ជាតិ
នយោបាយអន្តរជាតិ
×![]()
ដោយ: ថ្មីៗ
ដេប៉ាតឺម៉ង់សិក្សាអន្តរជាតិ(DIS)នៃវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ នឹងរៀបចំព្រឹត្តិការណ៍មួយ ដែលមានឈ្មោះថា បុណ្យអាស៊ាន(ASEAN) នៅក្នុងថ្ងៃទី១៤ខែមិនាខាងមុខនេះ។ ពិធីបុណ្យនេះ រៀបចំឡើងក្នុងគោលបំណងដាស់តឿន បង្ហាញ និងលើកកម្ពស់វប្បធម៌ ព្រមទាំងចែករលែកចំណេះដឹង អំពីប្រទេសដែលជាសមាជិកអាស៊ាន។
បុណ្យអាស៊ាន(ASEAN) គឺជាពិធីបុណ្យដែលនឹងរៀបចំឡើង លើកដំបូងបង្អស់នៅក្នុងប្រទេសកម្ពុជា។ បុណ្យនេះ នឹងចាប់ផ្តើមប្រារព្ធធ្វើនៅ រយៈពេលពេញ១ថ្ងៃ នាថ្ងៃទី១៤ខែមិនាខាងមុខនេះ នៅសាកលវិទ្យាល័យភូមិន្ទភ្នំពេញ។
បើតាមសេចក្តីប្រកាសរបស់ដេប៉ាតឺម៉ង់សិក្សាអន្តរជាតិ(DIS)នៃវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ ដែលជាអ្នកផ្តួចផ្តើមពិធីបុណ្យនេះ ពិធីបុណ្យអាស៊ាននេះរៀបចំក្នុងគោលបំណងដាស់តឿន ចែករលែកចំណេះដឹងទូទៅ អំពីប្រទេសដែលជាសមាជិកអាស៊ាន ជាពិសេសវប្បធម៌របស់ប្រទេសអាស៊ានទាំង១០ទៅកាន់យុវជនកម្ពុជា។នៅក្នុងពិធីបុណ្យនេះ ដេប៉ាតីម៉ង់សិក្សាអន្តរជាតិ(DIS)រំពឹងថា នឹងមានយុវជនចូលរួមប្រមាណជា៣ពាន់នាក់។
ជាមួយគ្នានោះដែរ ពិធីបុណ្យនេះ ក៏មានបញ្ចូលនូវទស្សនីយភាពសិល្បៈ និងការកំសាន្តនានាផងដែរ រួមមានការតាំងពិព័ណ៍ អំពីភូមិវប្បធម៌អាស៊ាន(ASEAN) ដែលអនុញាតឲ្យអ្នកចូលរួមដើរពី "ភូមិ" នៃប្រទេសមួយ ទៅ "ភូមិ" នៃប្រទេសមួយទៀតដើម្បីសិក្សាឈ្វេងយល់ពីប្រទេសនីមួយៗរបស់អាស៊ាន ការដាក់បង្ហាញម្ហូបអាហារបែបប្រពៃណីរបស់ប្រទេសជាសមាជិកអាស៊ាន ស្តង់សម្រាប់ថតរូបអនុស្សាវរីយ៍ ការលេងល្បែងប្រជាប្រិយ និងសកម្មភាពកំសាន្តមួយចំនួនទៀត ជាពិសេសគឺការសម្តែងទស្សនីយភាពវប្បធម៌អាស៊ាន។
គួរបញ្ជាក់ថា សមាហរណកម្មអាស៊ានលើសហគមន៍សេដ្ឋកិច្ចនឹងត្រូវអនុវត្តនៅថ្ងៃទី៣១ ខែធ្នូឆ្នាំ២០១៥ខាងមុខ ហើយគេសង្ឃឹមថា កម្មវិធីបុណ្យអាស៊ាននេះ នឹងអាចជាការដាស់តឿនដល់ស្មារតីរបស់យុវជនកម្ពុជាឲ្យត្រៀមខ្លួនក្នុងការប្រកួតប្រជែងនៅក្នុងសមាហរណកម្មដែលនឹងមកដល់ក្នុងពេលឆាប់ៗនេះ៕
បុណ្យអាស៊ាន(ASEAN) គឺជាពិធីបុណ្យដែលនឹងរៀបចំឡើង លើកដំបូងបង្អស់នៅក្នុងប្រទេសកម្ពុជា។ បុណ្យនេះ នឹងចាប់ផ្តើមប្រារព្ធធ្វើនៅ រយៈពេលពេញ១ថ្ងៃ នាថ្ងៃទី១៤ខែមិនាខាងមុខនេះ នៅសាកលវិទ្យាល័យភូមិន្ទភ្នំពេញ។
បើតាមសេចក្តីប្រកាសរបស់ដេប៉ាតឺម៉ង់សិក្សាអន្តរជាតិ(DIS)នៃវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ ដែលជាអ្នកផ្តួចផ្តើមពិធីបុណ្យនេះ ពិធីបុណ្យអាស៊ាននេះរៀបចំក្នុងគោលបំណងដាស់តឿន ចែករលែកចំណេះដឹងទូទៅ អំពីប្រទេសដែលជាសមាជិកអាស៊ាន ជាពិសេសវប្បធម៌របស់ប្រទេសអាស៊ានទាំង១០ទៅកាន់យុវជនកម្ពុជា។នៅក្នុងពិធីបុណ្យនេះ ដេប៉ាតីម៉ង់សិក្សាអន្តរជាតិ(DIS)រំពឹងថា នឹងមានយុវជនចូលរួមប្រមាណជា៣ពាន់នាក់។
ជាមួយគ្នានោះដែរ ពិធីបុណ្យនេះ ក៏មានបញ្ចូលនូវទស្សនីយភាពសិល្បៈ និងការកំសាន្តនានាផងដែរ រួមមានការតាំងពិព័ណ៍ អំពីភូមិវប្បធម៌អាស៊ាន(ASEAN) ដែលអនុញាតឲ្យអ្នកចូលរួមដើរពី "ភូមិ" នៃប្រទេសមួយ ទៅ "ភូមិ" នៃប្រទេសមួយទៀតដើម្បីសិក្សាឈ្វេងយល់ពីប្រទេសនីមួយៗរបស់អាស៊ាន ការដាក់បង្ហាញម្ហូបអាហារបែបប្រពៃណីរបស់ប្រទេសជាសមាជិកអាស៊ាន ស្តង់សម្រាប់ថតរូបអនុស្សាវរីយ៍ ការលេងល្បែងប្រជាប្រិយ និងសកម្មភាពកំសាន្តមួយចំនួនទៀត ជាពិសេសគឺការសម្តែងទស្សនីយភាពវប្បធម៌អាស៊ាន។
គួរបញ្ជាក់ថា សមាហរណកម្មអាស៊ានលើសហគមន៍សេដ្ឋកិច្ចនឹងត្រូវអនុវត្តនៅថ្ងៃទី៣១ ខែធ្នូឆ្នាំ២០១៥ខាងមុខ ហើយគេសង្ឃឹមថា កម្មវិធីបុណ្យអាស៊ាននេះ នឹងអាចជាការដាស់តឿនដល់ស្មារតីរបស់យុវជនកម្ពុជាឲ្យត្រៀមខ្លួនក្នុងការប្រកួតប្រជែងនៅក្នុងសមាហរណកម្មដែលនឹងមកដល់ក្នុងពេលឆាប់ៗនេះ៕
© រក្សាសិទ្ធិដោយ thmeythmey.com
