កីឡាអន្តរជាតិ
អន្តរជាតិ
Jordan Henderson បន្តកុងត្រាឲ្យLiverpool ក្នុងតម្លៃពលកម្មថ្មី ១សែន៥មឺុនដុល្លារក្នុង១សប្តាហ៍
× ខ្សែរបម្រើរបស់ហង្សក្រហម Liverpool កីឡាករ Jordan Henderson បានយល់ព្រមចុះហត្ថលេខារយៈពេល៥ឆ្នាំទៀតក្នុងតម្លៃពលកម្មថ្មីប្រមាណ១សែនផោន ស្មើរនឹង ១សែន ៥មឺុនដុល្លារអាមេរិកក្នុង១សប្តាហ៍។
អតីតកីឡាកររបស់ឆ្មាខ្មៅSunderland ដែលចូលរួមជាមួយ Liverpool កាលពីឆ្នាំ២០១១ ក្នុងតម្លៃផ្ទេរប្រហែល២០លានផោន ស្មើរនឹង៣០លានដុល្លារអាមេរិកនេះ នឹងត្រូវចុះហត្ថលេខាលើកិច្ចសន្យាថ្មីក្នុងសប្តាហ៍នេះ។ ហើយសម្រាប់កុងត្រាចាស់របស់គេក៏ត្រូវបញ្ចប់នៅចុងរដូវកាលនេះផងដែរ។
កីឡាករអន្តរជាតិរបស់អង់គ្លេសវ័យ២៤ឆ្នាំរូបនេះ បានបង្ហាញខ្លួន៥៥ប្រកួត និងរកគ្រាប់បាល់ឲ្យហង្សក្រហមជំនួន៧គ្រាប់នៅរដូវកាលនេះ។ ហើយ Henderson ក៏ទំនងជាទទួលតំណែងជាប្រធានក្រុមរបស់Liverpoolដែរ បន្ទាប់ពីកីឡាករ Steven Gerrard ចាកចេញពី Anfield នៅរដូវកាលក្រោយដើម្បីទៅចូលរួមជាមួយក្រុម LA Galaxy ក្នុងក្រមខណ្ឌ Major League របស់អាមេរិក។
© រក្សាសិទ្ធិដោយ thmeythmey.com