ជាតិ
នយោបាយជាតិ
×![]()
ភ្នំពេញ៖ បន្ទាប់ពីប្រកាសផ្ទេរតំណែង និងប្រគល់ត្រាតែងតាំងជាប្រធានសាលាដំបូងរាជធានី ភ្នំពេញភ្លាមនោះ នៅរសៀលថ្ងៃទី១៨កុម្ភៈ នេះ លោក តាំង ស៊ុនឡាយ ដែលជាប្រធាន តុលាការថ្មី បន្ទាប់ពី លោក អាំង មាលតី ដែលត្រូវដកទៅបំរើការងារក្នុងក្រសួងយុត្តិធម៌នោះ បានថ្លែងអំណរគុណដល់ព្រះមហាក្សត្រ និងរាជរដ្ឋាភិបាលកម្ពុជា ដែលបានផ្តល់ទំនុកចិត្តមក លើរូបលោក។
លោក តាំង ស៊ុនឡាយ បានឡើងថ្លែងប្តេជ្ញាចិត្តចំនួន ៩ចំណុច ដើម្បីតម្លាភាពក្នុងការអនុវត្តន៍ ក្នុងប្រព័ន្ធតុលាការកម្ពុជា ក្នុងនោះរួមមាន គោរពតាមរដ្ឋធម្មនុញ្ញដែលជាច្បាប់កំពូលរបស់ ជាតិ ច្បាប់បញ្ញត្តិទាំងឡាយ មិនលុះនូវអគតិទាំង ៤បួនយ៉ាង ជាដើម។ លោកអះអាងបញ្ជាក់ថា លោកនឹង៖«ធ្វើឲ្យកាន់តែប្រសើរឡើងនូវសេវាយុត្តិធម៌ ប្រកបដោយ ប្រសិទ្ធភាព និងឆាប់រហ័ស ជៀសវាងនូវការផ្តល់យុត្តិធម៌យឺតយ៉ាវ»។
សំឡេងបេ្តជ្ញាចិត្តរបស់លោក តាំង ស៊ុនឡាយ
ជាមួយគ្នានេះដែរ ថ្លែងក្នុងពិធីផ្ទេរ និងផ្លាស់ប្តូរមុខតំណែងប្រធានសាលាដំបូង នៅរសៀល ថ្ងៃទី១៨នេះដែរ រដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា បានប្រាប់ឲ្យប្រធានសាលាដំបូងរាជធានីភ្នំពេញថ្មី ចៅក្រម ព្រះរាជអាជ្ញា ព្រះរាជអាជ្ញារង ក្រឡាបញ្ជី និងមន្ត្រីតុលាការទាំងអស់ ត្រូវប្រកាន់ខ្ជាប់នូវសតិសម្បជញ្ញៈ មនសិការ និងឧត្តមគតិខ្ពស់ក្នុងការប្រកបវិជ្ជាជីវៈ។ លោកបញ្ជាក់ថា៖«ចៅក្រម ព្រះរាជអាជ្ញា ជាអ្នកផ្តល់សេវាយុត្តិធម៌ និងជាអ្នកស្វែងរក យុត្តិធម៌ប្រកបដោយតម្លាភាព សមភាព ស្របតាមច្បាប់ជូនប្រជាពលរដ្ឋ គឺធ្វើយ៉ាងណាឲ្យ វិស័យយុត្តាធិការ (តុលាការ) មានភាពល្អប្រសើរ និងមានភាពទុកចិត្តពីប្រជាពលរដ្ឋរបស់ យើង»។
ដោយឡែក លោក អាំង មាលតី វិញ ក្រៅតែពីថ្លែងរបាយការណ៍អនុវត្តន៍អស់រយៈជិត ១ ឆ្នាំ ក្នុងនាមជាប្រធានតុលាការរាជធានីនោះ បន្ទាប់ពីត្រូវបានប្រកាសដកមុខតំណែងភ្លាម លោកហាក់មិនសប្បាយចិត្ត ដោយលោកមិនបាននិយាយអ្វីទាំងអស់ប្រាប់អ្នកសារព័ត៌មាន សូម្បីតែនៅចូលរួមក្នុងពិធីជប់លៀងអបអរសាទរ ក៏លោកមិននៅផង។
គួរបញ្ជាក់ថា ការផ្លាស់ប្តូរមុខតំណែងប្រធានសាលាដំបូងរាជធានី ដែលឡាយព្រះហត្ថលេខា ដោយព្រះមហាក្សត្រ ក្នុងព្រះបរមនាមព្រះអង្គជាប្រធានឧត្តមក្រុមប្រឹក្សានៃអង្គចៅក្រមនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ចេញមុខថ្លែងជាសាធារណៈជាលើកដំបូង នៅក្នុងពិធីចែកសញ្ញាបត្រ នៅថ្ងៃទី១៧ ម្សិលមិញនេះ ជុំវិញសំណុំរឿងឃាតកម្ម លើឧញ៉ា អ៊ឹង ម៉េងជឺ។ លោកនាយករដ្ឋមន្ត្រីបានស្នើឲ្យក្រុមប្រឹក្សាឧត្តមក្រុមប្រឹក្សានៃអង្គចៅក្រុម ធ្វើអធិការកិច្ចលើដីកាបង្គាប់ឲ្យដោះលែងឪពុកម្តាយ លោក ថោង សារ៉ាត់ នៅក្រៅឃុំបណ្តោះ អាសន្នរបស់ចៅក្រមសាលាដំបូងរាជធានីភ្នំពេញ ក្រោមហេតុផលថា ពិរុទ្ធជនមានបញ្ហាសុខភាព។
គួររម្លឹកផងដែរថា លោក អាំង មាលតី ជាអតីតប្រធានសាលាដំបូងខេត្តបន្ទាយមានជ័យ ហើយលោកត្រូវបានផ្ទេរ និងតែងតាំងជាប្រធានសាលាដំបូងរាជធានីភ្នំពេញ កាលពីថ្ងៃទី២១ ខែមេសា ឆ្នាំ២០១៤កន្លងមកនេះ។ លោកត្រូវបានផ្លាស់ប្តូរមុខតំណែងចេញវិញ នៅថ្ងៃទី១៨នេះ ជំនួសដោយ លោក លោក តាំង ស៊ុនឡាយ ដែលជាអនុប្រធានសាលាដំបូងរាជធានីភ្នំពេញ៕
លោក តាំង ស៊ុនឡាយ បានឡើងថ្លែងប្តេជ្ញាចិត្តចំនួន ៩ចំណុច ដើម្បីតម្លាភាពក្នុងការអនុវត្តន៍ ក្នុងប្រព័ន្ធតុលាការកម្ពុជា ក្នុងនោះរួមមាន គោរពតាមរដ្ឋធម្មនុញ្ញដែលជាច្បាប់កំពូលរបស់ ជាតិ ច្បាប់បញ្ញត្តិទាំងឡាយ មិនលុះនូវអគតិទាំង ៤បួនយ៉ាង ជាដើម។ លោកអះអាងបញ្ជាក់ថា លោកនឹង៖«ធ្វើឲ្យកាន់តែប្រសើរឡើងនូវសេវាយុត្តិធម៌ ប្រកបដោយ ប្រសិទ្ធភាព និងឆាប់រហ័ស ជៀសវាងនូវការផ្តល់យុត្តិធម៌យឺតយ៉ាវ»។
សំឡេងបេ្តជ្ញាចិត្តរបស់លោក តាំង ស៊ុនឡាយ
ជាមួយគ្នានេះដែរ ថ្លែងក្នុងពិធីផ្ទេរ និងផ្លាស់ប្តូរមុខតំណែងប្រធានសាលាដំបូង នៅរសៀល ថ្ងៃទី១៨នេះដែរ រដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា បានប្រាប់ឲ្យប្រធានសាលាដំបូងរាជធានីភ្នំពេញថ្មី ចៅក្រម ព្រះរាជអាជ្ញា ព្រះរាជអាជ្ញារង ក្រឡាបញ្ជី និងមន្ត្រីតុលាការទាំងអស់ ត្រូវប្រកាន់ខ្ជាប់នូវសតិសម្បជញ្ញៈ មនសិការ និងឧត្តមគតិខ្ពស់ក្នុងការប្រកបវិជ្ជាជីវៈ។ លោកបញ្ជាក់ថា៖«ចៅក្រម ព្រះរាជអាជ្ញា ជាអ្នកផ្តល់សេវាយុត្តិធម៌ និងជាអ្នកស្វែងរក យុត្តិធម៌ប្រកបដោយតម្លាភាព សមភាព ស្របតាមច្បាប់ជូនប្រជាពលរដ្ឋ គឺធ្វើយ៉ាងណាឲ្យ វិស័យយុត្តាធិការ (តុលាការ) មានភាពល្អប្រសើរ និងមានភាពទុកចិត្តពីប្រជាពលរដ្ឋរបស់ យើង»។
ដោយឡែក លោក អាំង មាលតី វិញ ក្រៅតែពីថ្លែងរបាយការណ៍អនុវត្តន៍អស់រយៈជិត ១ ឆ្នាំ ក្នុងនាមជាប្រធានតុលាការរាជធានីនោះ បន្ទាប់ពីត្រូវបានប្រកាសដកមុខតំណែងភ្លាម លោកហាក់មិនសប្បាយចិត្ត ដោយលោកមិនបាននិយាយអ្វីទាំងអស់ប្រាប់អ្នកសារព័ត៌មាន សូម្បីតែនៅចូលរួមក្នុងពិធីជប់លៀងអបអរសាទរ ក៏លោកមិននៅផង។
គួរបញ្ជាក់ថា ការផ្លាស់ប្តូរមុខតំណែងប្រធានសាលាដំបូងរាជធានី ដែលឡាយព្រះហត្ថលេខា ដោយព្រះមហាក្សត្រ ក្នុងព្រះបរមនាមព្រះអង្គជាប្រធានឧត្តមក្រុមប្រឹក្សានៃអង្គចៅក្រមនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ចេញមុខថ្លែងជាសាធារណៈជាលើកដំបូង នៅក្នុងពិធីចែកសញ្ញាបត្រ នៅថ្ងៃទី១៧ ម្សិលមិញនេះ ជុំវិញសំណុំរឿងឃាតកម្ម លើឧញ៉ា អ៊ឹង ម៉េងជឺ។ លោកនាយករដ្ឋមន្ត្រីបានស្នើឲ្យក្រុមប្រឹក្សាឧត្តមក្រុមប្រឹក្សានៃអង្គចៅក្រុម ធ្វើអធិការកិច្ចលើដីកាបង្គាប់ឲ្យដោះលែងឪពុកម្តាយ លោក ថោង សារ៉ាត់ នៅក្រៅឃុំបណ្តោះ អាសន្នរបស់ចៅក្រមសាលាដំបូងរាជធានីភ្នំពេញ ក្រោមហេតុផលថា ពិរុទ្ធជនមានបញ្ហាសុខភាព។
គួររម្លឹកផងដែរថា លោក អាំង មាលតី ជាអតីតប្រធានសាលាដំបូងខេត្តបន្ទាយមានជ័យ ហើយលោកត្រូវបានផ្ទេរ និងតែងតាំងជាប្រធានសាលាដំបូងរាជធានីភ្នំពេញ កាលពីថ្ងៃទី២១ ខែមេសា ឆ្នាំ២០១៤កន្លងមកនេះ។ លោកត្រូវបានផ្លាស់ប្តូរមុខតំណែងចេញវិញ នៅថ្ងៃទី១៨នេះ ជំនួសដោយ លោក លោក តាំង ស៊ុនឡាយ ដែលជាអនុប្រធានសាលាដំបូងរាជធានីភ្នំពេញ៕
© រក្សាសិទ្ធិដោយ thmeythmey.com
