ជាតិ
អាជ្ញាធរគ្រោងចំណាយ១លានដុល្លារ កែលម្អរមណីយដ្ឋានប្រវត្ដិសាស្ដ្រវត្ដភ្នំប៉ែកខាងកើត
×![]()
ដោយ: ថ្មីៗ
ភ្នំពេញ៖ អាជ្ញាធរសាលារាជធានីភ្នំពេញនឹងជួសជុលកែលម្អរមណីយដ្ឋានប្រវត្តិសាស្ត្រវត្តភ្នំដូនពេញនៅប៉ែកខាងកើតឡើងវិញ ដោយគ្រោងនឹងចំណាយថវិកាចំនួន១លានដុល្លារអាមេរិក។ នេះបើតាមការផ្សាយរបស់សារព័ត៌មានរដ្ឋ AKP ។
យោងតាមការរបស់ AKP នៅក្នុងកិច្ចប្រជុំជាមួយមន្ដ្រីជំនាញ នៅថ្ងៃទី១១ ម្សិលមិញនេះលោក ប៉ា សុជាតិវង្ស អភិបាលរាជធានីភ្នំពេញ បាននិយាយថា សាលារាជធានីបានកែលម្អ រមណីដ្ឋានប្រវត្តិសាស្ត្រវត្តភ្នំរួចកន្លងមក ប៉ុន្តែកត្តាអាយុកាល និងកត្តាធម្មជាតិក៏ដូចជាស្ថានភាពចរាចរឆ្លងកាត់តំបន់វត្តភ្នំធ្វើឱ្យមានរំញ័រខ្លាំងដល់តួភ្នំនោះ ទើបទាមទារឲ្យ មានការជួសជុល។
បើតាមប្រភពខាងលើ លោកអភិបាលរាជធានីបញ្ជាក់ថា៖«យើងធ្វើការជួសជុលរួចតែរយៈពេល២ទៅ៣ឆ្នាំប៉ុណ្ណោះ ប៉ុន្តែក្រោយមកតួភ្នំប៉ែកខាងកើតសំណង់ព្រះវិហារក៏ដូចជាថ្មកម្រាលដែលសាងសង់ពីថ្មបាយក្រៀមនោះមានលក្ខណៈទ្រុឌទ្រោមប្រេះស្រាំ និងខូចខាតជាច្រើនកន្លែងផងដែរ»។
រមណីយដ្ឋានវត្តភ្នំគឺជារមណីដ្ឋានប្រវត្តិសាស្ត្រជានិមិត្តរូបនៃការកកើតរាជធានីភ្នំពេញដែលចាំបាច់ត្រូវតែមានការជួសជុលកែលម្អឱ្យបានស្រស់ស្អាតនិងមានការអភិរក្សជាសម្បត្តិបេតិកភណ្ឌវប្បធម៌ជាតិដ៏មានតម្លៃ ។
អភិបាលរាជធានីបានអះអាងថា អាជ្ញាធរនឹងពិនិត្យបន្ថែមលើការសាងសង់ជារបងដែកមានក្បាច់ជាស្រទាប់ផ្កាឈូកមានកម្ពស់១ម៉ែត្រ២តឹកនិងការក្រាលកម្រាលឥដ្ឋការ៉ូឡា ធ្វើពីថ្មក្រានិត ឬថ្មបាយក្រៀមជុំវិញបរិវេណវត្តភ្នំ។
បើតាម AKP រមណីយដ្ឋានវត្តភ្នំត្រូវបានធ្វើការជួសជុលកែលម្អជាបន្តបន្ទាប់តាំងពីឆ្នាំ២០០០មកការជួសជុលកែលម្អរមណីយដ្ឋានវត្តភ្នំនេះរួមមានការជួសជុលជម្រាលភ្នំជញ្ជាំងខឿនប៉ែកខាងកើតការជួសជុលកែលម្អសួនដាំស្មៅការរៀបចំប្រព័ន្ធទឹកភ្លើង ប្រព័ន្ធលូ ជាដើម៕
យោងតាមការរបស់ AKP នៅក្នុងកិច្ចប្រជុំជាមួយមន្ដ្រីជំនាញ នៅថ្ងៃទី១១ ម្សិលមិញនេះលោក ប៉ា សុជាតិវង្ស អភិបាលរាជធានីភ្នំពេញ បាននិយាយថា សាលារាជធានីបានកែលម្អ រមណីដ្ឋានប្រវត្តិសាស្ត្រវត្តភ្នំរួចកន្លងមក ប៉ុន្តែកត្តាអាយុកាល និងកត្តាធម្មជាតិក៏ដូចជាស្ថានភាពចរាចរឆ្លងកាត់តំបន់វត្តភ្នំធ្វើឱ្យមានរំញ័រខ្លាំងដល់តួភ្នំនោះ ទើបទាមទារឲ្យ មានការជួសជុល។
បើតាមប្រភពខាងលើ លោកអភិបាលរាជធានីបញ្ជាក់ថា៖«យើងធ្វើការជួសជុលរួចតែរយៈពេល២ទៅ៣ឆ្នាំប៉ុណ្ណោះ ប៉ុន្តែក្រោយមកតួភ្នំប៉ែកខាងកើតសំណង់ព្រះវិហារក៏ដូចជាថ្មកម្រាលដែលសាងសង់ពីថ្មបាយក្រៀមនោះមានលក្ខណៈទ្រុឌទ្រោមប្រេះស្រាំ និងខូចខាតជាច្រើនកន្លែងផងដែរ»។
រមណីយដ្ឋានវត្តភ្នំគឺជារមណីដ្ឋានប្រវត្តិសាស្ត្រជានិមិត្តរូបនៃការកកើតរាជធានីភ្នំពេញដែលចាំបាច់ត្រូវតែមានការជួសជុលកែលម្អឱ្យបានស្រស់ស្អាតនិងមានការអភិរក្សជាសម្បត្តិបេតិកភណ្ឌវប្បធម៌ជាតិដ៏មានតម្លៃ ។
អភិបាលរាជធានីបានអះអាងថា អាជ្ញាធរនឹងពិនិត្យបន្ថែមលើការសាងសង់ជារបងដែកមានក្បាច់ជាស្រទាប់ផ្កាឈូកមានកម្ពស់១ម៉ែត្រ២តឹកនិងការក្រាលកម្រាលឥដ្ឋការ៉ូឡា ធ្វើពីថ្មក្រានិត ឬថ្មបាយក្រៀមជុំវិញបរិវេណវត្តភ្នំ។
បើតាម AKP រមណីយដ្ឋានវត្តភ្នំត្រូវបានធ្វើការជួសជុលកែលម្អជាបន្តបន្ទាប់តាំងពីឆ្នាំ២០០០មកការជួសជុលកែលម្អរមណីយដ្ឋានវត្តភ្នំនេះរួមមានការជួសជុលជម្រាលភ្នំជញ្ជាំងខឿនប៉ែកខាងកើតការជួសជុលកែលម្អសួនដាំស្មៅការរៀបចំប្រព័ន្ធទឹកភ្លើង ប្រព័ន្ធលូ ជាដើម៕
© រក្សាសិទ្ធិដោយ thmeythmey.com
