ជាតិ
អាជ្ញាធរ ឱ្យម្ចាស់តូប រុះរើតូបដែលសង់រំលោភដីឆ្នេរអង្កាលជាបន្ទាន់ ![តូបដែលបានសង់លើឆ្នេរអង្កោល។ រូបពី រដ្ឋបាលស្រុកដំណាក់ចង្អើរ](https://image.thmeythmey.com/pictures/2024/05/17/17520241521c.jpg)
តូបដែលបានសង់លើឆ្នេរអង្កោល។ រូបពី រដ្ឋបាលស្រុកដំណាក់ចង្អើរ
×![]()
រដ្ឋបាលស្រុកដំណាក់ចង្អើរ បានដាក់កំហិតឱ្យម្ចាស់តូបម្នាក់ ដែលសង់តូបពីរខ្នង រំលោភលើដីឆ្នេរអង្កាល រុះរើចេញជាបន្ទាន់ ឱ្យបានមុនថ្ងៃទី១៧ឧសភានេះ។ ក្នុងករណីមិនរុះរើ អាជ្ញាធរនឹងចុះរុះរើ ហើយមិនទទួលខុសត្រូវចំពោះការខូចខាតឡើយ។
លិខិតរបស់រដ្ឋបាលស្រុកដំណាក់ចង្អើរ ចុះថ្ងៃទី១៤ ខែឧសភា បញ្ជាក់ថា តូបឈើចំនួនពីរខ្នង ដែលសង់ព្រមជាមួយនឹងថ្ម១ប្រវែង៤៥ម៉ែត្រ ជាសំណង់រំលោភលើដីឆ្នេរ អង្កោល ស្រុកដំណាក់ចង្អើរ ខេត្តកែប។
ក្រៅពី ដាក់កំហិតទៅម្ចាស់តូបនោះឱ្យរើសំណង់ខឿនថ្ម ដែលរៀបរួច និងតូបឈើចំនួន២ហើយនោះ រដ្ឋបាលស្រុកដំណាក់ចង្អើរ ក៏បានបញ្ជាក់ឱ្យ បញ្ឈប់ការសាងសង់ខឿនថ្ម និងសំណង់ផ្សេងទៀត ដែលគ្មានច្បាប់អនុញ្ញាតនៅលើឆ្នេរតទៅទៀត។ ចំណាត់ការនេះ ដើម្បីរៀបចំឆ្នេរអង្កោល ឱ្យក្លាយជាឆ្នេរសាធារណៈ ដែលមានសណ្តាប់ធ្នាប់ និងរបៀបរៀបរយ និងសន្តិសុខ សម្រាប់សាធារណជនដែលមកលេងកម្សាន្ត។ នេះបើតាមរដ្ឋបាលស្រុកដំណាក់ចង្អើរ៕
© រក្សាសិទ្ធិដោយ thmeythmey.com