ជាតិ
សង្គមជាតិ
×![]()
ដោយ: ខន ចំប៉ា
អគ្គិសនីកម្ពុជា នឹងផ្អាកការផ្គត់ផ្គង់អគ្គិសនី នៅតំបន់ភ្លើងមួយចំនួន រយៈពេល៤ថ្ងៃ ទៅតាមពេលវេលានិងទីកន្លែងមួយចំនួន ក្នុងរាជធានីភ្នំពេញ ដើម្បីសម្រួលដល់ការអនុវត្តការងារជួសជុលផ្លាស់ប្តូរ តម្លើងបរិក្ខារ រុះរើគន្លងខ្សែបណ្តាញ និងដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ។ ការផ្អាកការផ្គត់ផ្គង់អគ្គិសនី ចាប់ផ្តើមពីថ្ងៃទី១២ដល់ថ្ងៃទី១៥ខែកុម្ភៈ។ នេះបើយោងតាមសេចក្តីជូនដំណឹងរបស់អគ្គិសនីកម្ពុជា។
សេចក្តីជូនដំណឹង បានឲ្យដឹងថា ចាប់ពីម៉ោង៩ព្រឹករហូតដល់ម៉ោង៤រសៀល ថ្ងៃទី១២ខែកុម្ភៈនេះ អគ្គិសនីម្ពុជានឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខ P៦១៦ P៤២៦ P២៤២ និងP១០០២ ស្ថិតនៅភូមិច្រេះ សង្កាត់ភ្នំពេញថ្មី ខណ្ឌសែនសុខ។
សេចក្តីជូនដំណឹងដដែល បន្តថា ចាប់ពីម៉ោង៩ព្រឹករហូតដល់ម៉ោង៤រសៀល នៅថ្ងៃទី១៣ខែកុម្ភៈ នឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខ OP០០៩ ស្ថិតនៅតាមបណ្តោយផ្លូវលំ ក្នុងសង្កាត់បឹងទំពន់ ខណ្ឌមានជ័យ រាជធានីភ្នំពេញ។
«ថ្ងៃទី១៤ខែកុម្ភៈ ចាប់ពីម៉ោង៩ព្រឹករហូតដល់ម៉ោង៤រសៀល ផ្អាកការផ្គត់ផ្គង់អគ្គិសនី នៅតាមតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ៦A ក្នុងសង្កាត់ព្រែកលាប ខណ្ឌជ្រោយចង្វារ និងតំបន់ភ្លើងលេខ ប.ត៤១៧ P១០៨៨ ស្ថិតនៅតាមបណ្តោយផ្លូវជាតិលេខ៤៣០ក្នុងសង្កាត់ទួលទំពូង២ ខណ្ឌចំការមន ភូមិសន្សំកុសល ក្នុងសង្កាត់បឹងទំពន់ ខណ្ឌមានជ័យ។
ចំណែកនៅថ្ងៃទី១៥កុម្ភៈ ចាប់ពីម៉ោង៩ព្រឹករហូតដល់ម៉ោង៥ល្ងាច នឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខ D០១ ស្ថិតនៅតាមបណ្តោយផ្លូវសុរាម្រិត ក្នុងសង្កាត់បឹងរាំង ខណ្ឌដូនពេញ។ តំបន់ភ្លើងលេខ ប.ត៧២៨ប.ត៧២៨A ស្ថិតនៅតាមបណ្តោយផ្លូវលំ ក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ។ តំបន់ភ្លើងលេខ ប.ត៨៧៨ P១០៨ ស្ថិតនៅភូមិលូ ភូមិឡកំបោ ក្នុងសង្កាត់ស្វាយប៉ាក ខណ្ឌឫស្សីកែវ និងតំបន់ភ្លើងលេខប.ត៩៥២ ស្ថិតនៅក្នុងសង្កាត់ទន្លេបាសាក់ ខណ្ឌចំការមន» ។ នេះបើតាមសេចក្តីជូនដំណឹងដដែល៕
© រក្សាសិទ្ធិដោយ thmeythmey.com
