សង្គមអន្តរជាតិ
អន្តរជាតិ
×![]()
ដោយ: ថ្មីៗ
ប្រជាជនរាប់ពាន់នាក់នៅតាមតំបន់អាស៊ីដែលរួមមានប្រទេសថៃឥណ្ឌូនេស៊ីស្រីលង្កានិងឥណ្ឌាដែលបានទទួលរងនូវការវាយប្រហារដោយរលកយក្សស៊ូណាមីនៅថ្ងៃទី២៦ខែធ្នូឆ្នាំ២០០៤បានជួបជុំគ្នាដើម្បីធ្វើការរំលឹកនិងបួងសួងដល់វិញ្ញាណក្ខន្ធជនរងគ្រោះរាប់សែននាក់ដែលបានស្លាប់ដោយសារតែរលកយក្សស៊ូណាមី។ការធ្វើពិធីបួងសួងគឺជាខួបរលឹកខួបលើកទី១០ហើយដែលប្រជាជនតែងតែប្រារព្ធបើគិតចាប់ពីឆ្នាំ២០០៤មក។
នៅថ្ងៃទី២៦ធ្នូនេះប្រជាជនអាស៊ីរាប់ពាន់នាក់ដែលរស់នៅក្នុងតំបន់ដែលទទួលរងដោយការវាយប្រហារដោយរលកយក្សស៊ូណាមីបានធ្វើការជួបជុំគ្នាដើម្បីបួងសួងនិងរំលឹកខួបលើកទី១០នៃសោកនាដកម្មនៃប្រជាជនរាប់សែននាក់ដែលសម្លាប់ដោយសារតែរលកយក្សស៊ូណាមីនេះ។
ថ្ងៃទី២៦ធ្នូត្រូវបានចាត់ទុកជាថៃ្ងសោកនាដកម្មប្រវត្តិសាស្ត្ររបស់ប្រជាជនអាស៊ីដែលបានទទួលរងការវាយប្រហារពីរលកយក្សស៊ូណាមីដែលមានប្រភពមកពីមហាសមុទ្រឥណ្ឌា។សោកនាដកម្មនេះបានកើតឡើងនៅក្នុងថ្ងៃទី២៦ខែធ្នូឆ្នាំ២០០៤ដែលប្រទេសទទួលរងនូវឥទ្ធិពលធ្ងន់ធ្ងររួមមាន ថៃ ឥណ្ឌូនេស៊ី ស្រីលង្កា និងឥណ្ឌា។បើគិតមកដល់បច្ចុប្បន្នវាជាខួបលើកទី១០ហើយដែលប្រជាជនបានប្រារព្ធ។
ដោយឡែកសម្រាប់ចំនួនប្រជាជនដែលបានស្លាប់នៅក្នុងគ្រោះមហន្តរាយនេះរួមមានឥណ្ឌូនេស៊ីសរុប១៦៧៧៣៦នាក់ស្រីលង្កា៣៥៣២២នាក់ឥណ្ឌា១៨០៤៥នាក់និងថៃ ៨២១២នាក់ក្នុងនេះរាប់បញ្ចូលទាំងភ្ញៀវបរទេសដែលបានធ្វើដំណើរកម្សាន្តនៅក្នុងប្រទេសនេះផងដែរ៕
© រក្សាសិទ្ធិដោយ thmeythmey.com
