អត្តពលិក៥នាក់បានអាហារូបករណ៍អូឡាំពិកសម្រាប់ព្រឹត្តិការណ៍នៅទីក្រុង Rio ឆ្នាំ២០១៦

កីឡាជាតិ

អត្តពលិក៥នាក់បានអាហារូបករណ៍អូឡាំពិកសម្រាប់ព្រឹត្តិការណ៍នៅទីក្រុង Rio ឆ្នាំ២០១៦

24, Mar 2015 , 1:25 pm

រូបភាព

ពីឆ្វេងទៅស្តាំ៖ លោក Ken Gadaffi, ចូវ សុធារ៉ា, ហែមថុន វិទិនី, ងួន មករា, លោក វ៉ាត់ ចំរើន, ស៊ន សៀវម៉ី និងស៊ន ដាវីន។ រូប NOCC

ដោយ: រួបរួម

ម្ចាស់មេដាយមាសកីឡាអាស៊ី ស៊ន សៀវម៉ី និង ស៊ន ដាវីន ដែលជាបងស្ថិតក្នុងចំណោមអត្តពលិក៤នាក់ដែលទទួលបានអាហារូបករណ៍សម្រាប់ការហ្វឹកហាត់ត្រៀមប្រកួតជម្រុះក្នុងដំណើរទៅកាន់ព្រឹត្តិការណ៍កីឡាអូឡាំពិកឆ្នាំ២០១៦ នៅក្នុងទីក្រុង Rio ប្រទេសប្រេស៊ីល។ ក្រៅពីកីឡាការិនីតេក្វាន់ដូឆ្នើមទាំង៣រូបនេះ មានអត្តពលិកចំបាប់ពីររូបគឺ កីឡាការិនី ចូវ សុធារ៉ា និងកីឡាករ ងួន មករា រួមជាមួយកីឡាការិនីហែលទឹក ហែមថុន វិទិនី។

ពិធីប្រគល់លិខិតបញ្ជាក់លើការផ្តល់អាហារូបករណ៍ដល់អត្តពលិកទាំង៥រូប ត្រូវបានរៀបចំឡើងនាពិធីបិទកម្មវិធីតម្លៃ និងអប់រំអូឡាំពិកឆ្នាំ២០១៥ (2015 OVEP Training of Trainers Program) ក្រោមអធិបតីភាពលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) នៅទីស្នាក់ការ NOCC ផ្ទាល់កាលពីព្រឹកមិញ។

យោងតាមទំព័រហ្វេសប៊ុកផ្លូវការរបស់ NOCC អាហារូបករណ៍នេះ ទទួលបាននូវការគាំទ្រពី Olympic Solidarity ក្នុងការជួយសម្រួលដល់អត្តពលិកកម្ពុជាក្នុងការត្រៀមលក្ខណៈប្រកួតជម្រុះអូឡាំពិកឆ្នាំ២០១៦ ដូចជាការហ្វឹកហាត់ សម្ភារ និងថវិកា សម្រាប់រយៈពេលពីខែមករា ឆ្នាំ២០១៥ ដល់ខែសីហា ឆ្នាំ២០១៦ ៕
.

បុណ្យវិសាខបូជា ត្រូវបានប្រារព្ធឡើងដើម្បីអ្វី?

2 ថ្ងៃ

«ហ៊ីង» មានតម្លៃ២ម៉ឺនរៀលក្នុងមួយគីឡូក្រាម នៅផ្សារសាមគ្គីខេត្តស្ទឹងត្រែង

4 ថ្ងៃ

«ប្រទានកម្ម»មានន័យដូចម្តេច?

5 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

6 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

7 ថ្ងៃ

អត្ថបទពេញនិយមបន្ថែម