ជាតិ
នយោបាយជាតិ
ព្រះអង្គម្ចាស់រណឬទ្ធិ៖ លោក ញឹក ប៊ុនឆៃ នឹងក្លាយជាអនុប្រធានទី២របស់ហ៊្វុនស៊ិនប៉ិច រូបថត៖ ដោយ Tomato
× ព្រះអង្គម្ចាស់ នរោត្តម រណឬទ្ធិ បានធ្វើសន្និសីទកាសែតនៅព្រឹកថ្ងៃចន្ទទី៥មករានេះ ដើម្បីពន្យល់បកស្រាយអំពីការយាងនិវត្តរបស់ព្រះអង្គចូលទៅដឹកនាំគណបក្សហ៊្វុនស៊ិនប៉ិចវិញ ដែលព្រះអង្គបានយាងចាកចេញតាំងពីឆ្នាំ២០០៦ ដោយចោទប្រកាន់លោក ញឹក ប៊ុនឆៃ ដែលជាអគ្គលេខាធិការគណបក្ស ថាបានរៀបចំធ្វើ «បក្សប្រហារ» ទម្លាក់ព្រះអង្គ។
ប៉ុន្តែនៅក្នុងសន្និសីទកាសែតនៅក្នុងដំណាក់របស់ព្រះអង្គនៅថ្ងៃនេះ ព្រះអង្គបានបានប្រកាសប្រាប់អ្នកសារព័ត៌មានថា លោក ញឹក ប៊ុនឆៃ ដែលព្រះអង្គធ្លាប់តែពិរោធដាក់នោះ នឹងកាន់ដំណែងជាអនុប្រធានទី២នៃគណបក្សហ៊្វុនស៊ិនប៉ិចដែលព្រះអង្គនឹងដឹកនាំឡើងវិញនេះ។ ព្រះអង្គបានពន្យល់យ៉ាងដូច្នេះថា៖«ព្រះអង្គម្ចាស់ក្សត្រីអារុណ រស្មី គឺជាអនុប្រធានទី១ ចំណែកឯឯកឧត្តម ញឹក ប៊ុនឆៃ គឺជាអនុប្រធានទី២»។
បើតាមបន្ទូលព្រះអង្គម្ចាស់រណឬទ្ធិ រចនាសម្ព័ន្ធនេះ នឹងត្រូវអនុម័តនៅក្នុងសមាជរបស់គណបក្សហ៊្វុនស៊ិនប៉ិច ដែលត្រូវគ្រោងធ្វើនៅថ្ងៃទី១៩ខែមករានេះ៕
© រក្សាសិទ្ធិដោយ thmeythmey.com