នាអំឡុងពេលរីករាលដាលនៃជំងឺកូវីដ-១៩ Siem Reap Shuttle ស្ថិតនៅTop 10 ក្នុងចំណោមក្រុមហ៊ុន ផ្តល់សេវាកម្មទេសចរណ៍ជាង៥០០ក្រុមហ៊ុន នៅក្នុងខេត្តសៀមរាប។ បើតាមលោក ហ៊ួក សំបាត់ ប្រតិបត្តិករនៃ Siem Reap Shuttle ចំណាត់ថ្នាក់លេខ១នេះ គឺកើតចេញពីការសហការគ្នា និងការខិតខំប្រឹងប្រែងពីបណ្តាក្រុមការងារ ទាំងមគ្គទេសក៍ អ្នកបើកករ និងអ្នកទទួលសេវាកម្មភ្ញៀវ។ សេវាកម្មល្អ គឺការឆ្លើយតបទៅភ្ញៀវលឿនរហ័ស ស្វាគមន៍ដោយភាពកកក្តៅ ទោះស្ថិតក្នុងកាលៈទេសៈណាក៏ដោយ។ ការណ៍នេះ បានធ្វើឲ្យភ្ញៀវ ដែលមកទទួលសេវាកម្ម ពួកគេនឹងផ្តល់ជាមតិយោបល់ល្អៗ ដែលធ្វើឲ្យ Tripadvisor ផ្តល់ចំណាត់ថ្នាក់លេខ១។ 

 

Siem Reap Shuttle ផ្តល់ភាពងាយស្រួលសម្រាប់ភ្ញៀវដែលមានបំណងដើរកម្សាន្តតែម្នាក់ឯង និងជាក្រុម ជួយកាត់បន្ថយការចំណាយ និងពេលវេលា។ ក្រៅពីធ្វើដំណើរទស្សនាតាមប្រាសាទ និងតំបន់ទេសចរណ៍ ភ្ញៀវដែលជាវកញ្ចប់សេវាកម្ម Siem Reap Shuttle នឹងទទួលបានពិសោធថ្មីមួយទៀតគឺ ការបង្កើតចំណងមិត្តភាពពីសមាជិករួមដំណើរផ្សេងទៀត។ 

 

កញ្ចប់សេវាកម្មនីមួយៗ មានតម្លៃខុសគ្នា ទៅតាមទិសដៅទស្សនា ដូចជា កញ្ចប់សេវាកម្មទស្សនាថ្ងៃរះនៅប្រាសាទអង្គរវត្ត ការទស្សនាវង់តូច ការធ្វើដំណើរទៅកាន់ប្រាសាទបន្ទាយស្រី ដំណើរកម្សាន្តទៅកាន់ប្រាសាទកោះកេរ   និងបេងមាលា ទឹកធ្លាក់ភ្នំគូលែន កំពង់ភ្លុក ជាដើម។ កញ្ចប់សេវាកម្មនីមួយៗ បានរួមបញ្ចូលនូវទីតាំងចម្រុះផ្សេងទៀត ដោយបែងចែកតាមថ្នាក់តំបន់ផងដែរ៕