ជាតិ
កម្ពុជារៀបចំទិវាអន្តរជាតិស្តីពីយូហ្កានៅថ្ងៃទី២១មិថុនាក្នុងខេត្តសៀមរាប និងភ្នំពេញ
×
ក្រសួងទេសចរណ៍ សហការជាមួយស្ថានទូតឥណ្ឌាប្រចាំនៅកម្ពុជា និងស្ថាប័នមួយចំនួន នឹងរៀបចំទិវាអន្តរជាតិស្តីពីយូហ្កា នៅថ្ងៃទី២១មិថុនាខាងមុខ នៅរាជធានីភ្នំពេញ និងខេត្តសៀមរាប។
យោងតាមសេចក្តីដំណឹងរបស់ក្រសួងទេសចរណ៍ ទិវាអន្តរជាតិស្តីពីយូហ្កា នៅភ្នំពេញនឹងរៀបចំធ្វើនៅទីលានមុខព្រះបរមរាជវាំង ចំណែកឯនៅខេត្តសៀមរាប នឹងរៀបចំធ្វើនៅបរិវេណមុខប្រាសាទអង្គរវត្ត។
ទិវាអន្តរជាតិនេះ នឹងផ្តល់ឲ្យប្រជាពលរដ្ឋកម្ពុជាទាំងអស់ និងភ្ញៀវទេសចរណ៍បានស្វែងយល់ពីការធ្វើលំហាត់ប្រាណដោយការធ្វើសម្មាធិ សម្រួលអារម្មណ៍ទាំងផ្លូវកាយ និងផ្លូវចិត្ត ការសម្រួលចលនាសាច់ដុំ ដើម្បីឲ្យសុខភាពមាំមួន៕
© រក្សាសិទ្ធិដោយ thmeythmey.com