ជាតិ
សង្គមជាតិ
ស្ត្រីម្នាក់ និងពលករ១៧នាក់ត្រូវបានជួយសង្គ្រោះពីចិន និងឥណ្ឌូនេស៊ី ![](https://image.thmeythmey.com/pictures/2015/02/18/______________________________________________________________________________2_.jpg)
×![]()
ស្ត្រីខ្មែរម្នាក់មានដើមកំណើតពីខេត្តត្បូងឃ្មុំ ហើយដែលបានចាញ់បោកមេខ្យល់ដែលបានបោកបញ្ឆោតនាងយកទៅរៀបការជាមួយបុរសចិន បានមកដល់ប្រទេសកម្ពុជាវិញហើយនៅរសៀលថ្ងៃទី១៨កុម្ភៈ។ អ្នកនាំពាក្យក្រសួងការបរទេសកម្ពុជា លោក កុយ គួង បានបញ្ជាក់ប្រាប់អ្នកសារព័ត៌មានថា ស្ថានអគ្គកុងស៊ុលកម្ពុជាប្រចាំខេត្តក្វាងចូវប្រទេសចិន គឺជាអ្នកជួយអន្តរាគមន៍ជួយសង្គ្រោះស្ត្រីខ្មែររងគ្រោះ ដែលបានរៀបការជាមួបុរសចិននៃខេត្តជាំងស៊ី។
នៅក្នុងហេតុការណ៍ដាច់ដោយឡែកមួយទៀត បើយោងតាមការបញ្ជាក់របស់មន្ត្រីជាន់ខ្ពស់ក្រសួងការបរទេសខ្មែរដដែល ស្ថានទូតកម្ពុជាប្រចាំប្រទេសឥណ្ឌូនេស៊ី បានសហការជាមួយអាជ្ញាធរនៃប្រទេសឥណ្ឌូនេស៊ី ហើយបានជួយសង្គ្រោះពលករខ្មែរចំនួន១៧នាក់ពីលើទូកនេសាទថៃ ដែលឆ្លងចូលនេសាទខុសច្បាប់ក្នុងដែនសមុទ្រនៃប្រទេសឥណ្ឌូនេស៊ី។
មន្ត្រីដដែលបន្តប្រាប់ថា រហូតមកដល់ពេលនេះពលករទាំង១៧នាក់នោះ កំពុងស្នាក់នៅប្រទេសឥណ្ឌូនេស៊ី ដើម្បីរង់ចាំធ្វើមាតុភូមិនិវត្តន៍មកកម្ពុជាវិញ នាពេលឆាប់ៗខាងមុខនេះ៕
© រក្សាសិទ្ធិដោយ thmeythmey.com