមកីឡាបាល់ទាត់ជាតិ ដែលរស់នៅតាមបណ្ដាខេត្ត ឬ នៅក្រៅប្រទេស អាចទស្សនាការប្រកួតវគ្គផ្ដាច់ព្រ័ត្រនេះបានតាមរយៈការផ្សាយផ្ទាល់របស់ទូរទស្សន៍ បាយ័នព័ត៌មាន (BTV)៕
© រក្សាសិទ្ធិដោយ thmeythmey.com
ជាអ្នករើសអេតចាយ លោក អ៊ីវ សុខន ជំរុញកូនប្រុសទាំងបីឱ្យខំរត់ដើម្បីអនាគតភ្លឺស្វាង
ជីវព័ត៌មាន 1 សប្តាហ៍
