ជាតិ
លោក សុខ អាន ថា លោក ជា ស៊ីម ប្រៀបដូចជា «ឪពុក» នៅក្នុងបក្ស ![](https://image.thmeythmey.com/pictures/2015/06/09/sok-an.jpg)
×![]()
លោក សុខ អាន អាឡោះអាល័យយ៉ាងខ្លាំងចំពោះការបាត់បង់លោក ជា ស៊ីម ប្រធានគណបក្សប្រជាជនកម្ពុជា។ លោករដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានចាត់ទុកលោក ជា ស៊ីម ប្រៀបបានដូចជា ឪពុក និងជាមេដឹកនាំដ៏មានឥទ្ធិពលនៅក្នុងបក្ស។ ក្នុងពិធីបុណ្យសពលោក ជា ស៊ីម នៅភូមិគ្រឹះក្នុងសង្កាត់ទន្លេបាសាក់ ខណ្ឌចំការមន នៅថ្ងៃទី ០៩ ខែមិថុនានេះលោក សុខ អាន បានរៀបរាប់ដូច្នេះថា៖« យើងចូលរួមមរណទុក្ខសម្តេច និងក្រុមគ្រួសារ ។ខ្ញុំធ្លាប់ធ្វើការនៅខុទ្ទកាល័យមជ្ឈិមបក្សជាមួយសម្តេចប្រធាន ពេលនោះលោកជាប្រធានផ្ទាល់របស់ខ្ញុំ។ លោកជាអ្នកដឹកនាំដែលគេទទួលស្គាល់ជារួម។លោកប្រៀបដូចជា ឪពុក ពាក្យណែនាំផ្តាំផ្ញើទៅមន្ត្រីរបស់លោក មានឥទ្ធិពលណាស់»។
ស្តាប់សំឡេងលោក សុខ អាន
ជាមួយគ្នានេះដែរ លោក ថោង ខុន រដ្ឋមន្រ្តីក្រសួងទេចរណ៍ និងលោក ប៉ា សុជាតិវង្ស អភិបាលរាជធានីភ្នំពេញ ទោមនស្សយ៉ាងខ្លំាងចំពោះមរណភាពរបស់លោក ជា ស៊ីម។ ក្នុងពិធីបុណ្យសពនៅភូមិគ្រឹះលោក ជា ស៊ីម លោក ទាំងពីរ សុទ្ធតែសរសើរលោក ជា ស៊ីម អតីតប្រធានគណបក្សប្រជាជនកម្ពុជាថា ជាមេបក្សល្អ និងបានកសាងស្នាដៃច្រើនណាស់សម្រាប់កម្ពុជា៕
© រក្សាសិទ្ធិដោយ thmeythmey.com