អន្តរជាតិ
នយោបាយអន្តរជាតិ
អូស្ត្រាលីដកអគ្គរាជទូតពីឥណ្ឌូនេស៊ីក្រោយការប្រហារជីវិតជនជាតិអូស្ត្រាលីពីរនាក់ ![](https://image.thmeythmey.com/pictures/2015/04/29/2942015103502australia.jpg)
×![]()
ដោយខឹងសម្បារនឹងរដ្ឋាភិបាលក្រុងហ្សាកាតា លោក តូនីអាបូត នាយករដ្ឋមន្ត្រីអូស្ត្រាលីបានប្រកាសដកឯកអគ្គរាជទូតរបស់ខ្លួនពីក្រុងហ្សាកាតា។ ការសម្រេចដកមន្ត្រីទូតនេះកើតឡើងប៉ុន្មានម៉ោងប៉ុណ្ណោះក្រោយឥណ្ឌូនេស៊ីប្រហារជីវិតជនជាតិអូស្ត្រាលីដែលជួញដូរគ្រឿងញៀន២នាក់កាលពីយប់ម្សិលមិញ។ ទំនាក់ទំនងរវាងប្រទេសទាំងពីរកាន់តែធ្លាក់ចុះខ្លាំងមិនធ្លាប់មានពីមុនមកឡើយ ហើយគេមិនរំពឹងថាការផ្សះផ្សាគ្នាកើតឡើងឆាប់នោះទេ។
ចុងក្រោយរដ្ឋាភិបាលឥណ្ឌូនេស៊ីបានប្រហារជិវិតអ្នកទោសប្រាំបីនាក់ក្នុងចំណោមប្រាំបួនដែលត្រូវបានចោទប្រកាន់ពីបទជួញដូរគ្រឿងញៀនខុសច្បាប់។ការប្រហារជិវិតនេះគឺបង្ហាញពីការអនុវត្តច្បាប់កំពូលដ៏តឹងរឹងទោះឥណ្ឌូនេស៊ីទទួលរងនូវការព្រមានលើចំណងការទូតពីរដ្ឋាភិបាលរបស់អ្នកទោសនិងអង្គការសហប្រជាជាតិក៏ដោយ។
យ៉ាងណាក៏ដោយចំណាត់ការឥតងាករេរបស់លោក ប្រធានាធិបតី ចូកូវីដូដូ ប្រឆាំងអ្នកជួញដូរគ្រឿងញៀនធ្វើអោយអូស្ត្រាលីខឹងសម្បារជាខ្លាំង ដ្បិតក្នុងចំណោមអ្នកទោសទាំងនោះមានពីរនាក់ជាជនជាតិអូស្ត្រាលី។ អូស្ត្រាលីខឹងខ្លាំងរហូតដល់ហ៊ានប្រកាសដកឯកអគ្គរាជទូតរបស់ខ្លួនលោក Paul Grigson នេះដោយការសម្រេចចិត្តនេះជាគំនិតរបស់នាយករដ្ឋមន្ត្រីអូស្ត្រាលីតូនី អាបូត និងរដ្ឋមន្ត្រីការបរទេស Julie Bishop។
គេមើលឃើញថា ការប្រហារជីវិតអ្នកទោសដោយរដ្ឋាភិបាលឥណ្ឌូនេស៊ីនេះធ្វើអោយទំនាក់ទំនងការទូតដែលកំពុងផុយស្រួយស្រាប់នោះកាន់តែធ្លាក់ចុះ។ ហើយអ្វីដែលគេមើលឃើញថាជាកំហុសឆ្គងនោះគឺ ការសម្រេចដកមន្ត្រីទូតមកប្រទេសវិញដែលសម្រេចដោយអូស្ត្រាលីនេះ។ បញ្ហសំខាន់ត្រង់ថា តើឯកអគ្គរាជទូតម្នាក់នោះនឹងត្រូវបញ្ជូនទៅឥណ្ឌូនេស៊ីនៅពេលណាវិញ ហើយការផ្សះផ្សានិងបន្ថយកម្តៅផ្នែកការទូតនេះនឹងធ្វើឡើងដោយរបៀបណា។
គួរបញ្ជាក់បន្តិចថា នៅពាក់កណ្តាលអាធ្រាតឆ្លងចូលថ្ងៃពុធនេះអាជ្ញាធរឥណ្ឌូនេស៊ីបានប្រហារជិវិតអ្នកទោសទាំងប្រាំបីនាក់ក្នុងចំណោមអ្នកទោសទាំងប្រាំបួននាក់ដោយបាញ់នឹងកាំភ្លើង។សម្រាប់ការប្រហារជីវិតអ្នកទោសស្ត្រីហ្វីលីពីនត្រូវបានពន្យារដោយសារមានការស្នើរពីលោកប្រធានាធិបតីហ្វីលីពីន។ការពន្យារពេលប្រហារជិវិតនេះផងដែរដោយសាររដ្ឋាភិបាលហ្វីលីពីនបានរកឃើញថាស្ត្រីដែលអ្នកទោសរត់ពន្ធគ្រឿងញៀននៅក្នុងឥណ្ឌូនេស៊ីបានចូលខ្លួននៅក្នុងប៉ុស៌្តប៉ូលីសហ្វីលីពីនមុនពេលនៃការកាត់ទោស។ដូច្នេះតុលាការនឹងផ្តល់ឳកាសដល់ពលរដ្ឋហ្វីលីពីនម្តងទៀតដើម្បីបញ្ហាពីបញ្ហានេះ។
ការប្រហារជិវិតដែលត្រូវបានអនុវត្តទៅលើអ្នកទោសទាំងប្រាំបីនាក់នោះ គឺប្រហារជីវិតតាម ទំនៀមទំលាប់របស់ឥណ្ឌូនេស៊ី ពោលគឺនៅក្នុងអំឡុងពេលពាក់កណ្តាលអាធ្រាតនៅក្នុងគុកBesiលើកោះ Nusakambangan។អ្នកទោសទាំងប្រាំបីនាក់ដែលត្រូវបានប្រហារជីវិតនោះរួមមានពលរដ្ឋអូស្ត្រាលីនីហេស្សារីយ៉ាប្រេហ្ស៊ីលនិងឥណ្ឌូនេស៊ី។
គួរបញ្ជាក់ផងដែរ ក្នុងរយៈពេលប៉ុន្មានឆ្នាំចុងក្រោយនេះ រដ្ឋាភិបាលឥណ្ឌូនេស៊ី បានផ្អាក ការកាត់ទោសបែបនេះ។ ក៏ប៉ុន្តែ ចាប់ពីឆ្នាំ២០១៣ មកអាត្រានៃការកាត់ទោសប្រហារជិវិតទណ្ឌិត ដែលបានប្រព្រឹត្តបទល្មើសជួញដូរគ្រឿងញៀន បានកើនឡើងជាថ្មីម្តងទៀត ជាពិសេសនោះ គិតចាប់តាំងពីការឡើងកាន់តំណែង របស់លោកប្រធានាធិបតី ចូកូ វីដូដូ៕
© រក្សាសិទ្ធិដោយ thmeythmey.com