ជាតិ
មនុស្ស៣នាក់ស្លាប់១៧នាក់របួសក្នុងគ្រោះថ្នាក់ចរាចរណ៍ម្សិលមិញ
×
មនុស្សចំនួន៣នាក់ និង១៧នាក់បានរងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១១លើកនៅទូទាំងប្រទេស កាលពីថ្ងៃទី១៨ខែមីនា។ នេះបើយោងតាមការចុះផ្សាយនៅក្នុងគេហទំព័រអគ្គស្នងការនគរបាលជាតិ។
បើតាមប្រភពដដែល គ្រោះថ្នាក់ចរាចរណ៍ទាំង១១លើកនោះ បានបណ្តាលឲ្យខូចខាតយានយន្តចំនួន១៦គ្រឿង ក្នុងនោះមានម៉ូតូចំនួន១២គ្រឿង រថយន្តធុនតូច៣គ្រឿង និងយានយន្តផ្សេង១គ្រឿង។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន២លើក ប្រជែងគ្រោះថ្នាក់៤លើក មិនប្រកាន់ស្តាំង១លើក ស្រវឹង២លើក បត់គ្រោះថ្នាក់១លើក ធ្លាក់ពីលើរថយន្ត១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១៦នាក់៕
© រក្សាសិទ្ធិដោយ thmeythmey.com