ជាតិ
TI ស្នើក្រុមការងារបក្សជាប់ឆ្នោតផ្សព្វផ្សាយឲ្យទូលំទូលាយនូវសេចក្តីស្នើច្បាប់បោះឆ្នោត និង គ.ជ.ប
×![]()
ដោយ: ខន ចំប៉ា
អង្គការតម្លាភាពកម្ពុជា ហៅកាត់ថា TI បានសរសេរលិខិតចំហរមួយ ទៅកាន់លោក ប៊ិន ឈិន និងលោក គួយ ប៊ុន រឿន សហប្រធានក្រុមការងារកំណែទម្រង់ច្បាប់បោះឆ្នោត ដោយស្នើឲ្យក្រុមការងារកំណែទម្រង់ច្បាប់បោះឆ្នោតផ្សព្វផ្សាយជាសាធារណៈ នូវសេចក្តីស្នើច្បាប់ស្តីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្តីស្នើច្បាប់ស្តីពីវិសោធនកម្ម ស្តីពីការបោះឆ្នោតជ្រើសតាំងតំណាងរាស្ត្រ ។ 
លិខិតចំហរ ចុះហត្ថលេខាដោយ លោក ព្រាប កុល នាយកប្រតិបត្តិអង្គការតម្លាភាពកម្ពុជា នៅថ្ងៃទី ៤មិនានេះ ការផ្សព្វផ្សាយជាសាធារណៈ នូវសេចក្តីស្នើច្បាប់ទាំងពីនេះ នៅមុនរៀបចំសិក្ខាសាលា គឺដើម្បីធានាឲ្យមានតម្លាភាពក្នុងដំណើរការប្រជាធិបតេយ្យ និងជួយជំរុញឲ្យមានការចូលរួមផ្តល់អនុសាសន៍ប្រកបដោយអត្ថន័យ ប្រសិទ្ធភាព និងដំណើរការពិភាក្សាដែលមានលក្ខណៈទូលំទូលាយ បង្កលក្ខណៈឲ្យមានការចូលរួមពីគ្រប់ភាគី។
បើតាមលិខិតដដែល អង្គការតម្លាភាពកម្ពុជា ក៏បានស្វាគមន៍ដល់ការបញ្ចប់កិច្ចពិភាក្សាកែសម្រួលខ្លឹមសារលើសេចក្តីស្នើច្បាប់បោះឆ្នោត ព្រមទាំងគាំទ្រដល់គំនិងផ្តួចផ្តើម របស់គណបក្សទាំង២ ស្តីពីការធ្វើសិក្ខាសាលាពិគ្រោះយោបល់ជាមួយសង្គមស៊ីវិល នៅថ្ងៃទី៩មិនាខាងមុខផងដែរ។
ក្រុមការងារវិសោធនកម្មច្បាប់បោះឆ្នោត នឹងរៀបចំសិក្ខាសាលាមួយស្តីពីសេចក្តីស្នើច្បាប់ និងប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្តីស្នើច្បាប់ស្តីពីការបោះឆ្នោតជ្រើសតាំងតំណាងរាស្ត្រ នៅព្រឹកថ្ងៃទី៩ខែមិនា នាវិមានរដ្ឋសភា ដោយមានការចូលរួមពីថ្នាក់ដឹកនាំគណបក្សប្រជាជនកម្ពុជា និងគណបក្សសង្គ្រោះជាតិ៕
លិខិតចំហរ ចុះហត្ថលេខាដោយ លោក ព្រាប កុល នាយកប្រតិបត្តិអង្គការតម្លាភាពកម្ពុជា នៅថ្ងៃទី ៤មិនានេះ ការផ្សព្វផ្សាយជាសាធារណៈ នូវសេចក្តីស្នើច្បាប់ទាំងពីនេះ នៅមុនរៀបចំសិក្ខាសាលា គឺដើម្បីធានាឲ្យមានតម្លាភាពក្នុងដំណើរការប្រជាធិបតេយ្យ និងជួយជំរុញឲ្យមានការចូលរួមផ្តល់អនុសាសន៍ប្រកបដោយអត្ថន័យ ប្រសិទ្ធភាព និងដំណើរការពិភាក្សាដែលមានលក្ខណៈទូលំទូលាយ បង្កលក្ខណៈឲ្យមានការចូលរួមពីគ្រប់ភាគី។
បើតាមលិខិតដដែល អង្គការតម្លាភាពកម្ពុជា ក៏បានស្វាគមន៍ដល់ការបញ្ចប់កិច្ចពិភាក្សាកែសម្រួលខ្លឹមសារលើសេចក្តីស្នើច្បាប់បោះឆ្នោត ព្រមទាំងគាំទ្រដល់គំនិងផ្តួចផ្តើម របស់គណបក្សទាំង២ ស្តីពីការធ្វើសិក្ខាសាលាពិគ្រោះយោបល់ជាមួយសង្គមស៊ីវិល នៅថ្ងៃទី៩មិនាខាងមុខផងដែរ។
ក្រុមការងារវិសោធនកម្មច្បាប់បោះឆ្នោត នឹងរៀបចំសិក្ខាសាលាមួយស្តីពីសេចក្តីស្នើច្បាប់ និងប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្តីស្នើច្បាប់ស្តីពីការបោះឆ្នោតជ្រើសតាំងតំណាងរាស្ត្រ នៅព្រឹកថ្ងៃទី៩ខែមិនា នាវិមានរដ្ឋសភា ដោយមានការចូលរួមពីថ្នាក់ដឹកនាំគណបក្សប្រជាជនកម្ពុជា និងគណបក្សសង្គ្រោះជាតិ៕
© រក្សាសិទ្ធិដោយ thmeythmey.com
