កីឡាជាតិ
ជាតិ
×![]()
កីឡាវាយកូនឃ្លីលើតុ គុនដាវ ទូកប្រពៃណី ទ្រីយ៉ាត្លុង យូដូ កាយសម្ព័ន្ធ បាល់ឱប វូស៊ូ និងទូកកានូកម្ពុជា បានបញ្ចប់យុទ្ធនាការរបស់ខ្លួនហើយក្នុងព្រឹត្តិការណ៍កីឡាស៊ីហ្គេមលើកទី២៨នៅប្រទេសសឹង្ហបុរី។ សម្រាប់កីឡាទាំងនេះ កម្ពុជាមិនទទួលបានលទ្ធផលល្អដែលគួរឲ្យកត់សម្គាល់នោះឡើយ។ ក្រៅពីជ័យជម្នះ ៣ប្រកួតលើកីឡាវាយកូនឃ្លីលើតុ កីឡាករ-កីឡាការិនីភាគច្រើន បានហាលអាវនៅវគ្គជម្រុះ ហើយលទ្ធផលភាគច្រើន កម្ពុជាបញ្ចប់ចំណាត់ថ្នាក់ចុងក្រោយគេ។
វាយកូនឃ្លីលើតុ៖
-វិញ្ញាសាវាយគូបុរស៖ កម្ពុជាមាន២ក្រុម ដោយក្រុមទីមួយ លឹម សុខឡុង និងណៃ សារ៉ាវៃ ឈ្នះក្រុមមីយ៉ាន់ម៉ា ៣-១ នៅវគ្គ១/៨ផ្តាច់ព្រ័ត្រ តែចាញ់ក្រុមវៀតណាម ៣-០ នៅវគ្គ១/៤ផ្តាច់ព្រ័ត្រ។ ចំណែកក្រុមទីពីរ សឹង តុលា និង អឿង ស្រ៊ូយហួរ ចាញ់ក្រុម ថៃ ៣-០ នៅវគ្គ១/៨ផ្តាច់ព្រ័ត្រ។
- វិញ្ញាសាវាយឯកត្តជន៖ កម្ពុជាមានកីឡាករ២នាក់ចូលរួម។ ណៃ សារ៉ាវៃ ស្ថិតនៅចំណាត់ថ្នាក់លេខបីពូល B ដោយចាញ់សឹង្ហបុរី ៣-០ ចាញ់ម៉ាឡេស៊ី ៣-០ តែឈ្នះឡាវ ៣-១ ។ លឹម សុខឡុងស្ថិតនៅលេខ៤ ពូល D ដោយចាញ់សឹង្ហបុរី ៣-០ ចាញ់ឥណ្ឌូនេស៊ី ៣-១ ចាញ់ថៃ ៣-០ តែឈ្នះមីយ៉ាន់ម៉ា ៣-១ ។
-វិញ្ញាសាវាយជាក្រុម ដោយមានកីឡាករ៥នាក់ (លឹម សុខឡុង, ណៃ សារ៉ាវៃ, អ៊ឹង ស្រ៊ួយហួរ, សារៈ ស៊ូព្រីង, សឹង តុលា)។ កម្ពុជាស្ថិតនៅបាតតារាង ពូល B ដោយចាញ់វៀតណាម ៣-០ ចាញ់ថៃ ៣-០ ចាញ់ហ្វីលីពីន ៣-១ និងចាញ់ ឥណ្ឌូនេស៊ី ៣-០ ។
គុនដាវ៖
-វិញ្ញាសា Men’s Individual Epée៖ ឃឹម សាមាន ជាប់លេខ១៤ក្នុងចំណោម១៨នាក់ត្រូវឈានទៅវគ្គ១/៨ ហើយក្រោយមក គេប្រកួតចាញ់កីឡាករម៉ាឡេស៊ី ១៥-៥ ។ ដោយឡែក ថុង តាំងជីន ធ្លាក់នៅវគ្គជម្រុះដោយបញ្ចប់ក្នុងចំណាត់ថ្នាក់លេខ១៧ក្នុងចំណោម១៨នាក់។
-វិញ្ញាសា Men’s Individual Foil៖ ហង់ ជេដ្ឋា និងជីម ធារ៉ា ហាលអាវនៅវគ្គជម្រុះដោយស្ថិតនៅចំណាត់ថ្នាក់លេខ១៥ និងលេខ១៦ក្នុងចំណោមកីឡាករ១៦នាក់។
-វិញ្ញាសា Men’s Team Epée៖ កម្ពុជាចាញ់សឹង្ហបុរី ៤៥-១៩ នៅវគ្គ១/៤ផ្តាច់ព្រ័ត្រ។
-វិញ្ញាសា Men’s Team Foil៖ កម្ពុជាចាញ់សឹង្ហបុរី ៤៥-១២ នៅវគ្គ១/៤ផ្តាច់ព្រ័ត្រ។
ទូកប្រពៃណី (Traditional Boat Race)៖
កម្ពុជាបានចូលរួមប្រកួតប្រជែង៤វិញ្ញាសានៃកីឡាប្រណាំងទូកប្រពីណីនៅបឹង Marina Bay លើវិញ្ញាសាចម្ងាយ២០០ម៉ែត្រ ចំណុះ៦នាក់ ចម្ងាយ២០០ម៉ែត្រចំណុះ១២នាក់ ចម្ងាយ៥០០ម៉ែត្រចំណុះ៦នាក់ និងចម្ងាយ៥០០ម៉ែត្រចំណុះ១២នាក់។ លើវិញ្ញាសាទាំង៤ កម្ពុជាស្ថិតនៅចំណាត់ថ្នាក់ចុងគេទាំងអស់ក្នុងចំណោមក្រុមចូលរួមសរុបចំនួន៦ ។
ទ្រីយ៉ាត្លុង (ហែលទឹក ជិះកង់ និងរត់ប្រណាំង)៖
កម្ពុជាចូលរួមប្រកួតលើកដំបូងក្នុងព្រឹត្តិការណ៍កីឡាស៊ីហ្គេម ដោយមានកីឡាករ២រូប។ ក្នុងការប្រកួតវិញ្ញាសាឯកត្តជនដែលមានអត្តពលិក១២នាក់ចូលរួមនោះ កីឡាករ នាង ពេជ្រពិសិដ្ឋ បញ្ចប់ក្នុងចំណាត់ថ្នាក់លេខ៩ ខណៈ ចេង ចាន់តារ៉ា ស្ថិតនៅលេខ១២ ។ មេដាយមាសបានលើកីឡាករហ្វីលីពីន មេដាយប្រាក់បានលើកីឡាករម៉ាឡេស៊ី និងសំរឹទ្ធ បានលើកីឡាករសឹង្ហបុរី។
យូដូ៖
កម្ពុជាមាន៤វិញ្ញាសា ហើយសុទ្ធតែបានធ្លាក់នៅវគ្គ១/៤ផ្តាច់ព្រ័ត្រ។ ស៊ន់ បញ្ញាវឌ្ឍន៍ ចាញ់កីឡាករវៀតណាមក្នុងវិញ្ញាសាបុរសទម្ងន់ក្រោម៦៦គីឡូក្រាម គឹម សារុំ ចាញ់កីឡាករឥណ្ឌូនេស៊ី ក្នុងទម្ងន់៦៦-៧៣គីឡូក្រាម ប្រាក់ ពិភព ចាញ់កីឡាករមីយ៉ាន់ម៉ា ក្នុងទម្ងន់៧៣-៨១គីឡូក្រាម និង កីឡាការិនី ហេង លីលី ចាញ់កីឡាការិនីវៀតណាម ក្នុងទម្ងន់ក្រោម៥២គីឡូក្រាម។
កាយសម្ព័ន្ធ៖
កីឡាករ សំ រីម គឺជាអត្តពលិកតែម្នាក់គត់របស់កម្ពុជា។ ក្នុងចំណោមអត្តពលិកចំនួន៣៥នាក់ សំ រីម បញ្ចប់ក្នុងចំណាត់ថ្នាក់ចុងក្រោយគេនាការប្រកួតនៅ Bishan Sports Hall។
បាល់ឱប (Rugby 7s)៖
កីឡាបាល់ឱបកម្ពុជា មានសមាជិក១០នាក់ចូលរួមប្រកួតនៅកីឡដ្ឋាន Choa Chu Kang Stadium។ នៅវគ្គជម្រុះ កម្ពុជា ចាញ់សឹង្ហបុរី ៣៦-០ ចាញ់ហ្វីលីពីន៥៥-០ ចាញ់ម៉ាឡេស៊ី ៥២-០ ចាញ់ថៃ ៧៦-០ ស្មើឡាវ ១៤-១៤ ។ ក្នុងការប្រកួតដណ្តើមយកចំណាត់ថ្នាក់លេខ៦ កម្ពុជាចាញ់ឡាវ ២៦-១០ ។ សម្រាប់កីឡានេះ ហ្វីលីពីន បានមេដាយមាស ម៉ាឡេស៊ីបានប្រាក់ និងសឹង្ហបុរី បានសំរឹទ្ធ ខណៈថៃ ឡាវ និងកម្ពុជា ហាលអាវ។
វូស៊ូ៖
កម្ពុជាមានអត្តពលិក៥នាក់ចូលរួមប្រកួតប្រជែងលើ៥វិញ្ញាសា ហើយសុទ្ធតែបានធ្លាក់នៅវគ្គ១/៤ផ្តាច់ព្រ័ត្រ និងវគ្គជម្រុះ។ លើវិញ្ញាសា Men Sanda កីឡាករ លុយ រិនដា ចាញ់កីឡាករឡាវ ២-០ ក្នុងទម្ងន់៦០គីឡូក្រាម កីឡាករ វ៉េង វីរៈ ចាញ់កីឡាករវៀតណាម ២-០ ក្នុងទម្ងន់៦៥គីឡូក្រាម។
កីឡាករ អាន់ សាន់ និង ហេង វាសនា បញ្ចប់ក្នុងចំណាត់ថ្នាក់ទី១២ និងទី១៣ លើវិញ្ញាសា Men Optional Changquan ក្នុងចំណោមកីឡាករ១៥នាក់ ខណៈការប្រកួតជាក្រុមលើវិញ្ញាសា Men’s Duel Event-Barehand ក្រុមកម្ពុជាដែលមានកីឡាករ អាន់ សាន់, ហេង វណ្ណៈ និងហេង វាសនា បញ្ចប់ក្នុងចំណាត់ទី៦ចុងគេ។
ទូកកានូ៖
កម្ពុជាមានកីឡាករ២នាក់ចូលរួមប្រកួតប្រជែងលើ៤វិញ្ញាសា។ កីឡាករ រ៉ន ភិរ៉ូ ស្ថិតនៅចំណាត់ថ្នាក់ចុងគេក្នុងចំណោមកីឡាករ៧នាក់លើ Men K1-1000m និង Men K1-200m ។ ដូចគ្នាផងដែរ កីឡាករ ហ៊ល លីដា ទៅដល់ទីចុងក្រោយគេក្នុងចំណោម៧នាក់លើវិញ្ញាសា Men C1-1000m និង Men C1-200m ។
វាយកូនឃ្លីលើតុ៖
-វិញ្ញាសាវាយគូបុរស៖ កម្ពុជាមាន២ក្រុម ដោយក្រុមទីមួយ លឹម សុខឡុង និងណៃ សារ៉ាវៃ ឈ្នះក្រុមមីយ៉ាន់ម៉ា ៣-១ នៅវគ្គ១/៨ផ្តាច់ព្រ័ត្រ តែចាញ់ក្រុមវៀតណាម ៣-០ នៅវគ្គ១/៤ផ្តាច់ព្រ័ត្រ។ ចំណែកក្រុមទីពីរ សឹង តុលា និង អឿង ស្រ៊ូយហួរ ចាញ់ក្រុម ថៃ ៣-០ នៅវគ្គ១/៨ផ្តាច់ព្រ័ត្រ។
- វិញ្ញាសាវាយឯកត្តជន៖ កម្ពុជាមានកីឡាករ២នាក់ចូលរួម។ ណៃ សារ៉ាវៃ ស្ថិតនៅចំណាត់ថ្នាក់លេខបីពូល B ដោយចាញ់សឹង្ហបុរី ៣-០ ចាញ់ម៉ាឡេស៊ី ៣-០ តែឈ្នះឡាវ ៣-១ ។ លឹម សុខឡុងស្ថិតនៅលេខ៤ ពូល D ដោយចាញ់សឹង្ហបុរី ៣-០ ចាញ់ឥណ្ឌូនេស៊ី ៣-១ ចាញ់ថៃ ៣-០ តែឈ្នះមីយ៉ាន់ម៉ា ៣-១ ។
-វិញ្ញាសាវាយជាក្រុម ដោយមានកីឡាករ៥នាក់ (លឹម សុខឡុង, ណៃ សារ៉ាវៃ, អ៊ឹង ស្រ៊ួយហួរ, សារៈ ស៊ូព្រីង, សឹង តុលា)។ កម្ពុជាស្ថិតនៅបាតតារាង ពូល B ដោយចាញ់វៀតណាម ៣-០ ចាញ់ថៃ ៣-០ ចាញ់ហ្វីលីពីន ៣-១ និងចាញ់ ឥណ្ឌូនេស៊ី ៣-០ ។
គុនដាវ៖
-វិញ្ញាសា Men’s Individual Epée៖ ឃឹម សាមាន ជាប់លេខ១៤ក្នុងចំណោម១៨នាក់ត្រូវឈានទៅវគ្គ១/៨ ហើយក្រោយមក គេប្រកួតចាញ់កីឡាករម៉ាឡេស៊ី ១៥-៥ ។ ដោយឡែក ថុង តាំងជីន ធ្លាក់នៅវគ្គជម្រុះដោយបញ្ចប់ក្នុងចំណាត់ថ្នាក់លេខ១៧ក្នុងចំណោម១៨នាក់។
-វិញ្ញាសា Men’s Individual Foil៖ ហង់ ជេដ្ឋា និងជីម ធារ៉ា ហាលអាវនៅវគ្គជម្រុះដោយស្ថិតនៅចំណាត់ថ្នាក់លេខ១៥ និងលេខ១៦ក្នុងចំណោមកីឡាករ១៦នាក់។
-វិញ្ញាសា Men’s Team Epée៖ កម្ពុជាចាញ់សឹង្ហបុរី ៤៥-១៩ នៅវគ្គ១/៤ផ្តាច់ព្រ័ត្រ។
-វិញ្ញាសា Men’s Team Foil៖ កម្ពុជាចាញ់សឹង្ហបុរី ៤៥-១២ នៅវគ្គ១/៤ផ្តាច់ព្រ័ត្រ។
ទូកប្រពៃណី (Traditional Boat Race)៖
កម្ពុជាបានចូលរួមប្រកួតប្រជែង៤វិញ្ញាសានៃកីឡាប្រណាំងទូកប្រពីណីនៅបឹង Marina Bay លើវិញ្ញាសាចម្ងាយ២០០ម៉ែត្រ ចំណុះ៦នាក់ ចម្ងាយ២០០ម៉ែត្រចំណុះ១២នាក់ ចម្ងាយ៥០០ម៉ែត្រចំណុះ៦នាក់ និងចម្ងាយ៥០០ម៉ែត្រចំណុះ១២នាក់។ លើវិញ្ញាសាទាំង៤ កម្ពុជាស្ថិតនៅចំណាត់ថ្នាក់ចុងគេទាំងអស់ក្នុងចំណោមក្រុមចូលរួមសរុបចំនួន៦ ។
ទ្រីយ៉ាត្លុង (ហែលទឹក ជិះកង់ និងរត់ប្រណាំង)៖
កម្ពុជាចូលរួមប្រកួតលើកដំបូងក្នុងព្រឹត្តិការណ៍កីឡាស៊ីហ្គេម ដោយមានកីឡាករ២រូប។ ក្នុងការប្រកួតវិញ្ញាសាឯកត្តជនដែលមានអត្តពលិក១២នាក់ចូលរួមនោះ កីឡាករ នាង ពេជ្រពិសិដ្ឋ បញ្ចប់ក្នុងចំណាត់ថ្នាក់លេខ៩ ខណៈ ចេង ចាន់តារ៉ា ស្ថិតនៅលេខ១២ ។ មេដាយមាសបានលើកីឡាករហ្វីលីពីន មេដាយប្រាក់បានលើកីឡាករម៉ាឡេស៊ី និងសំរឹទ្ធ បានលើកីឡាករសឹង្ហបុរី។
យូដូ៖
កម្ពុជាមាន៤វិញ្ញាសា ហើយសុទ្ធតែបានធ្លាក់នៅវគ្គ១/៤ផ្តាច់ព្រ័ត្រ។ ស៊ន់ បញ្ញាវឌ្ឍន៍ ចាញ់កីឡាករវៀតណាមក្នុងវិញ្ញាសាបុរសទម្ងន់ក្រោម៦៦គីឡូក្រាម គឹម សារុំ ចាញ់កីឡាករឥណ្ឌូនេស៊ី ក្នុងទម្ងន់៦៦-៧៣គីឡូក្រាម ប្រាក់ ពិភព ចាញ់កីឡាករមីយ៉ាន់ម៉ា ក្នុងទម្ងន់៧៣-៨១គីឡូក្រាម និង កីឡាការិនី ហេង លីលី ចាញ់កីឡាការិនីវៀតណាម ក្នុងទម្ងន់ក្រោម៥២គីឡូក្រាម។
កាយសម្ព័ន្ធ៖
កីឡាករ សំ រីម គឺជាអត្តពលិកតែម្នាក់គត់របស់កម្ពុជា។ ក្នុងចំណោមអត្តពលិកចំនួន៣៥នាក់ សំ រីម បញ្ចប់ក្នុងចំណាត់ថ្នាក់ចុងក្រោយគេនាការប្រកួតនៅ Bishan Sports Hall។
បាល់ឱប (Rugby 7s)៖
កីឡាបាល់ឱបកម្ពុជា មានសមាជិក១០នាក់ចូលរួមប្រកួតនៅកីឡដ្ឋាន Choa Chu Kang Stadium។ នៅវគ្គជម្រុះ កម្ពុជា ចាញ់សឹង្ហបុរី ៣៦-០ ចាញ់ហ្វីលីពីន៥៥-០ ចាញ់ម៉ាឡេស៊ី ៥២-០ ចាញ់ថៃ ៧៦-០ ស្មើឡាវ ១៤-១៤ ។ ក្នុងការប្រកួតដណ្តើមយកចំណាត់ថ្នាក់លេខ៦ កម្ពុជាចាញ់ឡាវ ២៦-១០ ។ សម្រាប់កីឡានេះ ហ្វីលីពីន បានមេដាយមាស ម៉ាឡេស៊ីបានប្រាក់ និងសឹង្ហបុរី បានសំរឹទ្ធ ខណៈថៃ ឡាវ និងកម្ពុជា ហាលអាវ។
វូស៊ូ៖
កម្ពុជាមានអត្តពលិក៥នាក់ចូលរួមប្រកួតប្រជែងលើ៥វិញ្ញាសា ហើយសុទ្ធតែបានធ្លាក់នៅវគ្គ១/៤ផ្តាច់ព្រ័ត្រ និងវគ្គជម្រុះ។ លើវិញ្ញាសា Men Sanda កីឡាករ លុយ រិនដា ចាញ់កីឡាករឡាវ ២-០ ក្នុងទម្ងន់៦០គីឡូក្រាម កីឡាករ វ៉េង វីរៈ ចាញ់កីឡាករវៀតណាម ២-០ ក្នុងទម្ងន់៦៥គីឡូក្រាម។
កីឡាករ អាន់ សាន់ និង ហេង វាសនា បញ្ចប់ក្នុងចំណាត់ថ្នាក់ទី១២ និងទី១៣ លើវិញ្ញាសា Men Optional Changquan ក្នុងចំណោមកីឡាករ១៥នាក់ ខណៈការប្រកួតជាក្រុមលើវិញ្ញាសា Men’s Duel Event-Barehand ក្រុមកម្ពុជាដែលមានកីឡាករ អាន់ សាន់, ហេង វណ្ណៈ និងហេង វាសនា បញ្ចប់ក្នុងចំណាត់ទី៦ចុងគេ។
ទូកកានូ៖
កម្ពុជាមានកីឡាករ២នាក់ចូលរួមប្រកួតប្រជែងលើ៤វិញ្ញាសា។ កីឡាករ រ៉ន ភិរ៉ូ ស្ថិតនៅចំណាត់ថ្នាក់ចុងគេក្នុងចំណោមកីឡាករ៧នាក់លើ Men K1-1000m និង Men K1-200m ។ ដូចគ្នាផងដែរ កីឡាករ ហ៊ល លីដា ទៅដល់ទីចុងក្រោយគេក្នុងចំណោម៧នាក់លើវិញ្ញាសា Men C1-1000m និង Men C1-200m ។
© រក្សាសិទ្ធិដោយ thmeythmey.com
