អន្តរជាតិ
នយោបាយអន្តរជាតិ
ក្បួនដង្ហែរបង្រួបបង្តួមកូរ៉េទាំងពីរឆ្លងកាត់ដែនដីកូរ៉េទាំងពីរដោយជោគជ័យ
×![]()
ដោយ: ថ្មីៗ
ក្រុមបណ្ដាញស្ត្រីអន្តរជាតិដែលមានសមាជិក៣០នាក់ដឹកនាំដោយលោកស្រី Gloria Steinemបានឆ្លងកាត់ខ្សែបន្ទាត់ព្រំដែនដែលខ័ណ្ឌចែកកូរ៉េទាំងពីរ កាលពីម្សិលមិញនេះ។សកម្មភាពនេះធ្វើឡើងក្នុងគោលបំណងទាមទារអោយកួរ៉េទាំងពីររួបរួមគ្នាឡើងវិញ បន្ទាប់ពីមានប្រទេសទាំងពីរបន្តឈ្លោះ និងប្រឈមមុខដាក់គ្នាដោយអាវុធអស់រយៈពេលជិត ៧០ឆ្នាំមកនោះ។
នៅព្រឹកថ្ងៃអាទិត្យម្សិលមិញ ក្រុមបណ្ដាញស្ត្រីទាមទារសន្តិភាពដែលហៅកាត់ថា (WomenCrossDMZ) បានផ្ដើមចេញពីកូរ៉េខាងជើងដោយឆ្លងកាត់តំបន់គ្មានយោធាដែលខ័ណ្ឌចែកកូរ៉េជាពីរអស់រយៈពេលជិត៧០ឆ្នាំមកហើយនោះ។ សកម្មភាពនេះបង្កើតឡើងក្នុងទិសដៅអំពាវនាវអោយកូរ៉េខាងជើង និងកូរ៉េខាងត្បូងមានការរួបរួមគ្នាឡើងវិញ និងបញ្ចប់ជម្លោះ។ក្នុងសកម្មភាពក្បួនដង្ហែនោះគេឃើញមានវត្តមានរបស់លោកស្រី Mairead Maguire និងលោកស្រីLeymahGboweeដែលជាអ្នកដែលបានទទួលពានរង្វាន់ណូបែលសន្តិភាពផងដែរ។
គេសង្កេតឃើញថា ក្រុមស្ត្រីដែលបានចូលរួមក្នុងសកម្មភាពនេះមានតួនាទីចម្បងក្នុងការជួយជំរុញឲ្យមានការផ្សះផ្សាជាតិរវាងកូរ៉េទាំងពីរដែលជាបងប្អូនគ្នា។ ស្ត្រីម្នាក់ដែលចូលរួមក្នុងសកម្មភាពនេះប្រាប់អោយដឹងថាស្ត្រីមានតួនាទីយ៉ាងសំខាន់ក្នុងកាកសាងប្រទេសជាតិអោយមានសន្តិភាព ជាពិសេសក្នុងការជួយជំរុញឲ្យមានការរួបរួមគ្នាវិញបន្ទាប់ពី កូរ៉េទាំងពីរបែកបាក់គ្នាដោយសារសង្គ្រាមកន្លងទៅ។ ពួកគេចង់អោយមានការប្រែក្លាយសន្ធិសញ្ញាសន្តិភាពឆ្នាំ១៩៥៣អោយទៅជាសន្ធិសញ្ញាបង្កើតសន្តិភាពពិតប្រាកដជូនដល់ប្រជាជាតិកូរ៉េទាំងពីរ។
គួរបញ្ជាក់ថាគំនិតរៀបចំក្បួនដង្ហែរនេះផ្តួចផ្តើមនិងដឹកនាំដោយលោកស្រី Gloria Steinem។ ចំណែកក្បួនដង្ហែរនេះអាចប្រព្រឹត្តិទៅបានយ៉ាងជោគជ័យ គឺដោយសារមានការអនុញ្ញាត និងចូលរួមពីសំណាក់រដ្ឋាភិបាលកូរ៉េទាំងពីរ ព្រោះវាជាសកម្មភាពមួយក្នុងការជំរុញឲ្យប្រទេសកូរ៉េខាងជើង និងកូរ៉េខាងត្បួងបញ្ឈប់ការប្រឈមមុខដាក់គ្នា។ ផ្ទុយទៅវិញពួកគេទាំងពីរ អាចងាកមករកការបង្រួបបង្រួមគ្នាដោយសន្តិភាពវិញ៕
នៅព្រឹកថ្ងៃអាទិត្យម្សិលមិញ ក្រុមបណ្ដាញស្ត្រីទាមទារសន្តិភាពដែលហៅកាត់ថា (WomenCrossDMZ) បានផ្ដើមចេញពីកូរ៉េខាងជើងដោយឆ្លងកាត់តំបន់គ្មានយោធាដែលខ័ណ្ឌចែកកូរ៉េជាពីរអស់រយៈពេលជិត៧០ឆ្នាំមកហើយនោះ។ សកម្មភាពនេះបង្កើតឡើងក្នុងទិសដៅអំពាវនាវអោយកូរ៉េខាងជើង និងកូរ៉េខាងត្បូងមានការរួបរួមគ្នាឡើងវិញ និងបញ្ចប់ជម្លោះ។ក្នុងសកម្មភាពក្បួនដង្ហែនោះគេឃើញមានវត្តមានរបស់លោកស្រី Mairead Maguire និងលោកស្រីLeymahGboweeដែលជាអ្នកដែលបានទទួលពានរង្វាន់ណូបែលសន្តិភាពផងដែរ។
គេសង្កេតឃើញថា ក្រុមស្ត្រីដែលបានចូលរួមក្នុងសកម្មភាពនេះមានតួនាទីចម្បងក្នុងការជួយជំរុញឲ្យមានការផ្សះផ្សាជាតិរវាងកូរ៉េទាំងពីរដែលជាបងប្អូនគ្នា។ ស្ត្រីម្នាក់ដែលចូលរួមក្នុងសកម្មភាពនេះប្រាប់អោយដឹងថាស្ត្រីមានតួនាទីយ៉ាងសំខាន់ក្នុងកាកសាងប្រទេសជាតិអោយមានសន្តិភាព ជាពិសេសក្នុងការជួយជំរុញឲ្យមានការរួបរួមគ្នាវិញបន្ទាប់ពី កូរ៉េទាំងពីរបែកបាក់គ្នាដោយសារសង្គ្រាមកន្លងទៅ។ ពួកគេចង់អោយមានការប្រែក្លាយសន្ធិសញ្ញាសន្តិភាពឆ្នាំ១៩៥៣អោយទៅជាសន្ធិសញ្ញាបង្កើតសន្តិភាពពិតប្រាកដជូនដល់ប្រជាជាតិកូរ៉េទាំងពីរ។
គួរបញ្ជាក់ថាគំនិតរៀបចំក្បួនដង្ហែរនេះផ្តួចផ្តើមនិងដឹកនាំដោយលោកស្រី Gloria Steinem។ ចំណែកក្បួនដង្ហែរនេះអាចប្រព្រឹត្តិទៅបានយ៉ាងជោគជ័យ គឺដោយសារមានការអនុញ្ញាត និងចូលរួមពីសំណាក់រដ្ឋាភិបាលកូរ៉េទាំងពីរ ព្រោះវាជាសកម្មភាពមួយក្នុងការជំរុញឲ្យប្រទេសកូរ៉េខាងជើង និងកូរ៉េខាងត្បួងបញ្ឈប់ការប្រឈមមុខដាក់គ្នា។ ផ្ទុយទៅវិញពួកគេទាំងពីរ អាចងាកមករកការបង្រួបបង្រួមគ្នាដោយសន្តិភាពវិញ៕
© រក្សាសិទ្ធិដោយ thmeythmey.com
