ជាតិ
មនុស្ស១២នាក់ស្លាប់ និងរបួសនៅក្នុងគ្រោះថ្នាក់ចរាចរណ៍ម្សិលមិញ
×
យ៉ាងហោចណាស់មនុស្សចំនួន៤នាក់បានស្លាប់ និង៨នាក់ផ្សេងទៀតបានរងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៦លើកនៅទូទាំងប្រទេស កាលពីថ្ងៃទី២៣ខែមីនា។ នេះបើយោងតាមការចុះផ្សាយនៅក្នុងគេហទំព័ររបស់អគ្គស្នងការនគរបាលជាតិ។
ប្រភពដដែល បានឲ្យដឹងទៀតថា នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងទាំង៦លើកនោះ បានបណ្តាលឲ្យខូចខាតយានយន្តចំនួន១០គ្រឿង ក្នុងនោះម៉ូតូចំនួន៧គ្រឿង រថយន្តធុនតូច១គ្រឿង រថយន្តធុនធំ១គ្រឿង និងយានយន្តផ្សេង១គ្រឿង។
បើតាមគេហទំព័រអគ្គស្នងការនគរបាលជាតិ មូលហេតុដែលបណ្តាលឲ្យកើតមានគ្រោះថ្នាក់ចរាចរណ៍ គឺបណ្តាលមកបើកបរហួសល្បឿន២លើក មិនគោរពសិទ្ធ១លើក ប្រជែងគ្រោះថ្នាក់១លើក កត្តាយានយន្ត១លើក សត្វគោឆ្លងផ្លូវ១លើក ក្នុងនោះ អ្នកជិះម៉ូតូមិនពាក់មួកសុវត្ថិភាពចំនួន៧នាក់៕
© រក្សាសិទ្ធិដោយ thmeythmey.com