អន្តរជាតិ
នាវាចម្បាំងចិននៅក្នុងសមុទ្រអាឡាស្កាក្បែរកន្លែងលោក អូបាម៉ា ទៅទស្សនកិច្ច
×![]()
នាវាចម្បាំងចិន៥គ្រឿងស្ថិតនៅក្នុងសមុទ្រ Bering ស្ថិតមិនឆ្ងាយប៉ុន្មានពីរដ្ឋអាឡាស្ការបស់អាមេរិក ហើយវត្តមាននេះស្ថិតនៅមិនឆ្ងាយប៉ុន្មានពីទីតាំងដែលលោក អូបាម៉ា ទៅទស្សនកិច្ចឡើយ។ នេះជាលើកទី១ហើយដែលមានវត្តមាននាវាចិននៅក្បែរតំបន់ទឹកកកអាឡាស្កា ហើយនាវាចម្បាំងទាំងនោះត្រូវបញញ្ជូនទៅ ទីនោះ ដើម្បីចូលរួមក្នុងសមយុទ្ធយោធាជាមួយរុស្ស៊ីប៉ុណ្ណោះ។ ខណៈដែលលោក បារ៉ាក់ អូបាម៉ា កំពុងទស្សនកិច្ចនៅក្នុងទឹកដីអាឡាស្កា គេស្រាប់តែឃើញនាវាចម្បាំងរបស់ចិនប្រហែល ៥គ្រឿងនៅក្នុងសមុទ្រ Bering មិនឆ្ងាយប៉ុន្មានពីកន្លែងដែលលោក អូបាម៉ាកំពុងទស្សនកិច្ចឡើយ។
លោក មុំ ពិទូរ្យ លម្អិតព័ត៌មាននេះ
លោក អូបាម៉ា កាលពីថ្ងៃពុធបានអញ្ជើញទៅទស្សនកិច្ចនៅក្នុងទីក្រុង Kotzebue នាតំបន់អាកទិក ហើយលោកក្លាយជាប្រធានាធិបតីអាមេរិកដំបូងដែលទៅទស្សនកិច្ចនៅតំបន់អាកទិកនេះ។ គោលបំណងនៃការទស្សនកិច្ចរបស់លោកគឺដើម្បីផ្តោតលើបញ្ហាកើនកម្តៅនៃផែនដី ដែលកំពុងគំរាមកំហែងសហគមន៍ជនជាតិភាគតិចនៅតំបន់ខាងលើ។
ត្រលប់មកវិញ វត្តមាននាវាចម្បាំង ក្នុងពេលដែលប្រធានធិបតីអាមេរិកស្ថិតនៅតំបន់អាឡាស្កានេះ បានក្លាយជារឿងមួយគួរឲ្យចាប់អារម្មណ៍ ព្រោះវាជាលើកដំបួងហើយដែលចិនបញ្ជូនសព្វាវុធទៅក្បែរទឹកដីអាមេរិក។ អ្នកនាំពាក្យមន្ទីរបញ្ចកោណ Jeff Davis បានលើកឡើងថានេះជាលើកដំបូងបំផុតដែលអាមេរិកមើលឃើញនាវាចម្បាំងរបស់ចិននៅក្បែរៗទឹកដីខ្លួន ហើយនាវាចម្បាំងសរុបនោះមានប្រហែល ៥គ្រឿង។
នាវាប្រាំគ្រឿង មាន ២គ្រឿងជានាវាដឹកសព្វាវុធ និង៣គ្រឿងទៀតជានាវាពិឃាតធម្មតា។ បើតាមសម្តីមន្ត្រីក្រុងវ៉ាស៊ីនតោន នាវាចិនទាំងនោះស្ថិតនៅក្នុងដែនទឹកអន្តរជាតិ ហើយក្រុងវ៉ាស៊ីនតោនគោរពសេរីភាពនៃផ្នែកនាវាចរណ៍តាមសមុទ្រ។ ប៉ុន្តែយ៉ាងណាក៏ដោយ មន្ត្រីខាងលើនេះអះអាងថាខ្លួនមិនបានដឹងពីគោលបំណងនៃការចល័តនាវាចម្បាំងមកក្បែរដែនដីអាមេរិកទេ។
ឆ្លើយតបបញ្ហានេះ ក្រសួងការពារជាតិចិនមិនបានបកស្រាយច្រើនទេ គ្រាន់តែអះអាងថា នាវាចម្បាំងរបស់ខ្លួនទាំង៥គ្រឿងនោះត្រូវបញ្ជូនទៅកាន់ក្បែរដ្ឋអាឡាស្កា ដើម្បីចូលរួមក្នុងលំហាត់យោធារួមគ្នាជាមួយកងទ័ពរុស្ស៊ី។ លំហាត់យោធារួមគ្នារវាងរដ្ឋទាំងពីរនេះរៀបចំឡើងជាទម្លាប់ទៅហើយ ហើយក៏គ្មានអ្វីគួរឲ្យភ្ងាក់ផ្អើលនិងគួរឲ្យបារម្ភដែរ។
រឿងដែលគេបារម្ភមិនមែនវត្តមានរបស់នាវាចម្បាំងចិនទេ តែនាវាចម្បាំងចិននិងរុស្ស៊ីរួមគ្នាធ្វើលំហាត់យោធាញឹកញាប់កន្លងមកទើបជារឿងគួរឲ្យបារម្ភបំផុតមួយ។ ចិននិងរុស្ស៊ីកាន់តែខិតជិតគ្នា និងផ្អែមល្ហែមជាមួយគ្នា ក្នុងពេលដែលទំនាក់ទំនងរុស្ស៊ីជាមួយលោកខាងលិចល្អក់ករក ហើយការកើនឥទ្ធិពលរបស់ចិនឯណោះវិញក៏ត្រូវបានលោកខាងលិចចាត់ទុកជាគ្រោះថ្នាក់សម្រាប់ពិភពលោកផងដែរ។
សូមរំលឹកផងថា ក្រុងប៉េកាំងបច្ចុប្បន្នហាក់បីដូចជាកំពុងប្រឹងប្រែងយ៉ាងខ្លាំងដើម្បីសាងកម្លាំងយោធារបស់ខ្លួនឲ្យកាន់តែខ្លាំងក្លា។ ចិនចំណាយលុយរាប់រយពាន់លានដុល្លាររាល់ឆ្នាំដើម្បីស្រាវជ្រាវនិងផលិតអាវុធយុទ្ធភ័ណ្ឌថ្មីៗ ទំនើបៗ គ្រប់ម៉ាកគ្រប់ម៉ូត ដោយប៉ងជាស្រេចថាចិននឹងក្លាយមហាអំណាចសេដ្ឋកិច្ចនិងយោធាលំដាប់ទីមួយ៕
លោក មុំ ពិទូរ្យ លម្អិតព័ត៌មាននេះ
លោក អូបាម៉ា កាលពីថ្ងៃពុធបានអញ្ជើញទៅទស្សនកិច្ចនៅក្នុងទីក្រុង Kotzebue នាតំបន់អាកទិក ហើយលោកក្លាយជាប្រធានាធិបតីអាមេរិកដំបូងដែលទៅទស្សនកិច្ចនៅតំបន់អាកទិកនេះ។ គោលបំណងនៃការទស្សនកិច្ចរបស់លោកគឺដើម្បីផ្តោតលើបញ្ហាកើនកម្តៅនៃផែនដី ដែលកំពុងគំរាមកំហែងសហគមន៍ជនជាតិភាគតិចនៅតំបន់ខាងលើ។
ត្រលប់មកវិញ វត្តមាននាវាចម្បាំង ក្នុងពេលដែលប្រធានធិបតីអាមេរិកស្ថិតនៅតំបន់អាឡាស្កានេះ បានក្លាយជារឿងមួយគួរឲ្យចាប់អារម្មណ៍ ព្រោះវាជាលើកដំបួងហើយដែលចិនបញ្ជូនសព្វាវុធទៅក្បែរទឹកដីអាមេរិក។ អ្នកនាំពាក្យមន្ទីរបញ្ចកោណ Jeff Davis បានលើកឡើងថានេះជាលើកដំបូងបំផុតដែលអាមេរិកមើលឃើញនាវាចម្បាំងរបស់ចិននៅក្បែរៗទឹកដីខ្លួន ហើយនាវាចម្បាំងសរុបនោះមានប្រហែល ៥គ្រឿង។
នាវាប្រាំគ្រឿង មាន ២គ្រឿងជានាវាដឹកសព្វាវុធ និង៣គ្រឿងទៀតជានាវាពិឃាតធម្មតា។ បើតាមសម្តីមន្ត្រីក្រុងវ៉ាស៊ីនតោន នាវាចិនទាំងនោះស្ថិតនៅក្នុងដែនទឹកអន្តរជាតិ ហើយក្រុងវ៉ាស៊ីនតោនគោរពសេរីភាពនៃផ្នែកនាវាចរណ៍តាមសមុទ្រ។ ប៉ុន្តែយ៉ាងណាក៏ដោយ មន្ត្រីខាងលើនេះអះអាងថាខ្លួនមិនបានដឹងពីគោលបំណងនៃការចល័តនាវាចម្បាំងមកក្បែរដែនដីអាមេរិកទេ។
ឆ្លើយតបបញ្ហានេះ ក្រសួងការពារជាតិចិនមិនបានបកស្រាយច្រើនទេ គ្រាន់តែអះអាងថា នាវាចម្បាំងរបស់ខ្លួនទាំង៥គ្រឿងនោះត្រូវបញ្ជូនទៅកាន់ក្បែរដ្ឋអាឡាស្កា ដើម្បីចូលរួមក្នុងលំហាត់យោធារួមគ្នាជាមួយកងទ័ពរុស្ស៊ី។ លំហាត់យោធារួមគ្នារវាងរដ្ឋទាំងពីរនេះរៀបចំឡើងជាទម្លាប់ទៅហើយ ហើយក៏គ្មានអ្វីគួរឲ្យភ្ងាក់ផ្អើលនិងគួរឲ្យបារម្ភដែរ។
រឿងដែលគេបារម្ភមិនមែនវត្តមានរបស់នាវាចម្បាំងចិនទេ តែនាវាចម្បាំងចិននិងរុស្ស៊ីរួមគ្នាធ្វើលំហាត់យោធាញឹកញាប់កន្លងមកទើបជារឿងគួរឲ្យបារម្ភបំផុតមួយ។ ចិននិងរុស្ស៊ីកាន់តែខិតជិតគ្នា និងផ្អែមល្ហែមជាមួយគ្នា ក្នុងពេលដែលទំនាក់ទំនងរុស្ស៊ីជាមួយលោកខាងលិចល្អក់ករក ហើយការកើនឥទ្ធិពលរបស់ចិនឯណោះវិញក៏ត្រូវបានលោកខាងលិចចាត់ទុកជាគ្រោះថ្នាក់សម្រាប់ពិភពលោកផងដែរ។
សូមរំលឹកផងថា ក្រុងប៉េកាំងបច្ចុប្បន្នហាក់បីដូចជាកំពុងប្រឹងប្រែងយ៉ាងខ្លាំងដើម្បីសាងកម្លាំងយោធារបស់ខ្លួនឲ្យកាន់តែខ្លាំងក្លា។ ចិនចំណាយលុយរាប់រយពាន់លានដុល្លាររាល់ឆ្នាំដើម្បីស្រាវជ្រាវនិងផលិតអាវុធយុទ្ធភ័ណ្ឌថ្មីៗ ទំនើបៗ គ្រប់ម៉ាកគ្រប់ម៉ូត ដោយប៉ងជាស្រេចថាចិននឹងក្លាយមហាអំណាចសេដ្ឋកិច្ចនិងយោធាលំដាប់ទីមួយ៕
Tag:
អូបាម៉ា
ចិន
© រក្សាសិទ្ធិដោយ thmeythmey.com
