លោក កឹម សុខា សាទរព្រះវត្តមានទ្រង់ រណឬទ្ធិ ចូលដឹកនាំគណបក្សហ្វ៊ុនស៊ិនប៉ិចជាថ្មី

ជាតិ

នយោបាយជាតិ

លោក កឹម សុខា សាទរព្រះវត្តមានទ្រង់ រណឬទ្ធិ ចូលដឹកនាំគណបក្សហ្វ៊ុនស៊ិនប៉ិចជាថ្មី

08, Jan 2015 , 11:53 am

រូបភាព

ដោយ: ធឿន បញ្ញាឬទិ្ធ

ថ្លែងនៅចំពោះមុខអ្នកកាសែតនៅព្រលានយន្ដហោះនាព្រឹកថ្ងៃព្រហស្បតិ៍នេះ អនុប្រធានគណបក្សសង្គ្រោះ លោក កឹម សុខា បានសាទរចំពោះការយាងចូលដឹកនាំគណបក្សហ្វ៊ុនស៊ិនប៉ិចវិញ របស់ព្រះអង្គម្ចាស់ នរោត្តម រណឬទ្ធិ។ លោកបន្ថែមថា វត្តមានទ្រង់ រណឬទ្ធិ ចូលដឹកនាំគណបក្សហ្វ៊ុនស៊ិនប៉ិចជាថ្មីនេះ គឺជារឿងល្អមួយក្នុងការជួបជុំរាជវង្ស និងដើម្បីជួយការពារតម្លៃសែរាជវង្សនៅកម្ពុជាផងដែរ។

លោក កឹម សុខាពន្យល់យ៉ាងដូច្នេះថា៖«ខ្ញុំអបអរសាទរព្រោះរាជវង្សបានជួបជុំគ្នាហើយដើម្បីការពារតម្លៃរាជវង្សនៅកម្ពុជា ។ សែរាជវង្ស ធ្វើយ៉ាងណាត្រូវតែចេះជួយបម្រើខ្មែរ បម្រើប្រជាពលរដ្ឋ។ ហើយមិនត្រូវរួបរួមគ្នានេះដើម្បីបម្រើអ្នកណាដែលធ្វើបាបប្រជាពលរដ្ឋខ្មែរទេ»។

លើសពីនេះទៀត លោកអនុប្រធានគណបក្សសង្គ្រោះជាតិរូបនេះ បានបញ្ជាក់ថា ការយាងចូលដឹកនាំគណបក្សហ្វ៊ុនស៊ិនប៉ិចវិញ របស់ព្រះអង្គម្ចាស់ នរោត្តម រណឬទ្ធិជាថ្មីនេះ រូបលោកមិនព្រួយបារម្ភពីការបាត់បង់សំឡេងឆ្នោតនោះទេ។ ពីព្រោះ ព្រះអង្គម្ចាស់ មិនអាចមានតម្លៃទាក់ទាញចិត្តអ្នកគាំទ្រគណបក្សសង្គ្រោះជាតិបានឡើយ។

សូមបញ្ជាក់ថា នៅថ្ងៃទី ១៩ មករា ខាងមុខនេះ គណបក្សរាជានិយម ហ្វ៊ុនស៊ិនប៉ិច នឹងធ្វើសមាជ ដើម្បីសម្រេចជ្រើសរើសព្រះអង្គម្ចាស់ នរោត្ត រណឬទ្ធិ ធ្វើជាប្រធានបក្ស និងជ្រើសរើសព្រះអង្គម្ចាស់ នរោត្តម អារុណរស្មី ជាអនុប្រធានទី ១ ព្រមទាំងលោក ញឹក ប៊ុនឆៃ ធ្វើជាអនុប្រធានទី ២ គណបក្ស ៕

តើពាក្យ «សម្ភារៈ, សម្ភារ» មួយណាត្រឹមត្រូវ?

1 សប្តាហ៍

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) ដែលបានធ្វើរឿងមួយនេះ?

5 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

4 ម៉ោង

តើអ្វីជាសតិ ហើយអ្វីជាសម្បជញ្ញៈ?

6 ថ្ងៃ

ជាអ្នករើសអេតចាយ លោក អ៊ីវ សុខន ជំរុញកូនប្រុសទាំងបីឱ្យខំរត់ដើម្បីអនាគតភ្លឺស្វាង

ជីវព័ត៌មាន 5 ថ្ងៃ

អត្ថបទពេញនិយមបន្ថែម