ជាតិ
មន្ត្រីក្រសួងព័ត៌មាន អង្គការ និងអ្នកកាសែត ពិភាក្សាពីច្បាប់ស្តីពីសិទ្ធិទទួលបានព័ត៌មាន
×![]()
ដោយ: ថ្មីៗ
ខណៈពេលអ្នកសារព័ត៌មានកំពុងប្រឈមនឹងបញ្ហាជាច្រើននៅពេលដែលច្បាប់ស្តីពីសិទ្ធិទទួលបានព័ត៌មានមិនទាន់មាន។ ក្លឹបអ្នកកាសែតកម្ពុជា (ក.អ.ក) គ្រោងនឹងរៀបចំវេទិកាពិភាក្សាតុមូលក្រោមប្រធានបទ «ច្បាប់ស្តីពីសិទ្ធិទទួលបានព័ត៌មាន ដំណើរការតាក់តែងសេចក្តីព្រាងច្បាប់ និងបញ្ហាប្រឈមនានា» ខណៈពេលដែលច្បាប់នេះកំពុងស្ថិតក្នុងការពិភាក្សានិងពង្រាងនៅក្រសួងព័ត៌មាន។ នេះបើតាមសេចក្តីជួនដំណឹងរបស់ក្លឹបអ្នកកាសែតកម្ពុជានៅថ្ងៃទី១២មីនានេះ។
វេទិកាពិភាក្សាតុមូលដែលនឹងប្រព្រឹត្តទៅនៅថ្ងៃទី១៦មីនាខាងមុខនេះ គឺដើម្បីឲ្យច្បាប់ស្តីពីសិទ្ធិទទួលបានព័ត៌មានកាន់តែមានតម្លាភាព ប្រសិទ្ធភាព និងមានអត្តប្រយោជន៍សម្រាប់បម្រើសាធារណជន ជាពិសេសអ្នកសារព័ត៌មាន។វេទិកាដែលនឹងចាប់ផ្តើមនៅម៉ោង៨និង៣០នាទីព្រឹក នៅសណ្ឋាគារសាន់វ៉េនេះ មានវាគ្មិនសំខាន់ៗមកពីក្រសួងព័ត៌មាន អង្គការសង្គមស៊ីវិល អង្គការសិទ្ធិមនុស្ស និងអ្នកសារព័ត៌មាននឹងបង្ហាញពីដំណើរការនៃការតាក់តែងច្បាប់ និងបញ្ចេញយោបល់ផ្សេងៗទាក់ទិននឹងច្បាប់ស្តីពីសិទ្ធិទទួលបានព័ត៌មាននេះ។
វេទិកាពិភាក្សាតុមូលដែលនឹងប្រព្រឹត្តទៅនៅថ្ងៃទី១៦មីនាខាងមុខនេះ គឺដើម្បីឲ្យច្បាប់ស្តីពីសិទ្ធិទទួលបានព័ត៌មានកាន់តែមានតម្លាភាព ប្រសិទ្ធភាព និងមានអត្តប្រយោជន៍សម្រាប់បម្រើសាធារណជន ជាពិសេសអ្នកសារព័ត៌មាន។វេទិកាដែលនឹងចាប់ផ្តើមនៅម៉ោង៨និង៣០នាទីព្រឹក នៅសណ្ឋាគារសាន់វ៉េនេះ មានវាគ្មិនសំខាន់ៗមកពីក្រសួងព័ត៌មាន អង្គការសង្គមស៊ីវិល អង្គការសិទ្ធិមនុស្ស និងអ្នកសារព័ត៌មាននឹងបង្ហាញពីដំណើរការនៃការតាក់តែងច្បាប់ និងបញ្ចេញយោបល់ផ្សេងៗទាក់ទិននឹងច្បាប់ស្តីពីសិទ្ធិទទួលបានព័ត៌មាននេះ។
© រក្សាសិទ្ធិដោយ thmeythmey.com
